=فين المصاصة؟
-مصاصة اي يا شيخة بقي حلي عني انتي ليه محسسناني انك طفلة انتي مش واخدة بالك من سنك اول ما بتشوفيني اول حاجة بتسأليني جبت مصاصة؟ ده انا حتي لو تعبان من الشغل طول اليوم لازم برده اجيبهالك دي مبقتش عيشة والله
*انا سجود عندي 25سنة وده كان احمد جوزي دكتور باطنة
وده الكلام الي حصل لما جه من الشغل
قاله وسابني ودخل وانا وقفت مش عارفة اعمل اي عشان ارضيه واخفف عنه
ايوا متستغربوش هو مش كدة علفكرة
جايز مش متجوزين عن حب وجواز صالونات زي ما بتقولوا بس الحب جه بعد الجواز شايلني علي كفوف الراحة كدا بقالنا سنتين مع بعض مشوفتش منه حاجة وحشة بالعكس شوفت منه كل حلو يخليني اصلا مسمعش الكلام الي قاله ولا افكر فيه
وافكر ياتري زعلان من ايه عشان يقول كدا
هتقولوا انه وقت الزعل الحقيقة بتبان وممكن يكون فعلا بيفكر كدا
هقولكوا مش شرط كام مرة زعلنا وقولنا مش هنعمل حاجة بنحبها بس لما بنهدي بنعملها عادي
سعات الزعل بيخلينا نقول حاجات مش من قلبنا عشان عاوزين نفضي الي جوانا في اي حاجة
الجواز مش سهل زي ماانتوا فاكرين مش هنقول انت فين يا قرة عيني تعال
طب ولما ييجي هل انتي مستعدة تتحملي المسؤولية
الجواز حياة كاملة بيشاركها اتنين
بالعكس انا فرحانة عشان وقت زعله اختارني انا يفضي فيا الي مضايقه
عارفين ليه؟ عشان عنده عشم فيا اني مش هفهمه غلط وانا مستحيل اقطع العشم ده
سيبته شوية وحطيت الاكل وبعدين روحت خبطت
-ادخلي يا سجود
=الاكل اتحط وانا صحيت حمزة (بالمناسبة حمزة يبقي ابننا عنده سنة طبعا مش بياكل معانا بس عشان يكون متعود يشفنا بناكل مع بعض)
-مش جعان شكرا
=ويرضيك تعبي يروح عالارض
*بصلي شوية وبعدين قام
-لا ميرضنيش يلا ناكل
*انا عارفة انه لما بقوله الكلمة دي مش بيرضي يكسر بخاطري
كنا قاعدين بناكل في صمت وسط لعب حمزة
انا عارفة انه عاوز يتكلم بس مش عارف يقول اي
بعد شوية
-سجود انا اسف علي الي قولته صدقيني والله مش قصدي انا علي قلبي زي العسل مش عارفة انتي عارفة كدا ولا ايه بس انا بقولك اهو والله بحبك ومقدرش اعيش من غيرك سامحيني عشان خاطري
*مش قولتلكم هو مش كدا وكمان لما دخل الاوضة انا عارفة انه كان بيأنب نفسه عالي قاله
تردده في انه يتكلم مش عشان مستكتر يتكلم لا عشان مش عارف هل كلامه هيقدر يراضيني؟
*مش غلط ان الراجل يعتذر لانها متفرقش راجل عن ست طالما غلطت يبقي اعتذر ده هيزيد من قدرك مش هيقلله
=عارفة انه مش قصدك امم مش هتقولي بقي ايه الي مضايقك؟
-اتنهد وقالي: كنت بعمل عملية النهاردة والمريض اتوفي مقدرتش انقذه مات في ايدي
*قربت منه وحضنته
=حبيبي مش انت عارف انه ده قضاء ربنا
*هز راسه باه
=وانه كمان لما بتشفي حد او بتنقذه ده بيكون بفضل ربنا
*هز راسه تاني
رفعت راسه ليا
=امال زعلان ليه بقي ربنا حب ياخد امانته اي رأيك تقوم
تصلي وتدعيله بالرحمة هو محتاج ده اكتر دلوقتي
-انتي ازاي كدا؟ حقيقي انتي رزق من عند ربنا
*وفعلا قام صلي ودعاله
مش عيب انك تاخد برأي مراتك وتحترمه ده الرسول صلي الله عليه وسلم كان بياخد برأي زوجاته حتي
خلص وجه عملت شاي وقعدنا مع بعض والمشكلة خلصت
الي من رأيي انه مكانش فيه مشكلة اصلا
انتي تقدري تخلي المشكلة تخلص في وقتها بس بحسن تصرف منك انتي
=فين المصاصة
-طفلة يا ولاد متجوز طفلة خدي يااختي المصاصة اهي
=حبيبي ربنا يخليك ليا
-بس تعرفي احلي طفلة
_خلود خالد
_غاردينيا❤️
أنت تقرأ
حكايات سجود
Short Storyدعني آخذك معي في رحلة لطيفة لعالمي ❤ حان وقت إقلاع رحلتنا مع حكايات سجود 🦋 خلود خالد_Khokh غاردينيا🌷
