هلوو حبايبي يلا يارت يخبل بس بي احداث حزينه شوويه💔😐 التفاعل اريده اكثر واكثر حتى استمر ورئيكم يهمني طبعا🤍🥺
.
.
.
.
.
.
.
.
أنا شخص قد تعثر وأستقام إنحنى وأعتدل ، إنهار وأستقوى
ثم صار يعرف حدوده مع الحياة والناس ، متى يواجه، ومتى ينسحب، ومتى لا يلتفت أبداً......
جمانه: بعد كل الي صااار واني جنت متوقعه لان ادري كل خططه لعلي فمنطيت اي رده فعل فقط العائله كانت ردت فعلهم قويه وخاااصه محمد بعد ماطلع علي واخذ فاطمه وياااا خل احجيلكم شصار.....
البنات كلهن مجمعات بالغرفه....
جيهان: خطيه ولجن نكسر كلبي على فطيم شلون تبجي ومصدومه.....
نسرين: السبب اخوها ليش هيج اذاها بدل ميكعد يفكر بخططط تااافها وافلام هنديه جاااان فكر شلون راح اكون ردت فعل اخته واجداده جدو لحد هسه ضغطه مرتفع.....
جمانه: علمودي!؟
يسر: خووو انتي كيفتي علمودها ام حلك حمدي ربج بيت ياسر مو هنااا جان ياسر عقد عليج وتبارك انتحرت....
جمانه: هههههههههههههههههه كفيلج الله بوووخه هل ياسر اجيبه حجل برجلي اذا اتلوكله وانطي مجال بس غير هذا مبتلي.... تاشر على كلبها.....
جيهان: اي مبتلي بحب الافلام الهنديه😂😂😂😂😂😂
البنات كلهن ضحكن.....
نسرين: والله ياعلي سوايتك😂😂😂😂
ميس: لاتلومييي لومي الخبله جمينه علمته ع الافلام الهنديه والعطله كلها كال شاروخان حجت ديبيكا وسودنت الولد.....
يسر: يمه بطني😂😂😂😂جمانه هذا فلمكم شايفته امثلته انوشكااا وسلمان خان نفس الحاله بالضبط😂😂😂😂👌🏻.....
جمانه: ههههههههه نجبي فلم علي احلى.....
والبنات ماااتن ضحك فجاه دخل محمد عصبي ناار🔥🔥🔥صاح بصوت رج الغرفه.....
محمد: بعد مصار الي صار وعلي اخذ فاطمه وراح ضلت ترن باذاني كلمته الاخير اني ابن شارع حسيت نفسي اني المذنب بكل الي صار مع العلم انو علي وهاي سوايته كلها على بعضها غلططط تالي تذكرت موضوع جمانه وحب علي القوي الها الي خلاه يطرق لهيج افكار خطره وخاصه هوه مزور اوراق رحت كبل لغرفتها وجانن البنات كلهن مجمعات وصوت ضحكهن عالي احنه بيا حال والضحك واصل لسابع جاار دخل عليهم صحت بصوت عالي واني عصبي نااار كلللش......
محمد: شهل ضحك الماصخ شنو بيت لو ملهى مال كح.... هاااا؟ الرجال جوه بين الحياه والموت وانتن تتمضحكن يله كلها لغرفها بسرعه....
وانتي بسرعه ورايه لااحرك عشيرتج.... ياشر على جمانه.....
جمانه اصفر وجها وكل البنات وحده تباع ع لخ بتسائل لحد ماصاح مره ثانيه والكل راح لغرفته وجمانه طلعت ويا محمد......
محمد دخل لغرفه علي وجمانه ويا وسد الباب.......
جمانه بتردد: اااا ردتني محمد اكوو شي...
محمد: اي اكوووووو ومهم همم شوفي جمانه ترديني هادء وياج شنو اسئل اجاوبين بكل ثقه وصراحه.....
جمانه بخوف: ماشي....
محمد: تدرين بعلي يحبج لو لااا؟
جمانه بخوف وتردد: للللللا...
