(( الكاتبه بنين عباس)) ......................................................... هلاو خلي اعرفكم عن نفسي اني شمس عمري حاليا 22 سنه طالبه قانون مرحله اولئه تركت دراسه بصف رابع علمي بسبب ظروفي الي راح تعرفوها من خلال قصتي و ظروف الي مريت بيها اني من محافظة ناصريه موصفاتي عاديه بشرتي بيضه طولي 158 وشويه مليانه مو ضعيفه وزني 63 عيوني سود حيل حساسه ومن ابسط المواقف ابجي بس بيه طبع ما احب ابچي كدام احد ابد وعندي 2 اخوان منتضر الچبير 29 سنه وحيدر 22 سنه واختي رفل وابوي اسمه علي عمره 51 سنه وامي اسمها هديل عمرها 47 سنه امي تصير اقارب ابوي من بعيد زواجهم تقليدي بس علاقتهم چانت كلش حلوه وعندي عمي اسمه عقيل ومتزوج 2 وعنده اربع بنات و ولد من الاولى و ثلاثه ولد من ثانيه وعمي مسلم وعماتي زينب و مريم وسعاد عمتي سعاد تكرهني تموت مني ما اعرف سبب وجانت كل ما تجي او روحلهم تحجي علي اشكال الحجي يم اهلي بتكم مو راحه بطلوها من مدرسه كبرت لا سويلكم مشكله و نختزي من وراها بس ابويه جان يردها وما يقبل ينطي بيه ويكلها هاي بنتي و اعرفها زين وحتى مرتين طردها من البيت بس هي ابد ما عدها كرامه سبوع وترجع ولا جان مطروده تصرف عادي مره من المرات اجو عمي مسلم و عمي عقيل عزمونا على الغداء يمهم وابويه وافق ثاني يوم اني جان عندي امتحان امي كالتلي من دوام و اخوج يجيبج على بيت عمج كتلها خوش ورحت لدوام ومن خلص دوام اجى عليه اخويه جبير منتضر من رجعنا جان اكو هوسه و مبين عركه ناس راحت شوف شنو صاير و اخويه منتضر منهم اني بقيت بسياره مكدر انزل من الهوسه و زلم الواكفه بشارع اباوع عليهم من جامت سياره وعرفت واحد منهم فلاح ابويه يعرفه من زمان رجال فقير شفت الفلاح مجلب بمنتضر و يكله راح يكتلون ابني ابنه حسب ما اذكر جان عمره 18 او 17 جان شارب ومتعارك ويا واحد و ضارب الولد بحديده على راسه الولد ضاربه ميت بسرعه واهله من سامعين متخبلين وجاين على الفلاح متعاركين ويا وصايره هوسه شفت منتضر يتعارك ويا ارجال ويلغلط علي وبعدين منتضر ضرب رجال وهذا ارجال تخبل شيل سلاحك واضرب اخوي طلقتين الناس تخبلت فلاح گام يدك ع راسه انا چنت بالسياره لحد ما شفت اخوي واگع ويمه ناس ودمه بطوله 💔...... وحق الله شما احچي عن هاي اللحضه قليل تخيلو يموت گدامكم اعز انسان ع گلبكم سندچ وابوچ الثاني وروحچ من هالدنيا تشوفوينه گدامچ ميت نزلت ركضت اله واصرخ ذبيت شالي بحركه لا اراديه عن ردة فعل واشلع بشعري واحد منهم نزع شماغه وغطى شعري بي تالي اجن نسوان مرت فلاح وبنته الچبيره والصغيره وبعد وحده يردن يدخلني ماكو تخبلت لحد ما فقدت كلش و وگعت وطبعا اهلي ما يدرون بالصار من گعدت لگيت روحي ببيتنه وبنات عمي وخوالي واقاربنه كلها موجوده چانت يمي مرت عمي عقيل تبچي وتمسح ع راسي گعدت راسي مسطور ويوجعني حيل اول ما گعدت تذكرت الصار وصرخت ببچي اخوي راح اجن بنات خالي ع صوتي لزمني ماكو فقدت طلعت برا واشوف النسوان مجمعه ببيتنه وامي يمهن ذبيت روحي بالنص وبچيت بچي بعمري ما باچيته وكلمة اخوي راح ما تطلع من لساني..... سحبتني مرت عمي وبناتها كوه لأن فعلا تخبلت بوقتها لمن هدئني شويه تعبت باد حيلي بس اون لا احجي ولا ابجي ولا اتحرك اجانه ابن عمي الصغير يگول عمي (( ابوي )) وگع واخذو للمستشفى امي وگعت اغمى عليها لأن هيه اصلا مريضة قلب النوب ابنها راح وزوجها بالمستشفى شيصير بيها وشتتحمل بعد انا ما انطيت اي ردة فعل لأن فعلا چنت فاصله عن الكل وتفكيري بس ب اخوي الشافته عيني ميت گبالي بلحظتها كرهت كلشي جان كبال عيني ما لحكت استوعب الي الصار ونصدمت من عرفت ابويه.......
يتبببع........
هاا هلاوو حبايبي شلونكم
شنو ريئكم بلقصه؟ وشنو توقعاتكم شراح يصير؟ وشنو انتو ماتريدوني استمر؟ ليش ما صوتون على قصه؟؟ ترا من اشوفكم محد يصوت؟ محب انشر والله العظيم؟ كاعد اضوج من هاي حاله؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وما الأخ إلا نعمة تعجز الحروف عن وصفها هو الصديق و هو العوض و هو السند.
