فيضان الأقصىٰ

اه والله الجمله بتوجع

أه والله الجمله بتوجع
حالنا بيبكي لما بيسمع
صوت الصرخه لفلسطين

وفلسطين كالعاده بتبكي
جرح الظلم الباقي وتبكي
ومين راح يسمع ليها أنين

زادت صرخه، وكمان صرخه
وسال الدم فى غزه الطاهره
وعمِّ الحزن على الأرجاء

تصرخ ومين يسمع لبُكاها
و يحلف كل شبابنا فداها
وصمت العالم فى الأنحاء

زاد الغيم والدنيا ضباب
حال الفاسد  معقول إنه
يخللي الصالح يمضي غياب

اوعي تكافح   ، ايوا وسامح
وانسي كأنك م الأغراب

باعوا قضيه
ونسيوا عهود
دم شباب، من قبله جدود
طب فين اخواتها؟
قالوا غياب!

نسيوا معاه، كام مشهد شاهد
يحكي وضوحه باستغراب

حال الدنيا  وحالنا سواء
عِزه وضاعت مثلًا غَزه
وقولنا وقالوا  تعود بالعزه
لقينا الحال كام واحد قال
مدوا إيديكم لاستسلام

تدمع عين الشعب الواقف
تصرخ غزه وليها مواقف
فاض الظلم بقينا غياب
وباقي المشهد؛ في استغراب

  صنَّف،  شكِّل،  لوِّن، وارسم
غصن زتون،  والقصد سلام
يعنى كفايه عليك الغَضبه
وبعد الغضبه تشد لجام

اسكت ساكت
واصمت عارف!
معني الصرخه  فى الاسلام

فسَّر إنت المعنى وقولي
تقصد إنك راضي تمام
    ولا اقولك
سيبك خالص
صرخه  دى كانت فى الأفلام
كل مطالب تلك الجبهةِ
في الاحلام
صوت الصرخه في يوم راح يوصل
وبعد الغفلة وطول الظلم  الأمه قيام

بكره نشوف الفجر الاتي ويظهر نور
الحق ويمحي  من اراضينا كل ظلام

#كرم_محمد_حربي
#صرخة_فلسطين