محمد: كلنه بثقه عاااليه وصراحه....
جمانه وهيه تبلعم: اااااي....
محمد: من شوكت عرفتي....
جمانه: اول بارحه كلي وعترفلي...
محمد: حلووو زين....انتي تحبي؟؟
جمانه حست هل سووال كلللش صعب عليها اذا تكول اي صعبه وتكول لا اصعب...
محمد: جاووووبي....
جمانه: لللللا....
محمد: تمام لعد اكو نااااس تريدج ويردون يخطبوج واني كلت اتاكد من هل موضوع الي جنت خايف منه بس اطمنت هسه تمام حبيبتي روحي ارتاحي...
(طبعا محمد حجه هيج ديريد يدرس الموضوع اكثر لان يعرف هيه تحبه ومتاكد هم بس ديشوف رد فعلها)
جمانه: احسسس واحد وضريني بطابوكه على راسي بقيت صافنه اريد اجاوب احس لساني انربط جمعت كل قوتي وكلت...
جمانه: ومنو كلك اني موافقه.....اني اريد اكمل دراستي...
محمد: اي تكملين على حسب الاصول الولد الاجاج يقبل وكلشي بالج يسوي رجال ابن خير ويعيشج اميره مثل ماانتي هما اميره....
جمانه وعيونها جمعت الدموع: لاااااا ماريد...... وبجت
محمد ابتسم ابتسامه جانبيه....
محمد: ليش هل دموع لاتخافين يومين والثالث يجيبج يمنه....
جمانه بصوت عالي وبجي: لاااااااا اني جذبت عليك اني احب علي واموت علي ولو ادري تذبحني هسه على ايدك ولااصير لغير علي ماشي...... طلعت وسدت الباب قوي وهيه تبجي...
محمد بينه وبين نفسه: اخيرا اخذت الكلام من لسانها حلووو.....
راحت لغرفتها وهيه تبجي وكل ضنها صحيح هل شي نامت وهيه عيونها عركانه دمع وضلت تبجي اكثر ع فاطمه متعوده وجودها وياها بالغرفه💔😞
الكل نااام لحد ما صار صوت صياح ساعه 4الفجر....
ابو يسر: محمد كرار ولك جعفر ولكم تعالو جدكم نجلط ......
الكل نزل مهبوطين والبنان يبجن وبيبيهم ادك وتلطم كلهم عبالهم ماات....
ودووو للمسنشفى تحاليل على اشعه الجلطه ضاربه على حلكه صار يحجي بثكل كلش.....
رجع للبيت والكل حزززين ويبجي مع والعلم الطبيب انطه نسبه 50بالميه يرجع يحجي طبيعي....
صارت ساعه ب10صبح اندك الباب عليهم شافووو بالكامرات فاطمه فتحو ولباب ودخلت شافت جدها متمدد ومغذي نصدمت ضلت تبجي وهيه تشوف الكل حزين........
تالي ركضت لجدها حضنته وضلت تبجي وتحاجي.....
فاطمه: جدووو شبيك فدوه رد عليه حبيبي.... ولك جدووو ليش هيج تعباان جاوبني.... ضلت تشهك...
جدوو علي ضوجك اني ادري اي علي والله 💔💔💔جدوو لاتعوفني فدوه اموت بدونك انته ابويه والله ربيتني وتعبت عليه وتحملتني جدووو حبيببي حاجيني....
الكل يبجي وياها من البنات عمامها حاولو يوخروها لان فدمره انتهت بالبجي....
وجدها يبجي ويباع عليها بس ميكدر يحجي وياها ....... نقدم الوقت.......
ساعه 4العصر ندك الباب...
محمد: كرار كوم افتح لباب....
كرار: مابيه حيل.....
محمد: كوووم لك اشاقه وياك كوووم...
كام كرار فتح الباب شاف مصطفى سلم علي وسولفووو وحششووو وتالي مصطفى كال......
