هبطت ثيزيري و دخلت للدارها ...راجت ديراكت للاشومبر وبدلت قشها لبست بيجامة بيضة و هبطت للكوزينة كش ماتنافيقي...
====After a moment========
كانت حاترفد موس باش تقطع الخضرة وحست بنفس قوي اتجاهها و حرارة موراها ... رفدت الموس تتظاهر انو راح تقطع الخضرة و دارت و وجهاتو لرقبتو
ثيزيري: اياد ! وش راك تدير
اياد: نحي عليا هاد الحديدة قبل مانوكلهولك
ثيزيري: نونو راك دخلت لداري بلا موافقة من عندي
اياد : علابالك بلي نقدر نشري الدار و لي فيها و حتى نتي؟
ثيزيري: ايا بعدني درك لاسق فيا كي الجن العاشق
اياد: هههه انا نعشق فيك ايا بركاي من التمسخير
ثيزيري: حتى انا ما قلت والو قلت لاسق كي الجن ( و دارتلو بعينيها وملامحها تاع جن ولا وحش)
اياد: وش طيبتي،؟
عاودت غرستلو السكينة فرقبتو وقالت: برا!!
اياد: مانقدرش الصحافة راهي برا ... نقدر نقعد مدة هنا
ثيزيري : شحال؟!
اياد: يامات...
ثيزيري: صحافة فداري!؟؟!!!
اياد: ايه ... ا...
ثيزيري: كلاب ولاد الكلاب اليوم نقتلهم كامل ...
جات خارجة حكمها من تريكوها هي تجبد وهو يجبد
ثيزيري: اطلق....اطلق !!!
اياد: يا يما حشرة حابة تدابز !...
ثيزيري :حشرة ؟
حبست من القفز تاعها و قفزت قفزة طويلة للوراء و جات وراء اياد
ثيزيري :coucou راني هنا!!
تعجب اياد و دار
اياد : حشرة طائرة
ثيزيري : ناناك ... اتفضل للصالون فالوقت لي نوجدلك شومبرة
اياد: ايه
طلعت ثيزيري لواحد لاشومبر وبدات تنقي فيها و تفرز الحالة حتى ولات تلمع على شومبرتها ...
=فالوقتلي كانت ثيزيري تنقي ... اياد كان يدير استكشاف للصالون الهندسة تاعو غريبة و شابة ... كلشي بالنوار غير الفوتاي جاي بيض على الثلج ... كان كلش مرتب و يلمع ... باينة ثيزيري تقوم بالدار ... حتى قاطعو صوت ثيزيري مسندة فالباب و نطقت: انا قلت اقعد فالصالون ماشي دير استكشاف و مغامرات
اياد: اشحال مادخلتيش ضيف لهنا؟
ثيزيري : يايما !! الكلب يبدل فالموضوع !....5 سنين
اياد: واو الوحدة راعي امي بروش معاك😂
ثيزيري: ايا اعطي ريح لرجليك و لا تخرج ...
ثيزيري (مع روحها): وشبيه كالم ؟ الخطرة لي فاتت استفززتو غير شوي قريب عصرني فلاسونسور دكا راه يضحك و يقسر...باينة كشما راه يخطط...
========================
سلام عليكم البنات... هاد اليومين ماراحش نكمل الحكاية على خاطر عندي بيام blanc دونك نتمنى تتفهمو الوضع لي راني فيه ♡ و بون كوراج لكل وحدة راحي تجوز💕
أنت تقرأ
•وقعتُ في الفخ• (باللهجة الجزائرية)
Aksiحكاية فيها ابطالنا ثيزيري و اياد لي مختلفين فالمجال ... واحد هو لي يطبق القانون و ينشر العدالة و الامن ... واللوخر هو من رؤساء العصابة ...كيفاه راح يتقابلو؟ ادا يحبو بعضهم ولا نن؟كيفاه يقدرو يفوتو الصعاب قدامهم؟ و كيفاه راح تكون نهاية القصة؟💕 اقراو...
