ترهيب مأسور

البارت الثاني

ترهيب مأسور _ البارت الثاني

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على القصه والتعليق بين الفقرات
_ متابعة لحسابي ✨❤️
sh_Mr_24

__ __ __ __ __ __ الكاتبة: شهد علي__ __ __ __ __ .

- هناك شيء يموت في المكان، دون أن يلاحظه الآخرون، لا يمكن إنقاذه يموت في داخلي و أشعر به، مشهد يشبه مشهد الغروب و لكن بطريقة مؤلمة.

__ __ __ __ __ __ __ __ __ __ __ __ __ __ __ __ __

ام فرح / فرح مو كلبي موتتي ولج اني هم اتعذب من اشوف حياتج هيج ولج ارجعي فرح الي اعرفها فرح الي تترس البيت بضحكتها ارجعي فرحتي الي اعرفها

فرح / صعبه ارجع يا يمه اني حياتي و ضحكتي راحت ويااا اختي راحت ويه فاتن

حطيت راسي بحضن امي احسن نفسي اختنكت كلش من ذكرت اسمها ما تحملت و بجيت و كلت

فرح / شلون تردين انساها يا يمه و هاي تؤامي هاي روحي من الدنيا كتلوهاااااااا و يه دفنها اندفنت روح فرح

و بقيت بس جسد بدون روح
اليوم ابوي فضل اخته و عمته علينا و ما فكر ب فاتن الي تدمرتتتت حياتها بسببهن

ام فرح / اخخخ يا يمه لا تفتحين جروح الماضي ما تدرين ابوج هسه عفته جوه متدمر و مقهور لان ضربج كدامهم

سكتت و ما حجيت شي غير نمت بحضنها و بجيت اريد النار الي بگلبي تنطفي ماكو احس ادموعي مثل البنزين كل ما ابجي احس گلبي تشتعل النار بي

لحد ما اجت ورود طبت للغرفه و كمت من حضن امي و مسحت دموعي

ورود / ماما عمي سعد يصيحج
ام فرح / نازله

مسحت ادموعها و كامت ورود ضلت تباوعلي عطت بيها و كتلها

فرح / شكووو تباوعين انزليييي
ورود / نازله شبيج تصيحين
فرح / ورود جري عدل لا و الله اطلع كل خبالتي بيج

ورود / ماشي ماشي

طلعت. و سدت الباب و راها عدلت نفسي و رجعت راسي ليوره و نزلت دمعتي من اتذكرت الماضي

قبل 7 سنوات 

نزلت على السريع و ادور على فاتن رحت يم امي و كتلها

فرح /  امي الغاليه اين اختي التؤام
ام فرح / احجي عدل و نوب اكلج وين اختج

فرح / ماشي يله احجي  و ينها
ام فرح / بنت عمج خابرت و كالت خلي فرح تجيني

فرح / ليش ما كالت الي علمود اروح وياها
ام فرح / شعندج رايحه استجني بالبيت و روحي سوي زلاطه