حكايات سجود

حكاية 3

=بت بقولك اي..؟
- قولي يااخرة صبري
= كنت بقول يعني بم أنها ليلة الامتحان والحمد لله مفتحناش كتاب من أول السنة
أننا نلم المنهج جامد جامودة
- فكرة جامدة ونراجع كمان مرة ونحل كتير كمان
=ايوا هو ده الكلام عاوزين نعوض في المادة دي بقي
*After 5 minutes
=هي المادة دي مش راضية تخلص ليه
- مش عارفة والله
= طب بصي احنا نقفل نت ونفتح بعد خمس ساعات نكون خلصناها عشان نحل بقي
- اشطات حلوة الفكرة دي عشان طول مااحنا فاتحين مش هنذاكر
*After 5 hours
- وصلتي لايه
=خلصت اول وحدة وانتي
- خلصت نصها
= ايوا صحبي الجامد خلص نص المادة
- نص المادة اي قصدي نص الوحدة
=طب بصي خلاص مش لازم نراجع ونحل احنا بس نخلص المادة
هنقفل 5ساعات بس نذاكر جامد بقي
- ايوا لازم
*Five hours later
(قولت اغير الصيغة 😂😂)
=خلصتي؟
- بصي هقولك حاجة ومتتنرفزيش
= قولي قولي
- احنا قرايبنا جهم عندنا والواد ابن خالي الصغير قعدت العب معاه
= اتلم المتعوس علي خايب الرجا
احم وانا كنت معدية بالصدفة من قدام التليفزيون لقيت فيلم كرتون جديد وشكله حلو لقيتني بقعد اتفرج عليه
-طب بصي انا بقول نحاول ننقذ ما يمكن إنقاذه في جروب عامل تجمعيات حاجات في المنهج كدا ندخل نحاول نلم اي حاجة والدكاترة فيه حاجات قالوا نركز عليها
=اشطات يلا
*Next Day
=ايه الاسئلة دي هم دول علينا في المنهج ده مفيش ولا سؤال جه من الي عملناه
*After Exam
=عملتي ايه؟
- كالعادة يعني كنت بكتب اي حاجة عشان مسيبش مكان فاضي وبرده سبت
=انا من الاول قولت ملناش في التعليم
- يلا يا بنتي علي اقرب مطعم نحتفل بالسمر😂😂

حاجة خفيفة بمناسبة الامتحانات

_خلود خالد Khokhs