مصطفى: اكلك ضلعي علي يريد جواز سفره....
كرار: شنووووو!..... شيصخم بي
مصطفى: يخلي بجيبه شمدريني دزني علي هسه....
كرار: لك خاف يسافر يمعود احجي ويا كله جدي نجلط من وره صدك جذب اخته منتهيه صايره جلد وعضم متاكل من المصايب الفوك راسها....
مصطفى حس نغزه بكلبه صارت من جاب صاري فاطمه....
مصطفى: هفففففف هذا ارعن ميفكر يعني اخته جااااي تتاذه بسببه وهوه طايش مو تكول جبير ويفكر بمصلحه اخته لا ملتهي كال الحب حجت جمانه.....
كرار بصدمه: شجاب الحب وجمانه وعلي.... شنو الموضوع مصطفى.... انته ضام شي...
مصطفى حس روحه جفص.....
لاخويه ماكوو شي جيب الجواز وتعال بشرفك تاخرت....
كرار: حاول يستغبي الموضوع وراح يجيب الجواز.....
تلكااا محمد: شيريد مصطفى...
كرار: جواز علي....
محمد: هذا كام يلعب بذيله جيب سويج السياره وتعال ورايه كرار....
مصطفى: ها خويي الله ساعدك...
محمد: هلا حبيبي ابو الصوف شخبارك....
مصطفى: بخير....خويه محمد اني ادري وصلك علم انو اني اعرف بسوالف علي بس جنت مجبور وهواي نصحته مفااد اعذرني حكم القوي ع ضعيف 😐
محمد: سوايتكم سوايه مصطفى بعدين الحجي هسه جاي اني لبيتكم اشوف سالفه هل ناقص شيسوي بجوازه.....
مصطفى: تره ميسافر مااعتقد ابد بس اباله شي.....
اجه كرار وجايب لسويج صعد هوه ومحمد ومصطفى طلع قبلهم بسيارته.....
نروح لعلي.......
علي: من مصطفى وده فاطمه واني ضااايج وطافره روحي وضغطي ابد منزل وبنفس الوقت مستحي من كعتي بيت مصطفى مه العلم رابين سوه واهله يعرفوني شنو واهلي كذالك يعرفون مصطفى بس احس متقيد وثكيل عليهم دزيت مصطفى يجيب جوازي وقررت اسافر لتركيا ارتاح كم يومم هناك او شهر لان تعبت حيييل....
جنت متمدد ع التخم وجكاره بيدي جاي ادخن مااحس الا اجه محمد لازمني من ياختي وطلعني بره البيت.....
محمد: وصلت لبيت مصطفى سلمت على الاهل ورحت كبل للاستقبال واشوف علي متمدد ومرتااح وجكاره بيده يفر بيها نرفزني كللللش لزمته من ياخته وطلعته.... الحلووو ماانطه ردت فعل ابد ضل يمشي وياي لحد ما طلعت بره بيتهم يعني زحمه داخل بيتهم نتعارك حتى لو علاقتنا بيهم قويه كللش.....
علي: هدني محمد.....
محمد بعصبيه ضرب علي راجدي.....
علي: اخوي الجبير واحترمك انطيني الجواز......
محمد بعصبيه: راجدي ثاني..... ويييين تريد توصل....
علي صابر ومتحمل يدري بنفسه غلطان....
علي: طلعت من بيتكم ورجعت اختي انطيني الجواز محمد.....
محمد ضربه راجدي بس جان كلللش قوي بحيث طلع من شفه علي دممم....
كرار: محمد لاتتصرف هيج كاافي اذيته....
مصطفى: يابه كولو يالله....
محمد مشتعل نااااار: لزمه من ياخته ولك ويين تريد توووصل كااافي خباااال ولك. كااافي......
علي: الراجدي الاخير اذاني كلش بس هم منطيت ردت فعل رغم حسيت نفسي اريد اوكع من طولي.....
محمد: دمرت اختك ودمرت جدك ولك انجلط الرجال بعد ميكدر يحجي....
