Lalhriatsanga POV
J. Thankima College-a kan luh tirh atang thla hnih vel lai alo liam ve ta reng mai. Admission ka tih laia ka huphurh ang em em kha chuan alo huphurhawm lemloh khawp mai.
A campus a zau thain a hmun a rem em em a,a lum hle tihloh chu a fuh vel vekin ka hria. Mi tam tak hian hre hleilo hian an hmu hniam ve ringawt a,Aizawl chhunga college ah na na na chuan zirtirna inang rengah Campus pawh nei hleilo ho ai chuan a thlanawm zawk daih tih hi ka sawi ve mai mai duh a ni. Lo la na chuanglo ula.
1st Semester ho hi Section pathum,A,B leh C ah min then a, Section A ka ni bawk.
Thla hnih vel kan kal tawh ka tih kha. Kan section a mi ho hi chu ka hre deuh nual tawh a,an fel tlangpui bawkin ka hria. Mahse mi za chuang hi chu hriatpawlh an awl ve deuh.
Section dang ho erawh chu hriat hi kan neilo khawp a. Thian kawm tamloh bakah mi nin hma hi chuan hmelhriat thar siam belh kher chakna rilru hi put a har a ni.
'C' ami Lalmuanpuia te thianho erawh chu ka hrechiang hle a,mahse engmah ka la sawi hrihlo ang. Chhiar zel ula,enge thleng leh eng thil nge thleng zel dawn tih chu muangchangin in hre zel dawn nia.
.
.
.
.
.
.
.
Lalmuanpuia POV
"Lalpa! Ava han hunlo tak,"ka kekawr zipper zip that mawlh mawlh pah chuan zawite hian ka ti chhuak sep a,kan section mipa zunin khat vek thin hi a huatin ka haw so nawn bawrh bawrh.
Bathroom chhunga amah chauha Lalhriatsanga lo lut chu ka melh zeuh a,kan in melh fuh chiang kher mai.
Rang tawkin ka kal pel fua a,a perfume rim,rim fresh zet chu ka hip fuh bawk a,kan inkar hi awkward viaulo se chu a bula va kal hnaiha a rim a reh hma chu va hnim char char mai ka duh thin.
Ka sawi thiam dan ber chuan tui thianghlim deuh emaw thlifim dai raih deuh hian rim nei se,thei chi hrang hrang rim hi na lo tein nam chem chem bawk se,chutiang belhkhawm rim chu a ang ka ti ber. A hne theihloh.
Pawna ka thiante pahnih lo ding chu ka va fin thuai a, vanneihthlak takin Lalhriatsanga nen hian kan inhria tih leh thil thleng vel kha an hrelo hlauh a,a tihzia.
____________________________________
Author's Pov
Lalhriatsanga hi kum 20 niin 5'4 a ni a, mitmeng fiah kak mai neiin a hnar ngul te chu a invuah dik em em a,a hmui hi lian tak chu a nilo a,mahse a tê loin a sen no chuk mai a, a hmel baby takte nen chuan in rem tak a ni. Amah hi a ngo in a vun a no chek a,a pian a fuhin a kawr hak apiang mai chu a inhmeh thei hle a,mit tla lo leka thlir reng mai chakawm tak a ni.
Lalmuanpuia ve thung erawh chu 5'8 lai a ni a,kum 20 ve tho niin ani pawh ho sawiselbo a ni ringawt.
Hriatsanga ang em em chuan ngo lo mahse a hang lemlo a,a pian lah hmeichhe duh chi tak a la ni zui. A chêrlo a,a khal chuang bawk silo. A kawr leh kekawr hak te hi a pian nen a in fit thlap zel a,Mizo mipaah ngat chuan a tha ve thlawt a ni.
A mitmeng a pain a hnar ngul a sang nalh hle a,a hmui hi a lian vaklo a,mahse a no chek te chuan kiss a ti chakawm hliah hliah mai a ni.
Mizoramah hian same sex relationship ang hi pawm anla tamlo em em a, chuvang chuan an tan pawh hian thil tam tak an pal tlang a ngaih ngei a rinawm. An inhriat chhoh dan leh thil thleng dangte in hriat zel duh chuan inlo save ngei ngei dawn nia.
