•وقعتُ في الفخ• (باللهجة الجزائرية)

°partie 07°

ثيزيري: ايه... روحي جيبي ماكلة ماتعشيتش
الممرضة:ايه دك يلحق
خرجت و قعدت ثيزيري تحاول تصفي فافكارها... علابالها انو الحكاية ماراحش تخلاص هنا
ثيزيري مع روحها: دخلت روحي فمشاكل اووووف... بصح يستاهل !مطلع وجهو علينا و ريشو كي الطاوس... يخي عقلية يخي...
قاطعها صوت الباب ينتحل الممرضة لي كانت في وجهها ابتسامة عريييضة ضرشة العقل تبان
ثيزيري: وش جبتي
الممرضة: جبتلك شوي سكالوب و فريت ... من برا ... ادا دخلو قوليلهم كليت شربة تاع خضرا دايرة مي وجوههم
ثيزيري:هههه قنعتيني هاتي صحيتي
الممرضة: يليق تقعدي تضحكي هك كول يوم... بلا مزية
ثيزيري: ايه ... نشاله اقعدي علاش راكي واقفة
الممرضة: شووف من قبيل نتي تحاوزي فيا ... ودك راكي حابتني نقعد
ثيزيري:ايه... دبري راسك
قعدت الممرضة و قالت: اسمي سهام 26 سنة ... فالحق نورمالمو انا طبيبة ههه بصح راني نخدم خدمة الممرضة
ثيزيري : متشرفين ... ثيزيري قدك نخدم...هيه وعلاش راكي فرملية
سهام: كي عرفتك جزايرية قلت انا نستكلف بيك هههه... وزيد وقت العمل تاعي خلاص تسما مايأثرش... وش تخدمي
ثيزيري: انا؟...نخدم ... عميلة فالشرطة الفيديرالية...
سهام(باندهاش): الله يبارك!! تسما ني نحكي مع وحدة من FBI يااااي!!
ثيزيري: روحي علمي السبيطار كامل بلي نخدم ف FBI وتهني ...
سهام: هههه ايه عندك الحق ... كترينا ارواحي...!!!
ثيزيري :اااووو هبلتي ؟!
وناضت ليها
سهام: اقعدي اقعدي ني نتمسخر برك ... سي اياد ماجاش؟!
ثيزيري: هههه مانعرفو مايعرفني...
سهام: كيفاه!! راكي رايحة تتزوجيه؟!!
ثيزيري :لاا خلفلي الطار برك
و حكاتلها كلش من AالىZ
ثيزيري: اممم تكوني صحبتي؟
سهام:كيفاه ؟ علاه ماناش صحابات؟
بدات ثيزيري تدور فيديها من الحشمة
ثيزيري: يعني... ماعلاباليش...جامي لاكان عندي امي...
سهام تضحك: هههه ماشتيش روحك كيش دايرة... مقبيل برك كنتي تتفرعني علينا...ههههه...دكا ...دكا تقولي قطة تترجا صاحبها على حوتة....هههه
ثيزيري: ايا روحي ترعي فالجراد
داو الليل كامل حكايات و تعارف الى ان رقدت ثيزيري ...لاول مرة ترقد فارغة...مهنية...تحس بشعور جامي لاحساتو...حست انها انولدت من جديد...انها خالية من الكدمات و الجروح (احساس رائع وخلاص)

               ♡♡♡♡♡♡♡♡♡♡♡