خلص وكت التسامح والخواطر
وكافي نصير للوادم گناطر
🍒🍃🍒🍃🍒🍃
الفرج محد يعرفة جم قفل بي
بتلة بلوة الصبر من صار مفتاح
🍒🍃🍒🍃🍒🍃
جوانا : گلت البابا كلشي بلحرف الواحد منقصد ولا زودت وبابا كلش عصب متحمل وگال
الاب: 😡 هذولة مو اوادم مومالت واحد ايسويهم اوادم وينطيهم مرة من اليوم مراح اتصيرلهم مرة عندي واني اعلمهم شلون يجاوزون على بنتي
جوانا : من حچة بابا هيچ كلش فرحت وعرفت اكو امل انفصل عن حسين وطلع بابا للاستقبال وصاحهم وضل يتعارك وياهم وراهة حسين راسلني وگال
حسين : متوقعتچ هيچ حسبالي نعيش اني وياچ بلصهوة (ارض صحراء) ومتحچين عل غرفة هيچ سويتي
جوانا: رديت علية او گتلة بس اني محچيت شي هية امك اجت هادة علينة وشفت انت شلون اخوك هاني هوة ومرتة وآني محچيت شي احتراما الك لئن گاعد وهم مقدرتوني وضل يحچي وتمضحك علية وهم سكتت وگلت اكبر مني وعيب اراددة وهم محچيت بس انو تجي امك هادة علية وبنص البيت لا هذا حدكم وما اقبل بهل شي وغلقت الجهاز ورة شوية اجو حسين وضرغام لبوي يعتذرون الة ومقبل بعتذارهم وآني صدگ كيفت لئن بابا هيچ سوة وهمة راحو وراهة چنت احس نفسي مختنگة اتوضيت وصليت وگعدت اقرة قرآن بدموع وادي انو ربي ايخلصني منهم وكملت ورحت نمت وثاني يوم گعدت نفس الروتين واچة عمو حيدر ايريد يقنعني واجو وياا حسين وضرغام راحو للاستقبال
جوانا : چنت بلغرفة وي ميار نحچي على مستقبلنة وعل دراسة وماما چانت اسوي چاي ورة شوية اندگت الباب
جوانا. ميار : اتفضل ودخل عمو حيدر وگال
حيدر ،:اگدر ادخل عمو جوانا اريد احچي وياچ
جوانا : اي عمو تفضل وگعد عل كرسي وگال اي بوية احچي ليش هيچ صار منو السبب
جوانا : ( ابخنگة احاول ما ابچي ): عمو والله مسويت شي همة السبب يعني تقبل ايهينوني ابنص بيتهم وآني والله اصلا مردت اروح والله بس عمتي اصرت علية وحتة ردت اصلي يعني متوضية واجت گلتلي تعاي شوفي الغرفة ومردت اروح گتلهة بعدين ويمن اصرت رحت وياهة ومن رحت تچي مرت ضرغام تضحک علية وهم غلست گلت مريد اكبرهة وصير مشكلة وسكتت عديتهة ورة شوية يجي ضرغام ويضحک علية وهم سكتت احتراما لحسين چان گاعد بس همة مو مالت احترام وگال
حيدر : عمي همة مثل اخوانچ معليچ بيهم
جوانا: عمو والله مسويت شي بس همة محترمو نفسهم ويجي ضرغام يحچي علية گدام اليسوة والميسوة اذا هسة سكتت احتراما الهم ولبوي بس بعدين مراح اسكت كافي سكتت هواي (ابچي) يعني اذا هسة هانوني وسكتت مرة مرتين نسكت بس بعد متحمل وگمت نزعت الحلقة وخليتهة بلگاع
حيدر : هااي ليش نزعتيهة تعاي بابا گعدي يمي
جوانا : گمت اخذت الحلقة من الگاع وفتحت ايدة وخليتهة مقبل ضليت ادحس بيهة بلچيب مالت الدشداشة وگتلة والله عمو مراح ارجع الهم لو شنو يصير ورحت رچعت المكاني ودخل بابا وگال
الاب: هاا بابا شكو ليش تبچين
