أحببت قاتلي؟!

بارت 5

في الواقع، لقد تَشَكَلت الحَياة و تَعَقَدت العَلاقات الإنسانية بَشَكل غَريب للغاية، يَتَجاوز القُدرة على الفهمِ للدرجة التي يَشعر معها المرء أنه حائراً وغارقاً في الحُزنِ حين يُفَكر حيال ذلك.
...
(( الكاتبه بنين عباس))

طول هالأسبوع انا متخبله رسمي مخلصتها بجي واردد مستحيل اتزوجه ما اريده وجانو كل ميسمعوني احجي هيج يضربوني بس عادي ما اهتم متعوده المهم اخلص منه مرن كم يوم ما صار شي بيهن مثل اي روتين يومي اجه يوم العقد جنت بغرفتي مطلعت ابد لحد ما اجت مرت عمي وبيدها فستان لون زيتوني مفتوح من الصدر وطويل شويه من جوه حيل وجبرتني البسه ما قبلت دفعتها
وگمت اصرخ ماا اريد

شمس. ما اريده ولكم حرام عليكم تزوجوني اله
والله شتردون اسوي بس لا زوجوني مجرم وقاتل

ام زهره. نجبي و كومي يلا نوب متعافيه عيني
هو ياهو الياخذج انتي وحده...... كومي وكلي خراا

شمس. برطمت وكتلها شلون ازوج واحد قاتل اخوي
كبالي وخسرت اهلي بسبه والله الموت اهون علي من
ازوجه والله من اشوفه اشوف اخوي و هو ميت بلكاع
كعدت بلكاع وضليت ابجي بحركه محتاجه اهلي يمي
بس اليمي مو بشر ولا عدها شفقه ضربتني راجدي وكعتني بلكاع
ام زهره. والله العظيم يا شمس اذا ما كمتي لبستي
و نزلتي جوه حسبي روحج ميته الف موته وحرك ما ارتاح اخليج شوفين العذاب كل دقيه وما اريحج

شمس. رحت للحمام لبسته وباوعت لروحي ع المرايه وبجيت بجيت هووااااااي لحد ما دگت الباب وهي
تصيح عليه
ام زهره. شعدج لزكتي بلحمام فلد لزكه
لبنيه منتضرتج يلاا تخليلج سخام الوجج

شمس. ما اخلي شي ما اريد

ام زهره. واني امشي بكيفج خاتون امشي لا بنعال

شمس. سحبتني وجابت وحده خلتلي مكياج خفيف
اجه موعد العقد احس بطني گامت توجعني حيل وجسمي كله يرجف اجت هيه سحبتني حيل واخذتني لهناك ضل السيد يسألني اذا موافقه ضليت ساكته بس ابجي لمن گرصتني عمتي حيل گلت بصوت ناصي ومقهور (( نعم وانت وكيلي )) هلهلت امه واخته بس اخواته الباقيات گالبات وجهن ويباوعلي من كمل كلشي الكل طلع واجه هو عرفت اسمه مراد من شفته خفت حيل باوعلي وضحك ضحكه مستفزة بعدها لزمني من ايدي وسحبني عليه لزم خصري حيل وقربني اله اكثر دفعته وردت اطلع سحبني وحضني من ورا وحجه بصوت ناصي
(( بعدچ مشايفه شي من تصيرين يمي يبدي اللعب الحلو يا مررررتي )) وشد ع اخر كلمه وضحك مستهزء دفعني وعافني وطلع گعدت خايفه حيل لا يرجع طلعت بسرعه.....

يتبببع.....

هواايهه تراسلوني وسئلوني على تكمله وليش ما انزل
بارت الكم قبل يومين عرفت انه والد زوج شمس
انتقل الى رحمه الله انا الله وانا اليه راجعون
وبسبب هذا الخبر توقفت عن نشر بس خلال
فترا قصيره انشاء الله اكملها الكم وهواي
اعتذر منكم واعرف اني مقصره وياكم
حبايبي دعمكم كلش قليل يعني تصويت
قليل محد ينطي رئيه بلكتابه ولا يدعمني الى
قليل منكم ليش تردون بس بارت بدون دعم
حسابي ضعيف واريد منكم دعم لا تقصرون