♡اسيرة العشق ♡

Parт 17

كل سنه وانتم طيبين وبخير وسنه سعيده عليكم
بعتذر عن تأخير البارت بس المشكله عندي في الوتباد وكمان البارت اتمسح مرتين فانا بعتذر منكم جدا

ـــــــــــــــــــــــــــــــــــــــــــــ
متنسوش التصويت عشان تشجعوني يا حبايبي ♥
ـــــــــــــــــــــــــــــــــــــــــــــــــــــ

*" ‏إن مُحمَّداً له في القلبِ حُباً فَـ صلّوا عليه كي يزيد الحُبّ حباً ﷺ 🤍🌍".*

ـــــــــــــــــــــــــــ 
خرج ادم من غرفه كريمه بعد ان قام بالكشف عليها
ادهم /ماما عامله اي
ادم/متقلقش هي كويسه وانا والجرح سطحي شويه وهتفوق هو في اي بالظبط

ادهم /مش عارف انا لسه واصل زيك خلينا نشوف الكارثه الجديدة
ثم توجهو حيث اسماء ويارا وصوفي

ماما كويسه مفيش داعي تقعدوا زي المطلقين كدة صمت قليلا وهو ينظر للوجوه امامه انا عرفت سبب سكوتكم
نظرت له لمار تنتظر ان يكمل حديثه ليردف هو/لمونه نايمه ولا اي عشان كدة البيت هادي
اسماء/لمار مش عارفين فينها
ادهم/احس ايييييييييه مش عارفين فينها ازاي يعني
اسماء بتوتر /ماهو اصل اصل هي كانت كنا هنروح سوا وهي كانت مستنياني ولما روحت المكان اللي قالتلي عليه ملقتهاش وانا فكرت انها روحت من غيري
ادهم بهدوء مخيف/وبعدين
اسماء/انا رجعت البيت ونمت علي طول من غير مااحس لاني مطبقه ليا يومين واول ماصحيت لقيت مكالمات كتير من يارا وجيت هنا وقولتلها اللي حصل وطنط كريمه تعبت لما عرفت

كان الساعه لما دة حصل
التفت الجميع لمصدر الصوت خلفهم ليجدوا اسر يقف خلفهم وقد اسودت عيونه بشده
اسماء بخوف /الساعه 12ونص
اسر بغضب /ولسه واخدين بالكم من غيابها
اسر لادهم /هات والدتك من جوة بسرعه
ادهم /بس
اسر بحده/ من غير بس ياادهم من غير بس
ادم /هو في اي يااسر
اسر/هتعرفو جهز عربيتك هنطلع علي الفيلا القديمه
ادهم /الفيلا القديمه بس عمي محمود مانع حد يروح فيها
اسر / بابا وعمي احمد هناك

ادم /بابا؟!
اسر/مش وقته اسئلتكم دي يلا بسرعه ادهم هتاخد اسماءوبارا وطنط كريمه معاك وانت ياادم هتاخد صوفي ووالدتها معاك  ثم تحرك للخارج وتبعه الجميع ونفذو ماقاله

ـــــــــــــــــــــــــــــــــ♡♡♡ـــــــــــــــــــــــــــــــــ
كانت تجلس في تلك الغرفه المظلمه بتعب فهي كانت تحاول خلال الساعات الماضيه ان تفك قيودها
ولكن جميع محاولاتها بائت بالفشل
وهاهو الباب يفتح مجددا

«منورة يالمار» كان ذلك الصوت للشخص الذي دلف للغرفه للتو

لمار/انت مين. وانا هنا ليه
الشخص وهو يقترب منها /شوفي انتي زعلتي مين منك
لمار بلا مبالاه /نص مصر زعلانه مني تقريبا
الشخص /انتي بتاعت مشاكل بقا
لنار/ابدا انا كائن مسالم جدا وهاديه بس هما اللي بيخرجوني عن شعوري
الشخص /والله
لمار/هما اللي بيحبو يشوف لمار الباد جيرل ياباشا سيبك مني عيونك دي حقيقيه ولا لانسيز
الشخص بوقاحه /طبيعيه ياقمر
لمار/والله انت اللي قمر يابو عيون خضرا انت
الشخص/انتي نسيتي انك مخطوفه وبتعاكسيني
لماربتوضيح /بشقطتك
الشخص بنظرات متفحصه وقحه /ودي حاجه تشرفني يابطل
لمار بنبرة جاهدت ان تخرجها طبيعيه /ميرسي بس انت اسمك اي
الشخص /اسمي
قاطعه رنين هاتفه ليبتعد قليلا عنها ومازالت عيناه عليها
الو ..اممم قدامي ....تمام ماشي ......معنديش اغلي منك ياروحي
انهي اتصاله وهو يبتسم بسعاده
"حبيبتك "
الشخص.نعم
لمار/حبيبتك اللي كانت بتكلمك
الشخص بابتسامه /اه حبيبتي اللي انتي هنتيها قدام الكل وخلتيها تعيط وانا بقا هندمك علي اللي عملتيه
لمار/هي اسمها اي
الشخص /سما
لمار بتذكر /اه سما الدمنهوري البت المقشفه  اللي في تربيه اللي مشافتش بربع جنيه تربيه
الشخص وهو يمسكها من شعرها بقوة وغضب / اخرسي يا حيوانه انتي ازاي تتكلمي عنها بالطريقه دي
لمار بألم/ اااااه سيب شعري ياحيوان انت جاتك نيله انت وهي سيب شعرررري
الشخص بغضب وهو يشدد من قبضته علي شعرها /اخرسي مسمعش صوتك يابت ال********
لمار بغضب جحيمي /انا سكتالك من بدري لكن تغلط في اهلي موتك هيكون علي يابن ال*******يا بتاع سما انت مفكر نفسك راجل وانت متسواش تعريفه في سوق الحيوانات دة انت عار علي الرجاله قسما بالله هندمك يا بتاع سما وقول لبنت الدمنهوري بقا خلي بالك من نفسك عشان لمار مش هتسيب حقها وربي ومااعبد مش هسكت غير لما اعقابكم بطريقتي وهخليكم تشوفو النجوم في عز الضهر
لم تكمل كلامها بسبب تلقيها صفعه قويه جلعتها تنظر للجهه الاخري
لمار بقرف واشمئزاز /هتوقع اي من واحده زيك اخص علي تربيتك .انهت كلامها ثم بصقت علي وجهه
امسكها بقوة وغضب وهو يشدد قبضته علي شعرها وقام بضرب رأسها عده مرات  سريعه في الحائط /دة لو طلعتي من هنا
شعرت بدمائها تسيل علي وجهها والرؤيه اصبحت مشوشه امامها والظلام يحيطها من كل جانب ورأت حياتها تمر امام عينيها من طفولتها لتلك اللحظه كانها فيلم تشاهده
"اسر" كانت هذه اخر كلمه همست بها قبل ان تستسلم للظلام من حولها
  ـــــــــــــــــــــــــــــــــ♡♡♡ــــــــــــــــــــــــــــــــ