جوانا: بابا والله اذا جبرتوني على شي بعد راح اسوي شي ميعجبكم وانتم اتعرفون اخبالي والله اخبلكم ( احچي ابشهگة وعصبية) ومشكولة ذمت كل شخص راح يدخل بية بابا والله مراح اسامحك اليوم الدين ومشكولة ذمتك منا اليوم القيامة اذا جبرتني عليهم والله والله اسوي شي الشيطان مراح ايسوي وحق الله وآني گلت وهلي الحلقة اخذهت انطيهميا بعد مريدهم ( ابشهگة يعني كلامي امگطع )
الاب: ( ايحاول ايغير جو ايريد ايضحكهم) هسة خل نفتهم كلامچ اول شي
جوانا😡 : مجابرة احد يفهم كلامي وطلع بابا وصاحني عمو
حيدر: عمو تعاي گعدي هنانة لتعاندين
جوانا 😡 : ماريد اگعد
حيدر : بابا تعاي
جوانا : مرتاحة هناا مريد😡
حيدر ': عمو لتعاندين تعاي الخاطري
جوانا : راح اگوم اگعد بس الخاطرك بس لتحاول تقنعني ترة ما اغير قراري وگعدت ابعصبية ورة شوية دخل ضرغام واني شايطو بودي اگوم اطيح حضة وگال
ضرغام : هاا شنو هااي شبيچ شكو
جوانا ( احچي بغضب وخازرتة ): كلة منك انت ومرتك انتم السبب
ضرغام: اشبيج منو حاچي ويااچ
جوانا: ، هذااا كلة وتگول محد حاااااچي ويااچ كلة ابسببك تردوني اسكت هااااا( احچي بصيااح وخازرتة )
الام : ماما صوتچ عيب
جوانا : لا ماما كافييييي هوووواي سكتت خلوني احچي شوفيهم يرررردون من هسة اصير خددددامة عدكم بسسسس اتهينونيي لا والله مو اني الي انهان ابسبب واحد ميستاهل
ضرغاام : (ابصايح): احترررررمي نفسج
جوانا (ابصايح😡): انتتتتت الييي تحترم نفسسسسسسك اني محترمة بس انت ومرتك ادورون المشاااكل ( واخزر بي)
ضرغام : لااااا اتخزررين هيلگ
جوانا : ماااا غريرگ الهيلگ احتررررم نفسك لو عندك كرامة مجاي اصيح علية روح ربي مرتك وگام ايصيح راد يضربي راجدي
ضرغام: لججج سكي لا والله اضربچ راجدي
جوانا .😡😡 هييييييي منوووو انت حتة تتتجرء اتمد ايدك علية وحق من ازل القرآن هسة اكسرهةةة ودخل بابا وشافني شلون خازرة ضرغاام واراددة بابا بس يتباوعلي وحاصرتة الضحكة يمكن اول مرة ايشوفي هيچ بعصبية يمكن ضغطي فول بحيث جسمي گام يرچف بعد ما اسيطر عليه واني اصيح على ضرغام
الاب: كااافي ماكو احترام مو بيعنكم اني
جوانا : شووف بابا واني والله ابحياتي محالفة بلقرآاان بس هسة راح احلف
سمعوني كلش زيين وحق القرآاان الكريم بيتكم مراح ادخلة مراح ايصير العرس وگولو اني گلت وخل اشوف وااااحد يحچي كلمة
ضرغام (بصيااح): غصبن عليييج العرس هذاا الخميس وخل اشوف منو يحچي
جوانا: غصبااا عليك ماكو عرس ولا راح ايصيرررر فاااهم واني بعد بحياتك اتحلمونن ادخل بيتكم اطلللع برررررة وحاولو ايهدون الوضع وطلعو ضرغاام برة وعمو حيدر هم گام طلع بس انطة الحلقة لمي وگتلهة
جوانا : يمة هااي الحلقة بعد مريد اشوفهة والله والله اذا شفتهة الة بلچاكوچ والطابوگة واعفسه عفس واذبهة بلبلوعة
الام: ماما بس اهدي لايصير بيچ شي بسس والله مستحيل اقبل اترجعيلهم بعد