علي انصدمت من كلي هيج بقيت صافن وكتله....
علي: جديييييي شبي شديصير....
محمد: ولك دمرتتته جدك ولك ياخذ من حلكه ينطيك كبرك وصلك اتاذيي بتصرفات رعونيه ليششش.... ولك لبشششش ضربه راجدي وعلي للاسف فقد ووكع بالكاع.... 💔😐
محمد كمت اضرب بعلي بدوون وعي لان بروده عصبني كلللللش اخير ضربه ضربته وكع بالكاع وكفت رجلي اريد اتحرك مااكدر عبالي مااات من الراجديان لان من اني احاجي واضربه وهوه جنه دااايخ ميعرف دربه....
كرار: ولك علييي كوووم.... ضل يفرك بايده يحاول يصحييي....
مصطفى ركض للبيت جاب ميي حاولو ويااااا لاكن للاسف فاقد.....
محمد حضنه ووشتله هوه وكرار ومصطفى وحطووو بالسياره وكبل للمستشفى.....
كرار ساق السياره لان محمد صافن ويحجي ويا علي حجي خرط نصدم لان ضربه ووكع على اثره.....
مصطفى بعصبيه : ياخي كتلك لاتضرب لخاطر الكعبه.....
كرار: يابه كول يالله انشالله مابي شي بس ليش هيج وكع مصطفى وضعه قبل لاتجيني شلونه.....
مصطفى: والله طبيعي وضحك وياي وسولف بس ليش هيج تخربط مادري...
اثناء طريقهم للمستشفى اتصلت يسر على كرار....
يسر: هلاو حبيبي شنو وين طالع....
كرار: ميدري بروحه خرط كلشي صار ليسر...
يسر: يمه عزه ولك ليش هسه شاسوي راح اكول للبنات وتكل للبيت كرار ليصير شي يمعود.....
كرار: انشاللع ماكو شي ماشي حبيبي باي....
يسر نصدمت وراحت خلت لسالفه بحلك جيهان ونسرين
نسرين لطمت على صدرها: يمه عزه العزاني ولكم يمه خل اكول لعمووو.....
هنااا الكل خااف عبالهم علي يصير بي شي ويموت وعلى ايد محمد راحت نسرين كالت لعمامها وضلووو يحجون وراحووو اتجهووو للمستشفى فاطمه سمعت الخبر تخربطت عبالهة علي مات😂😂🥺💔
وصلووو للمستشفى اخذووو الطوارئ وعلي فاقد ابد ابد مكعد وحلكه يجري دممم اثر ضربه محمد اله.....
اجوووي عمامه وابو محمد هم حاولو يفهموون السالفه ومصطفى وكرار كلشي حجووو محمد كاعد على صفحه وصافن ويفرك بايده ابووو راحله حجه علي وغلط وووووو...... هواي حجي تالي طلع الدكتووور.....
محمد مثل المخبل راح يركض.....
محمد: دكنور عللي وضعه شنووو....
الدكتور: للاسف المريض م....... 💔💔💔💔💔😐
انتضرررووو البارت الجاي قوي قوي كلللش😂اليوم 1555كلمه تحملوني واريد هجمه قويه على بطله القصه خل ادزلي بساااع بارتات حتى اشوفكممم 🤍الاحداق تجننن يلا تفاعل اخليكم ويا القصه❤🤍
أنت تقرأ
اولاد العم واليتيمه🙂
Fiksi Umumلم أتغيّرْ ، كلُِ ما في الأمرِ أني أصبحتُ أعاملُ كلّ شخصٍ كما يُعاملني، أتجاهلُ مَن يتجاهلني و أهتمُّ بمن يهتمُّ بي ، وأهمِلُ من يُهملني ، ولن أندمَ على فراقِ أحدٍ ، مَن يُريدني سيبقى بقربي دائماً ، ومَن تحلو حياتُهُ بفراقي ، أتمنى لهُ أجملَ اللحظا...
