"Awiii khanu ka ngei zia kha,a lerh si,"classroom lama an kal lai chuan Sawmzuali chuan a ti bul bul a. Office atanga an chhuah atang ala phun zo theilo. Mahse ngei awm tak reng a ni. Mawilo taka a awm hnuah tikhan Hriatsanga kha ala be ngam aniah. Keichu ni ila ka kalsan hmak anga,a chhe thei ang berin ka sawi darhin a nia ka rin.
"Engah mah ngai suh,thil liam tawh hnu alawm."
"Chupawh nise...."Sawmzuali chuan a hmui chu a ti pawrh tarh a, classroom chhung an luha an thutnaa an thut hran hnu chuan Hriatsanga chuan a lehkhabu lei thar chu a chhiar melh melh a, Sawmzuali ve thung chu a thiante nen chuan an titi leh nghal a,a star pa chungchang a sawilo ka tih chuan ka daw duai a ni mai.
Tunlai thangthar te hian lehkhabu chhiar an rawn intih hmuh leh tan hi a lawmawm hle a,mahse mipa lehkhabu chhiar mak an la ti thin hi chu a hahthlak deuh a ni. Hriatsanga pawh lo sawi engemawni tu anlo awm leh tawh a,mahse engahmah a ngai chuanglo.
Mipa pawh mihring ve tho an nia,na tuar theilo pawh an ni biklo a,chubakah lehkhabu chhiar pawh hi a danglamna ka hrelo. Love story te pawh chhiar ve ang hmiang,an nuam tih zawng a nih phawt te chuan ruihhlo tia kawng diklo a tlan tlan te ai chuan hmuh an nuamin an entawn tlak fe zawk.
Ka sawi thawi zuai,mipa in na an tuar theilo a ni biklo ka tih pawh hi,sawi zau deuh hlek ka duh.
Ka lo chik ka lo chik a, hmeichhe thenkhat hian mipa tamtak hi kut thlak an ching hle a,sim hmak a thain ka hria. Han ngaihtuah chiang mah teh u,anmahni chanah in dah ta ula,fiamthu angin hmeichhia in na zet zetin bengin sawisa che se,in duh dawn bik ami tih hi. Tunlai hmeichhe thenkhat hian hria se ka duh hle a ni.
Sawi tak ang khan, Hriatsanga pawh rilru pe tawkin a thil chhiar lai chu a chhiar malh malh a,mahse chutih lai chuan a dawhkan hmaah chuan tuemawni hi rawn kalin a khuh kharh kharh a,tunge a nih a hailo.
A lehkhabu chu muangchanga khupin a hawichhuak a,amah lo en rengtu Muanpuia mit taka a en chhoh chuan pakhat zawk chu a tim leh deuh a,rang deuhin hmundang alo hawisawn thuai a. A hnung lama a thiante pahnih lo ding pawh chu a hmu thuai a.
"Enge nita?"
"Um...."Muanpuia chuan a lu thaklo pui chu a hiat neuh neuh a,room chhunga hmeichhe thenkhat chuan an en duh ngei mai. Mi chhelo pahnih an inbiak hi chuan mit lerh tan vanneih na a ni ringawt,lungtea sava pahnih vawm fuh ang vel a ni.
"Nichin kha..,ka nau kha .,lo hrethiam hram hram rawh aw,a mizia chu i hriat kha. Tih vak ngaihna ka hre silo a,"a tih pah chuan inthiamloh hmel deuh hian a nui sek a, Hriatsanga pawh chuan a nui mawi zet mai chuan nuih let a.
"A pawilo. Engmah a ni hleinem."
"Aaaa,a nih chuan kan kal lehnghal mai ang."
Rang tawka a thiante a chhuahpui lai chu a thutna atang Muanpuia chuan a en reng a,a lehkhabu chhiar lai a rilruah a lut thei tawh dawnloa a hriat vang chuan a bag-ah a khung lut a,chutih rual rual chuan a bulah Sawmzuali chu a rawn thu phei nghal a,"Enge a sawi a?"
.
.
.
.
.
.
.
.
.
.
Flashback
Muanpuia te ina Lawmzuali pass lawmpui tura kal Hriatsanga chu a present bawm ken nen chuan an kawngka hmaah chuan a ding ran a,a zam kher mai. Zan rei lampang a ni hlauh a,tuman kawngka bula rei tawk fe a ding lai chu an hmulo hlauh.
Class 10 a nih lai atangin an inngaizawng tawh a,chutihlai chuan Lawmzuali ve thung chu class 8 chauh a la ni. Mahse an induh ve em em a,(a landan chuan).
Tunah chuan Hriatsanga chu class 12 ni mekin Lawmzuali chu class 10 a pass chhuak chiah a ni.
Muanpuia pawn Hriatsanga hi an venga a hmelhriat tha a nih vang leh an school luhna te inana an in classmate vangin tha a tihpui hle a,a en hrang ngailo a,an inkawmngeih hle nghe nghe a ni.
