𝑲𝒐 𝑲𝒐 ♡︎

extra

Hi everyone ဒီနေ့က KOKO ‌ကို Wattpad မှာတင်ခဲ့တာလေးနှစ်ပြည့်မို့ အမှတ်တရ extra လေးရေးဖြစ်တာပါ။ တင်တဲ့နေ့ကတော့ ထုံးစံအတိုင်း နောက်ကျကောင်းကျနေမှာပေါ့နော်။
ဘာပဲဖြစ်ဖြစ် အလွမ်းပြေဖတ်ပေးကြပါဦး။

YoonGi Nelly တို့အိမ်ကိုပြောင်းခဲ့ပြီး 5နှစ်အကြာ တစ်နည်းဆိုသော် YoonGi မွေးစားမိခင်နဲ့ Nelly အဖေ လက်ထပ်ပြီး 5နှစ်အကြာ ဆောင်းရာသီ။
18နှစ်အရွယ် Nelly သည် ခြံထောင့်အကွယ်နေရာတွင် လူအရိပ်အခြေကိုကြည့်ကာ ကျောပိုးအိတ်ထဲမှတစ်စုံတစ်ခုကိုထုတ်ယူနေသည်။
Cigarettes......အသစ်အဆန်းပင်။ စမ်းကြည့်ချင်တာကြာပြီဖြစ်သော်လဲ ဒါဟာပထဆုံးအကြိမ်။ ကျောင်းကအတန်းဖော်တွေကြား ဆေးလိပ်သောက်ခြင်းဟာ အတော်ကိုခေတ်စားနေသည်။
ခပ်ဆိုးခပ်ဂျစ်ဂျစ်သူဌေးသမီး Nelly ဟာ ဆေးလိပ်မသောက်ဖူးခြင်းကို ခေတ်မမှီဟုထင်သည်။ ခက်ခက်ခဲခဲရလာသော ဆေးလိပ်ဗူးကို မကျွမ်းကျင်စွာဖွင့်ပြီး တစ်လိပ်ကိုပါးစပ်မှာတပ်လိုက်သည်။ မီးခြစ်နဲ့မီးညှိပြီး မြင်ဖူးထားသလို တစ်ဖွာလောက်ရှိုက်လိုက်ချိန်တွင် တဟွတ်ဟွတ်ချောင်းတွေဆိုးလာရတော့သည်။
"ဘာကြီးလဲ...ကောင်းလဲမကောင်းဘူး"
Nelly သည်ပြောပြောဆိုဆို လက်ထဲကဆေးလိပ်ကိုမြေကြီးပေါ်ပစ်ချကာတက်နင်းရင်းရေရွတ်သည်။
"မကောင်းတာသိရင်နောက်မလုပ်နဲ့"
Nelly ကွယ်နေသောနရံထောင့်မှထွက်လာသောအေးစက်စက်အသံကြောင့် Nelly တွန့်သွားရသည်။
"ကိုကို"
မြင်မြင်ချင်းလန့်သွားပေမယ့် အကြောတင်း Nelly သည် YoonGi ကိုချက်ချင်းမျက်လုံးလှန်ကြည့်ပြီး တည့်တည့်မေးသည်။
"အဖေ့ကိုပြောမှာလား"
"‌ပြောမှာ"
"ဘာလို့လဲ ကိုကိုနဲ့မဆိုင်တာပဲ"
"မပြောစေချင်ရင်ပေး"
YoonGi သည် Nelly ရှေ့ကိုလက်ဖြန့်လာသည်။
ဘာလဲဆိုသောအကြည့်ကို Nelly ကပြန်ပေးသည့်အခါ YoonGi က Nelly လက်ထဲကဆေးလိပ်ဗူးကို မေးငေါ့ပြသည်။
စူစူဆောင့်ဆောင့်နဲ့ပေးလိုက်သော Nelly ၏ ဆေးလိပ်ဗူးနဲ့မီးခြစ်ကို ဂျက်ကတ်အိတ်ထဲသို့ထည့်ကာ YoonGi နောက်လှည့်ထွက်သွားဖို့ပြင်သည်။
"ကိုကို..."
ခေါ်သံခပ်တိုးတိုးက YoonGi ခြေလှမ်းတွေကိုရပ်တန့်ပစ်သည်။
"သဘောကျတယ်"
တိတိကျကျပြတ်ပြတ်သားသားကြားလိုက်ရတဲ့စကားသံကြောင့် YoonGi ဟန်မပျက်သွားအောင်‌ ကျောကိုမတ်လိုက်ရသည်။
"Nelly ကိုကို့ ကို သဘောကျတယ်"
ထပ်ကြားလိုက်ရတဲ့စကားသံအဆုံးတွင်တော့ YoonGi ခြေလှမ်းကျဲတွေနဲ့ ထိုနေရာကထွက်ခဲ့သည်။အနောက်ကိုတော့လုံးဝငဲ့မကြည့်ခဲ့ပါ။
ထိုနေ့ဟာ Nelly ကိုကို့ကို ပထမဆုံးဖွင့်ပြောခဲ့တဲ့နေ့ဖြစ်ခဲ့သည်။

ကျေးဇူးတင်လျက်
-naychi99-
2.MAY.2026
2:52AM