Resurrection Academy

Chapter Four

Buong magdamag akong hindi nakatulog noong madaling araw ding iyon. Hindi ako mapakali habang nakahiga sa kama. Ang tanging nasa isip ko lang ay ang sinabing mga salita ni Trevon bago pa ako makapasok sa kuwarto ko.

"We are the Lost Souls. Kaluluwang hindi matahimik at hindi matanggap na patay na tayo. At nandito tayo para mabigyan tayo ng pagkakataon na mabuhay pang muli."

Lost Souls

Patay

Tayo

Buhay

Muli

Pagkakataon

Sa mga salitang sinabi ni Trevon, iyon lang ang mga tumatak sa utak ko. Ayaw kong maniwala dahil alam ko naman na puro kalokohan lang ang alam ni Trevon. Pero napakaseryoso niya noong sinabi niya iyon sa akin. Para bang sinasabi niya sa akin na totoo lahat ng sinasabi niya at hindi siya nagsisinungaling.

And it makes sense. Kaya siguro mukhang anghel si Headmaster Junmyeon dahil nasa kabilang buhay na kami. Pero kabilang buhay ba talaga? Ang sabi ni Trevon, nandito kami sa Resurrection Academy para mabigyan ng pagkakataon na mabuhay pang muli. Kaya ba mayroong nagaganap na Monthly Unit Examination?

Doon ko naalala ang nakasulat sa student handbook.

"There will be a monthly unit examination for each year level. Your fate will be decided in that test - if you can still be part of Resurrection Academy, or if you will die."

Ibig sabihin, kailangan lang naming mapasa ang MUE para mabuhay muli?

—

Nasilaw ako sa liwanag na nanggagaling sa bintana. Walang kurtina ang nagtatakip doon kaya't tumayo na ako mula sa aking pagkakahiga. Wala ring kuwenta dahil hindi naman ako inaantok. Nilingon ko ang isang orasan na nakalagay sa bedside table at napabuntong hininga. 5:00 AM pa lang. Sobrang aga pa para tumayo dahil nadismiss kami sa klase namin ng 2:00 AM.

Naisipan ko na lang na libutin ang buong school. Tiyak akong wala akong makakasalubong ngayon na mga estudyante dahil una; nagka-klase na ang mga nasa Angel Class at mamayang 12 pa lang sila madi-dismiss, at pangalawa; dahil tulog pa ang mga nasa Devil Class.

Kaya heto ako ngayon, naglalakad mag-isa sa hallway at pilit iwinawaksi ang lahat ng mga bumabagabag sa akin ngayon. Nasa first floor ako ng main building ng Resurrection Academy. Ang main building ay ang lugar kung nasaan ang cafeteria ng school, at dito rin nakalugar ang room ng mga nasa Angel Class at Devil Class mula first level hanggang fourth level.

Aakyat na sana ako sa nag-iisang stairway papuntang second floor nang napansin ko ang isang malaking pintuan na mukhang gawa pa sa isang narra. Nagtaka ako dahil nalibot ko na ang buong academy na 'to kahapon pero ngayon ko lang napansin ang pintuan na 'yon.