رواية همس الموت /الكاتبة لمسة براءة

الهمسة العشرون

//

مــــريم

،

انزويت فـ الزآوية...وانا ارتجف من الرعب...
عيوني تنتقل فـ الشخص الضخم اللي جدآمي...وفـ محمد اللي فتح الباب منصدم..!
الارض كلها دم مني...وقطع زجاج متكسرة..
تفآجأت لما دخل هالاسود الضخم علي....وهجم علي....
ولما جفت العاملة الحقيرة المتآمرة معاه..
هي نفسها اللي كلمتها قبل شوي لما كنت ويا ريم...
،
حاولت اشرد منه...
مسكني قطع ملابسي.....بسس...مادري كيف فلت منه...
ياا فـ بالي بس اقتله...
فريت عليه كل العطورات اللي جدامي....والتحف الموجودة..
بس كان يتفاداهم بمهارة..
طآقتي كلها نفذت....ما عدت احس بشي...
حتى لما تعثرت وطحت ع قطع الزجاج..ماحسيت باي الم..
الخووف ماخذ مني كل شي..
وو لما حاصرني ع الزاوية...تفاجأنا بمحمد يدخل..
،
الشعور الوحيد اللي احس فيه الحينة.....اني انتهيت..
كنت مبتلية بواحد...الحينة اثنين...!
.
غمضت عيني باستسلام...
خلاااص....مافيني حيل لاي شي...
دافعت عن نفسي قد ما اقدر...

رفعت ايدي اجوفها....
تنززف..وقطع الزجاج بعدها معلقة فيها..

حطيت راسي ع ركبي...
كان عندي امل اطلع من هالمكاان سليمة...
بس شكل هالامل مستحييل..!
هالـ***..بياخذون منآ اللي يبون....و عقبها بيذبحونا شرات العنز...
.
رفعت راسي ببطىء...
جفت ضرابة قوية بين محمد و الضخم اللي ما يتسمى..
طالعتهم ببرود...يعلهم يموتوون الحين جدآآمي...
.
وكأن امنيتي بدات تتحقق....لاني جفت الضخم يالس فوق محمد..ويخنقه..!
هنيي كأن الامل تجدد لي...
جفت الباب مفتوح....رديت اطالعهم...
بعدهم ع وضعهم....!
زحفت لين الباب....وظهرت...!!
وين اسيير الحينة....؟!!
سمعت اصواتهم بدت تهدا....
بسرعه زحفت...و سرت الصالة...
جفت فتحة ضيقة بين الغنفتين....وو انحشرت فيها...
حضنت نفسي...وانا ادعي محد ينتبه لي...
،
الحين..بديت احس بالم فـ كل جسمي...
طالعت ايدي...لازم اول شي اظهر كل القطع اللي فيها...
نزعت وحدة...
كنت بصرخ من الالـــــم...
دمعت عيوني.....يعووووور.....!
نزلت ايدي باسى.....مااقدر اكمل...
غمضت عيني.....
ومن التعب....ماحسيت بعمري الا وانا رآآقدة...!