ترهيب مأسور _ مشهد
(( بقلم // الكاتبة : شهد علي ))
_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعه لحسابي ✨❤️__ __ __ __ __ الكاتبة : شهد علي __ __ __ __ __
كاعده ب حديقه المستشفى اشرب جاي و صافنه على الي يروح و يجي اباوع على الناس الي تبجي و الي كاعده و مهمومه و الي مفجوع بشخص عزيز على گلبه
دك جهازي و خلاني اطلع من قوقعتي الي صاري ساعه اباوع و افكر بالناس شلت الجهاز و شفتها امي
فتحت خط و اجاني صوتها الي مليان عصبيه
_ الو
_ ووووين صرتي صارت الساعه ب 9 ونص و اااانتي مااااكو مو تدرين اليوووم يجونه خطااار_ اي و شصار اجو خطار
_ اسمعيني ولججج شنو تستهزئين
_ ما استهزء يوم مو تعرفين بيه ما احبهم و لا اطيق اشوفهم_ ادري بس تعااااي كل ساع سألوني عليج و كل ساع خابريها خابريها
_ ماشي اشوف اذا كدرت اطلع
_ لا بسرعه تعاااااي
_ صدك جذب تحجين همه ما يعرفون الناس شوكت تجي خطار اول مره اشوف ناس تجي ب 9 بليل_ اسكتي ام السان و تعاي بسرعه
_ ماشيسديت الخط و رجعت الجهاز بجيبي
اخذت نفس و كمت ذبيت كلاص الجاي بالسله الزباله و رحت للمستشفى رحت للغرفه الدكتور استأذنت منه و خلاني اروحطلعت من المستشفى و ضليت امشي شويه و كفت على الرصيف انتضر سياره توكف الي
تقريبا مرت 10 دقايق و كفت سياره باوعت الها شفتها رجال جبير بالعمر صعدت بالسياره و اول ما و صلنا انطيت كروه و نزلت شفت سيارتين و اكفات يم بيتنه عرفتها الهممشيت باتجاه بيتنه دكيت الباب مره مرتين محد فتح اخر شي رحت ادور على حصوايه بالكاع كوه يله لكيتها
اخذتها و ضليت ادك بالباب حيل سمعت صوت فتحت باب و خطوات مشي
_ جايه جايه على كيفج
فتحت الباب و انهديت بيها
_ كم مره كايلتلج من اجي و ادك الباب لا تخلوني مسموطه بره
_ هاي شبيج غير جنت اسوي جاي
_ ما راحوا
_ لا
_ شعدهم جاين صارلهم سنين هسه يله ذكرونه
_ و اني شمدريني
_ تعاي ولج هاي شحاطه لحلكج
_ محاطه بس حمره حمره
_ امشي ولي اغسليها
_ هسه شبيج من طبيتي بس اتزمخين
_ أستغفر الله ربي ما مزمخه بس ضايجه من هذوله الي كاعدين جوه و ثاني شي كم مره كايلتلج الحمره الحمره لا توصلين الها حطي الوان بلون شفتج حتى ما تبين حاطه_ ماشي
_ اخيج جوه
_ اي كاعد يسولف و يضحك
_ شعنده يسولف و يضحك بأجر مو عنده امتحان ما يولي يقره_ اكلج اني شعليه هذاك أخوج و روحي كولي اله اني مكفيتني امي صارلها ساعه روحي ردي روحي ردي رجليه ماتن و فوكاها بأجر عندي دوام صباحي
_ روحي نامي
_ اي علمود هسه تتخبل علينه امي
_ يله امشي نطب امشي العالم كلها سمعت حجينه و احنا ما شاءالله تكول مسجل مو صوت بنات كل وحده صوتها شعلواته_ ههههه تره نحجي بصوت ناصي
_ اي كلش ناصي يله طبيطبت و اني ضليت انزع بحذاتي طبيت و اول ما طبيت حجت وحده من العجايز
_ شجاج اكو احد هيج يدك الباب عبالنه العصايب هجموا علينه و شعجب ضاله لليل مو عيب البنيه تضل لليل بره
_ ما ضاله لليل اتونس هذا شغلي و لازم ابقى لحد ما ينتهي دوامي
_ شجاج شحجينه غير نخاف عليج و هل وگت الدنيا مو امان و نوب انتي هسه وكفتي گلبنه بدكته الباب
باوعت لامي شفتها خازرتني ابتسمت بوجها و كتلها
_ لا تخافين بس من ما يفتحون الباب ادك الباب حيل
_ خوش لعد تعاي خليني احبنج مشاءالله صايره عروسشكد اكره كلمه عروس اتخبللل منها رحت يمها و باستني و رحت صعدت للغرفه ضليت امسح بخدي ما احب احد يبوسني رحت بدلت و رجعت كعدت يمهم بس شنو على اعصابي
_____ ____ ___ الكاتبة : شهد علي ____ _____ ____
حبايبي صوتواا على المشهد و اريد منكم توصلون هذا المشهد 80 تصويت
و اذا شفت التفاعل قوي ابلش انشرها لان قصه ياليتني لم اخلق راح تخلص و اذا شفت بهاي القصه تفاعل قوي و يسوي واهس للكتابه ابلش بيها
يلهه فجرووووا المشهد بالتصويتات
و علقووووووووووووا بين الفقرات
و كلولي رائيكم بالمشهد شلونه ؟؟؟
احبكم ❤️🙂
قراءه و مشاهده ممتعه للجميع
دمتم بخير احبتي ❤️✨
(( بقلم // الكاتبة : شهد علي ))
أنت تقرأ
ترهيب مأسور
General Fictionتتحدث القصه عن فتاة تخسر أهلها لتعيش هيه واخوانها في عذاب الحياة ليدخل حياتها شخص يغير مسار حياتها ماذا سوف يحدث لها ؟؟ وما هو مصير حياتها ؟؟ القصه حقيقيه ١٠٠٪