حكايات سجود

حكاية 1

-انا اتجوزتك عشان انتقام العيلة

"سامعين الصوت الي اتكسر ده اه هو بالظبط ده قلبي
نسيت اعرفكم علي نفسي انا سجود عندي 24 مطلقة.. اه متستغربوش انا كنت متجوزة قبل كدا
واتطلقت بعد سنة تخيلوا اتطلقت لي؟
هه اتطلقت علشان جوزي اه اسفة طليقي كان شايفني طفلة اصله عاوز واحدة ناضجة هه ناضجة اه وعاقلة مش تافهة ومجنونة زيي
طيب ماشي انا فعلا طفلة بس مش في كل الاوقات يعني فيها ايه لما اتدلع علي جوزي واتعامل علي راحتي معاه
بس بصراحة ده الاحسن عالاقل بالنسبالي علاقتي بيه كانت مجهدة لنفسيتي دايما كان لازم اتصنع وانا اكتر حاجة بكرهها التصنع واتطلقنا واخيرا حسيت اني حرة تاني بس الفرحة مبتدومش"
....................................................................
=ايه يا بابا يعني اي هتجوز
&غصب عني يا بنتي فيه مشاكل بين العيلتين وبعد مفاوضات كتير لقينا جوازكم هو الحل
=بعياط: سهل عليك كدا تضحي بيا ده انا عدتي لسة مخلصتش ده انا حتي مشوفتهوش قبل كدا ولا اعرفه وبعدين دول مش بيحبونا تفتكر هيعاملوني حلو؟
&هتعرفيه في الخطوبة الي هتكون بعد ما العدة تخلص بس انا قولت اعرفك من دلوقتي
القي كلماته وتركها تبكي حظها

توضأت وذهبت لكي تناجي ربها فهو اقرب الينا من حبل الوريد

"يارب انا كانت كل احلامي اتجوز واحد متدين ياخد بإيدي للجنة ويعاملي اني طفلته بس انا راضية يارب وصابرة والحمد لله علي كل شئ
وفعلا جه هو واهله واتقدموا علي اساس انه فيه حاجة غير القبول يعني كلها شكليات
روحت وقدمت العصير"

&طيب نسيب الاولاد لوحدهم شوية

"الكلمة المعتادة انا طبعا مشلتش وشي من الارض بس للحقيقة معاملتهم كويسة يعني انا مش عارفة اي المشاكل الي بينا"

- احم السجاد شكله حلو فعلا
"رفعت راسي باستفهام"=افندم؟
-يعني من ساعة ما دخلتي وانتي وشك في الارض
"نزلت راسي تاني"
-طب مش عاوزة تسأليني علي حاجة
=لا
- طيب يا ستي انا عدي عندي 28سنة مهندس وشغال في شركة هندسة معروفة
-مش هتتكلمي؟
=انا سجود مطلقة كنت دكتورة بس طليقي رفض الشغل بعد الجواز
-اكيد هو خسر كتير وانتي كنتي بتحبي شغلك؟
=اكيد كانت اسعد حاجة في يومي هي لما اخفف عن شخص مريض بقدرة ربنا واسمع دعوة حلوة او اشوف ابتسامة فرحة

"كنت بحكي بتلقائية وابتسم للذكريات دي لانها فعلا كانت هي الي محلية حياتي"

- طيب يا ستي وانا ليكي عندي وعد ترجعي شغلك بعد الجواز
بفرحة وابتسامة زي الاطفال
=بجد؟!
-اي حاجة عشان اشوف الضحكة الحلوة دي

"اتكسفت وقومت وسيبته
وطبعا حصلت اتفاقات بين العيلتين علي كل حاجة واتخطبنا وحقيقي فترة الخطوبة كانت احسن حاجة في حياتي حبيته اوي انا عارفة انه مينفعش عشان هو برده غريب عليا عشان كدا مكنتش ببين اي حاجة"