جوانا : اخذت ماما الحلقة وشدتهة بل بيرغ (العلگ) مالت العباس وگالت يبو فاضل اذا بيهة صالح رجعهم واذا مبيهة صالح خرب كلشي (خطية تحچي بقهر ) ورة يوم عود شوية هدئ الوضع اجو عمامي كلهم يحچون وياي ويهدوني وهم مقبلت وعدت نفس الحچي وگتلهم الصار بس مگگللكم عمو ماجد وسف اسوو واحد لازم حسين واحد ضرغام ومنهييهم وصملا عليهم ابد ميلعبون حيديد وعمو ماجد ضابط وعدكم الحساب شلون طيح حض ضرغام ويعد مناقشات حادة وي عماماي وبابا قررو ننفص واني الفرحة مواسعتني بعد مرور اسبوع الحمد لله اطلقت منة واحس انس طيررررر حررر والله شعور مينوصف وصليت ركعتين شكر لوجة الله وقريت قرآن بدموع وشكرت ربي وعرفت مراح ايضيعةحق المضلوم وشكرت ابو فاضل لئن نخيتة ومردني والحمد لله صبرت علي سوو بية وآني مضلومة بس الله مضيع حقي منهم وهذا يوم وذاك يوم اني كارهة شي اسمة زواج او واحد يتقدملي وصرت انعزالية عن العالم وعصبية بشكل لئن هاي الفترة المرت علية مو قليلة ومن يومهة حسين وضرغام ولمهم محد يدخل البيتنة ولا احنة ندخل البيتهم وورة اسبوعين حسين خطب وزوج وآني كلش فرحت لئن شاف حيااتة وعافني
شكثر كسرات
واصعب كسره چانت كسرة الخاطر
شكثر لچمات ونگول الفرح باچر
.
.
ومرت الايام ومرتة صارت حامل طبعا والله بدون چذب بس ميستاهل مرتة لئن طلش حبابة وعلى نياتهة ومحترمة ولا فد يوم ادخلت بية وهكذا مرت باقي ايامي مرات من اذكر الي صار وياي اگعد ابچي بليل وحدي محسسهم ابشي ابد وضليت قوية والحمد لله گدر اتجاوز هاي المحنة ابفضل الله موجود
.
.
الي اريدة تتعلمو من ماضيي انو صح الاهل مرات ايغلطون ويانة ويجبرونة على شي مثل بابا بس عرف غلطة واعتذرلي عن الي سوا حتة عمامي هم اعتذرولي وسامحتهم لئن مگدر اكره شخص ولا راح اكره حتة حسين وضرغام وامهم هم سامحتهم بس وجهي ثگيل عليهم يعني علاقتي وياهم مو مثل قبل لئن الي صار بين حقيقتهم ومن يوم المشكلة ولا واحد منهم دخل بيتنة الحمد لله لئن طل فترة چانو ايسوون النة مشاكل
ولازم نتعلم الصبر والدعاء لئن الله مراح ايضيع حق المضلوم ولا اهل البيت والحمد لله من نخيت ابو فاضل مقصر وياي وبين حقيقتهم الي وكملت دراستي الي هوة السادس ودخلت كلية الحمد لله الي اتمناهة
.
.
وهذا اخر جزء من ماضي جوانا وعرفنة ليش متقبل تعترف اليزن ابحبهة الة لئن تعتقد هوة مثل باقي الرجال هم ايخون ولهذا السبب هية كارهة الزلم مطيقهم بس منعرف اشرح ايصير يمكن راح اتغير رايهة وتعترف لولا خل انشوف
.
.
.
الكاتبة: رنآ الخفآجي❤
أنت تقرأ
(الضابط والطالبة )❤
Lãng mạnنًعُيْبّ زُمِنًنًأُ وِأُلَعُيْبّ فّيْنًأُ وِمِأُ لَزُمِأُنًنًأُ مِنً عُيْبّ سًوِأُنًأُ وِنًﮭجُوِ ذَأُ أُلَزُمِأُنً بّغِيْرٌ ذَنًبّ وِلَوِ نًطٌقُ أُلَزُمِأُنً لَنًأُ ﮭجُأُنًأُ وِلَيْسً أُلَذَئبّ يْأڳّلَ لَحٌمِ ذَئبّ وِيْأڳّلَ بّعُضَنًأُ بّعُضَ عُيْأُ...
