11:11

part 6

صلوا على سيدنا محمد
البارت السادس

زياد مسك يدها ولفها له ويبحت فعيونها
نازلي فكت يده بالقوه وتسمح في دموعها
زياد..يا تحكيلي يا تحكيلي معندكش خيار ثاني
نازلي ضحكت وهيه تبكي وزياد ك العاده مات فيها😩
نازلي..نبي نقعد بروحي بس
زياد ..مش مخليك❤
نازلي..يعني هكي لصقه انت
زياد ..اها اشر من الاميره يكون في علمك
نازلي ضحكت وردت معاه للكوخ...

ميس..رييييم ريم نازلييي
نازلي..عليك قلق
ريم..اششش نحلم بفارس احلامي
ميس..تي هلنا فالمطار
قالت الجمله هذ ومعش حقت الا عجاجهن😂
صبن يجارن للبنات
ريم..ك ككيف؟
نازلي..تبصري بيش تصبينا صح
ميس..والله منبصر لقيت بابا داز رساله من ساعتين قال انا بنركب الطياره توا مع عمامك
Pريم مسكت تلفونها تشوف الساعه..ساعه عشره منضنيش وصلوا هي نروحوا بسرعه لمشكله الطريق بروحها ساعه
نازلي..لالا حنقدروا نوصلوا قبلهم غر هي بسرعه
لمن دبشهن بسرعه وقالوا للشباب يقعدوا ويغيروا جو بس قالوا لا وحتى هما لموا حاجتهم وروحوا....

الساعه 12p.m

نازلي..هيه كنهم ما وصلوا
ميس..مفروض واصلين
ريم..ترا رني ع جدي ولا واحد من الشباب اسألي
نازلي رنت ع خوها وقاللها مصارش من الجيه لانهم اجلوا الرحله واصلا اطر لي بات ميس سفره لي تركيا عشان سفره عدوا معاه

نازلي..وووه لحمد لله
ميس..بس خساره روحنا من الكوخ
ريم..اها لجو سمح بكل كان
نازلي..ووع لمهم لمهم نبي نرقد وعيتيني من لفجور مبدري
ميس..ساعه10كانت
نازلي..مرقدتش12ساعه نبي نكمل نومي
ريم بحتت في ميس وضحكتت
ميس..نعدوا للشباب
ريم..ممكن راقدين خليها بعدين حتنى نبي نتكا بعدين بنعدس نشري كم شي قبل متبدا الجامعه تعدي
ميس..تم

اليوم الثاني
الساعه 5p.m
نازلي تبخ في عطرها قدام المرايه الي تلا الباب واتشقم في لبستها لكانت..
بنطلون جلد اسود عليه ماليه تشرت ابيض وجاكه بيج منفوخه ووشاح قهوي وشنطه بيضه وكويش اسود وميكاب خفيف مع لبستك (روج)دمي مش فاقع واجد
جتها ميس..بعد تقربي رني بينا
نازلي..مش حنطولوا اساسا ع ال6ونص هكي ممكن او ال7
ميس..لمهم رني
نازلي...تم

طلعت ركبت السياره تسخن فيها شيرلها زياد كان طالع شيرتله هيه بي تعال استغرب ووجا
زياد..كيف صار هلك وين
نازلي..مجوش
زياد..عليش
زياد..لتغت الرحله
زياد ..فجعوكم وخربووا عليكم المشيه وخلاص
نازلي ..ضحكت والله
زياد..يعني مش جايين توا
نازلي..لا عليش بتعرف
زياد ..هك وخلاص وين ماشيه انتي هكي
نازلي..عنجد وين ماشيه هكي شن ماشيه عريانه ولا شنو
زياد ضحك...ماللا لبسك هذا عادي
نازلي..اها لبسه عاديه
زياد..بس روجك مش عادي
نازلي..خلاص زياد بطل تعليق
زياد ..باهي خلاص وين ماشيه
نازلي ..لحبيبي
زياد..نعم!
نازلي ..شنو
زياد يبحت فيها بنظرت شك..اخر مره نسألك
نازلي..خلاص جاوبتك هيه حول اخرتني
زياد طلع منديل مسح روجها ..مفش مشي هي ردي
نازلي بعدت يده..تي زياد عليش مسحته بحتت في انعكاس وجها ع شاشة فونها ..خربت الميك اب بتاعي شن دخلك بيا انت وين نمشي ولا شن نلبس
زياد ..انا قلت كلمه خشي جوا
نازلي..ما يتبصرش معاك بكل
زياد.. وين ماشيه
نازلي..كافي
زياد ..بروحك
نازلي..اكيد لا مع صحابي
زياد ..صحاب ؟
نازلي..زياااد بتصبي ع كل كلمه
زياد..من همه
نازلي..معايا في الجامعه اطمن وفي بنات
زياد..امم باهي
نازلي..زياد بصفتك شنو تسال وتطمن
زياد.. ماشي جارتي يعني
نازلي..به هي اربح بنعدي
زياد وخر وعدت هيه بسياره