ဒီမနက် ရီပေါ် ရှေ့နေကြီးဆီ ၆ နာရီအရောက်သွားရမယ်. ပေကျင်းကနေ ၄ နာရီလောက် ကားမောင်းရမယ့် ပင်းကျိုးမြို့ကို သွားရမှာ. စုံစမ်းစရာရှိလို့တဲ့. ဘာမှန်းမသိပေမယ့် မနေ့ကလာတဲ့ ဦးလေးကြီးနဲ့ ပတ်သတ်မယ်ထင်တယ်.
ရီပေါ် ဖန်ရှင်းကို ညကတည်််းကခေါ်ထားရတယ်. မနက် ရှေ့နေကြီးကားနဲ့သွားကြမှာမို့လို့ ဖန်ရှင်းကိုလိုက်ပို့ခိုင်းရမှာ. အပျော်လွန်ပြီး ညကလည်းကောင်းကောင်းအိပ်မပျော်. မနက်ကျတော့လည်းအစောကြီးနိုးနေပြီးတက်ကြွနေတယ်. ဖန်ရှင်းက အံ့သြလို့မဆုံး.
"မင်း နယ်ရိုက်ကွင်းသွားစရာရှိရင်တောင် အစောကြီးမနိုးတဲ့ကောင်က ဒီတစ်ခါအထူးအဆန်းပါလား"
"မတူဘူးလေ သားကြီးရာ. အခုက ရှေ့နေကြီးနဲ့ သွားရမှာ"
"မင်း ရှေ့နေကြီးကို တော်တော်ခင်တွယ်နေတာပဲ"
"အဲဒါထက် ပိုတယ်"
ရီပေါ်ရဲ့ စကားကိုတစ်မျိုးနားလည်သွားတဲ့ ဖန်ရှင်းက
"အင်းပါ . ငါသိပါတယ်. မင်း ရှေ့နေကြီးကို အစ်ကိုတစ်ယောက်လိုခင်တွယ်နေတယ်ဆိုတာ"
လာပြန်ပြီနောက်တစ်ယောက်. ညီအစ်ကို ဇုန်ထဲထည့်နေပြန်ပြီ. ( ငါလေး ရှင်ချင်တယ်)
"ဟူး" ရီပေါ် ခေါင်းခါရင်း လေပူမှုတ်ထုတ်လိုက်တယ်.
ရီပေါ်လည်း ရှင်းပြမနေတော့ပါဘူး. သူ့ဘက်ကသာချစ်နေပေမယ့် ရှေ့နေကြီးက ခန့်မှန်းရခက်တယ်. တစ်ခါတစ်ရံ ဆောင်းလယ်ကာလရောက်သွားသလို ရေခဲငွေ့တွေထုတ်လွှတ်နေပြီး တစ်ခါတစ်ရံ နွေဦးရာသီက နေခြည်နွေးနွေးဖြာကျနေသလို ရီပေါ်မှာ အေးလိုက်နွေးလိုက်နဲ့ ခံစားချက်မျိုးစုံ ခံစားနေရတယ်.ရီပေါ်တို့ ကုမ္ပဏီကားမသုံးဘဲ ရီပေါ်ရဲ့ မသုံးဘဲထားနေရတဲ့ ကိုယ်ပိုင်ကားအဖြူလေးနဲ့ ထွက်လာကြတယ်.
ရှေ့နေကြီးက သူနေတဲ့လမ်းလေးနဲ့ လမ်းမကြီးဆုံရာမှာစောင့်နေမှာ. တွေ့ပါပြီ ကားလေးကိုမှီပြီး ရီပေါ်လာမယ့်လမ်းကိုကြည့်နေတဲ့ ရှေ့နေကြီး.
YOU ARE READING
My Happiness (Complete)
Romanceရှေ့နေကြီးနှင့်မင်းသားလေးတို့ရဲ့ အချစ်ဇာတ်လမ်းတစ်ပုဒ် Started Date. 30.1.2022 End Date.21.8.2022 Zhanyi