ترهيب مأسور

البارت الاول

ترهيب مأسور _ البارت الاول

(( بقلم // الكاتبة : شهد علي ))

_ حبايبي انشروا القصه حتى التفاعل يزيد
_ لاتنسون التصويت على البارت و التعليق بين الفقرات
_ متابعة لحسابي ✨❤️
sh_Mr_24 ✅

__ __ __ __ __ __ الكاتبة: شهد علي __ __ __ __ __

طرقات على باب الزمن تأتي مع مهب ريح الذكريات
فتتركنا بمواجهه الطارق الآتي
لتفتح جروح قد مر عليها الدهر
و تدفعنا نحو مستقبل  مجهول. ...

__ __ __ __ __ __ __ __ __ __ __ __ __ __ __ __ __

بغداد

الساعه 7:45 دقيقه

كل عاده لازم اكعد من الصبح و اروح لشغلي ف كعدت الساعه ب 6 ونص علما بدلت ملابسي و لبست بنطرون كابوي و قميص لون ليموني

لفيت شالي و جان لون ابيض و طلعت حذاتي الرياضيه لونها ابيض و رشيت عطر و نزلت جانت الساعه ب 7:45

لكيت عائلتي كاعده و منتضرتني على الريوك
باوعت لأخوي الي يسخت الساعه ب 7:45 و هو لسه ما رايح للمدرسه أما بالنسبة لاخي اعرفها محافظة على دروسها و دائما تطلع ب 7:30

ضربته على كتفه و كتله
_ ما تولي للمدرسه شمنتضر
_ هسه و حق علي رايح حتى ريوك ما راح اتريك
_ خوش يله ولي

ردت امي عليه و كالت
_ وين يروح خلي يتريك
_ عود اشتريلي شي من المدرسه اكله
_ لعد هاك فلوس.يمه اكل مو تنسه
_ ماشي

اجه عليه و باسني بخدي و كالي
_ رايح
_ الله وياك انتبهه لدروسك
_ صار تدللين

طلع اخوي للمدرسه و كعدت اتريك وياهم
حجت امي و خلتني اذب الاكل من ايدي من حجت و كالت

_ اليوم راح يجون عمامج
_ خوش
_ شنو خوش اريدج تجين من وكت
_ اذا كدرت

رد بابا عليه و كالي
_ بابا حبيبتي ما اريد تفشليني كدامهم انتي رفعت راسي ف حاولي تجين من وكت

باوعت اله و كتله
_ بابا تعرف بشغلي فاذا لحكت اجي و اذا ما لحكت اعذروني

اخذت جنطتي و ردت اطلع و كالت امي
_ و الله اذا ما اجيتي اغضب عليج ليوم الدين
_ كتلج اشوف اذا كدرت رايحه

ما ردت عليه امي بس ابوي الي رد
_ الله وياج بابا

طلعت و كفت على الشارع اريد سياره توصلني دقايق و كفت سياره باوعت للسياره شفته رجال يطلع عمره 40 سنه ف صعدت و انطيته العنوان و صلني للمستشفى

(( خليني اعرفكم على بطلت قصتنا ))

اني اسمي فرح عمري 24 سنه مهنتي دكتوره اول سنه الي بالمستشفى ك متدربه
عايشه ويه اهلي بابا و ماما و اختي و اخوي
اني جبيره و رآي اختي ورود و اخر العنقود هو اخوي دانيال