صلوا على سيدنا محمد
البارت التاسع
ميس..اهدي اهدي بس
امها..ميس ردي عقلك في راسك حتى لو سفرناك بره مش يعني حنجوزوك من برا
ميس..مش هكي خليني نكمل كلامي بس هو ليبي وجارنا فالبدايه منسحابوهمش ليبين بس بعد عرفنا قعدو يدقو مره مره يسألوا لو نبو حاجه وهكي وحقني ودزلي قالي بنخطبك
امها..متأكده هذا الي صار
ميس..اكيد ي ماما عليش بنكذب مش تقولي لبابا بيش ميفهمش غلط كيفك
امها ..تمام شن حالك انتي توا وقرايتك وبنات عمك
ميس......
عدن الايام بسرعه ومفش جديد صار غير ان ريم كملتها كله تبكي عشان تسحاب روحها خسرت اوس وكارها روحها عشان تكبرت غليه شويه فالبدايه ومعطاتاش فرصه وهو مش مقصر كل ميحقها يسمعها كلام ع ميري والجو هذا...
جو هل البنات وكذلك هل الشباب كلهم وتعرفوا واتفقوا ان يديروا خطبه كبيره وهكي وطلعوا العيلتين يعرفوا بعضهم باسم الشغل ف نسجموا الرجاله واجد💛.
يوم الخطبه💍❤.
كلهم حايسين يوتوا ويزينوا والمكان طلع خيالي بكل دارو الخطبه كبيره بكل وعشا للرجاله وهكي وعزم باتها كل رجال الاعمال برا الي يعرفهم عدد كبير شويه يعني ..
نازلي ...لابسه فستان احمر ضيق قصير لنص ففخذتها ومفتوح من عند الصدر ونظامها كتوف طايحه وكعب عالي طالقه شعرها ودايره فلو ميكب بس الوان هاديه وروج دمي فاقع شويه والحمر عاكس عليها بكل لانها بيضه ...قدام باب الحوش..بابا الوو تسمع فيا
باتهاا ..سكري يبت صدعتيلي راسي منسمعش فيكي
نازلي..اسمعني شويه بنقولك مدامك تسمع فيا
باتها..كنت متفكي منها وجيعة الراس هذي
نازلي..انا بنتك الوحيده ي بابا مسميني وجيعه راس
باتها..انت سكانه ي حبيبة باتك
نازلي ..معلش تحملني بنقولك
باتها....يييه...
صاحب نزار ...اووووف وين ع الصاروخ الاحمر الي بره هذي نزار بحت ونبي 😩😂
نزار..عنجد بحت كنك انت
صاحب نزار ..واللهي تفوتك عليك جسم
نزار..يارا غض البصر تي كنك انت
صاحب نزار 2...شكله مربيته المدام
صاحب نزار 3..تي كنك متقول يحبها وميقدرش يبحت منه بروحه معبيتله عينه😉
صاحب نزار2..بس كلا هيا حاجه
صاخب نزار 3..محقينش وجها كنها متبش تلف
نزار..يارا كنكن انتم ترضوا اختكم ينقال عليها هكي
صاحب نزار ..مفيكش جو بكل يارا وعدوا كلهم من الجهه الي كانوا فيها
نزار ..ايوه ريم
ريم ..تعال امك دزت تبي حاجات منا تعال خوذهن
نزار..هي جاي
ريم ...خوذ هذينن ورد راه مزال اخره
نزار ..كلمي واحد من الشباب
ريم ..ميردوش وكان ردوا نكلموك
نزار فطن لبنت لابسه احمر ..ريم هذي نازلي
ريم بحتت وراها ...اها
نزار ..هيا توا كانت هنا
ريم ..تقريبا اها
نزار ..ماشي نحط هذينا وجاي قوليلها تطلع من باب المطبخ
ريم ..تمام
نازلي..وين ماما معش شفتها
ميس..انا متوتره
ريم جتهم ..نازلي يبيك نزار من عند المطبخ
نازلي ..كنه ونزلت
ميس..انا متوترههه
ريم تضحك عليها
أنت تقرأ
11:11
Romanceوتجمعك صدفه معه من بين سبع الاف ترليون شخص """"""""""""" معتصم مسكها من يدها وكره له بالقوه...شن كنتي اديري معاه بلبسك هذا ..كيف تقعدي معاه بشعرك وبلبسك هذاا ..تتي شن. ..تي وبعد عنها ورفع شعره بيديه لاثنين وزفر بالقوه بيتمالك اعصابه ناز..ملكش علاقه...
