𝑲𝒐 𝑲𝒐 ♡︎

♡︎2(Unicode+Zawgyi)

-unicode-

ကိုကိုဟာ အန်တီ Hae Seo ၏ သားအရင်းမဟုတ်ခဲ့ပါ။ ကိုကို သည် သူမနှင့်နည်းတူစွာပင် ကိုကိုငါးနှစ်သားအရွယ်မှာ ကိုကို့မိခင်ကိုဆုံးရှုံးခဲ့ရသည်။ ကိုကို့ဖခင်ဖြစ်သူဟာလည်း ကိုကို့မိခင်ဖြစ်သူမသေဆုံးမှီထဲကတရား၀င်ကွာရှင်းကာနိုင်ငံခြားသို့အပြီးထွက်သွားခဲ့သည်။ အန်တီ Hae Seo က ကိုကို့မိခင်၏ အချစ်ရဆုံးသူငယ်ချင်းဖြစ်ကာ မိခင်သေဆုံးပြီးတာ၀န်ယူချင်စိတ်မရှိသောဆွေမျိုးသားချင်းတွေအလည်တစ်ယောက်တည်းကျန်ခဲ့သော ကိုကို့ကို တရား၀င်မွေးစားခဲ့ခြင်းဖြစ်သည်။
ထိုအကြောင်းစုံတို့ကို Nelly ကိုပြောပြခဲ့သူမှာ ကိုကိုကိုယ်တိုင်ပင်ဖြစ်သည်။ အေးစက်တည်ငြိမ်သောကိုကိုသည် သူ့ရဲ့ ဘ၀အကြောင်းနဲ့ပတ်သက်ပြီးဘယ်သူ့အပေါ်မှ စိတ်ကွက်ဟန်မရှိကာ ရရှိတဲ့ဘ၀အပေါ်အကောင်း‌ဆုံးဖြတ်သန်းဖို့ စိတ်ကူးထားဟန်ရှိသည်။ Nelly လည်းထိုနည်းလည်းကောင်းပင်။
Nelly နဲ့ ကိုကိုဟာ ထင်ထာထက်ပို ရင်းနှီးခဲ့ကြသည်။ ရင်းနှီးတယ်ဆိုခြင်းထက် Nelly ဟာ ကိုကို့နောက်ကို တကောက်ကောက်လိုက်ခဲ့သည်ဆို ပိုမှန်မည်။ ကိုကိုကလည်းမငြိုငြင်ခဲ့ပါ။ အထီးကျန်ဆန်တဲ့ဘ၀ထဲ အရှုပ်ထုပ်လေးကောက်ရသည်ဟုတွေးကောင်းတွေးလိမ့်မည်။ မှန်ပါသည်။ Nelly ဟာ ကိုကို့ကို ချစ်သွားခဲ့သည်။

..............................
ထမင်းစားပြီးခြံထဲဆင်းလာသောအခါတွေ့လိုက်ရသောမြင်ကွင်းကြောင့် YoonGi ထိုနေရာကို ခြေလှမ်းကျဲများဖြင့်ခပ်မြန်မြန်လျှောက်သွားလိုက်သည်။
လက်ထဲက cigarettesကို ဆွဲယူကာမြေကြီးပေါ်ပစ်ချနင်းချေပစ်တော့ လက်ခံရရှိတာကမကျေနပ်ကြည့်တွေ။ မကြိုက်ပါ cigarettes တွေသောက်တတ်နေတာမကြိုက်ပါ။ အဲ့တာထက် သူမ၏ဖခင်တွေ့ပြီး သူမဆူပူကြိမ်းမောင်းခံရမှာကို ပိုမကြိုက်ပါ။
“ဘာထဖြစ်တာလဲ ကိုကို။ အထူအဆန်းလဲမဟုတ်တာကိုပဲ”
“အိမ်မှာလေ Nelly။ မင်းဆင်ခြင်သင့်တယ်”
“ cigarettes သောက်ချင်တာကို သည်းခံပြီးမနေနိုင်ဘူး”
“မင်းအဖေသိရင် သူလည်းသည်းခံမှာမဟုတ်ဘူး”
“လူကိုအဖက်လုပ်သလိုလာဟန်ဆောင်မနေနဲ့”
ခပ်ဆောင့်ဆောင့်ပြောကာ သူမ၏ကားဆီသို့ ထွက်သွားပြီးဖြစ်တဲ့ ကျောပြင်ငယ်ကို YoonGi နေရာကမရွေ့ပဲရပ်ငေးမိသည်။ အဖက်လုပ်ခဲ့တာပေါ့။ ဒီကလေးမရဲ့ မျက်၀န်းတွေကို အဖက်လုပ်ခံစားတတ်ခဲ့လို့ အခက်တွေ့နေရတာ ညတွေအိပ်မပျော်အောင်ပဲ။ ဒါပေမယ့် မဖြစ်သင့်တာတွေမလား။