الدهاشنة (لملكة الإبداع ايه محمد )

توضيح

السلام عليكم حبيباتي، معلش يا جماعة في كذا نقطة هتكلم عنهم بس عشان اتكررت كتييير، أولاً اغلب القراء مستائين جداً من تصرفات روجينا واللي كاتبين ان مش من المنطق تكون بنت فهد ولا رواية،  يا جماعة هو لازم اي ام مثالية واب مثالي عيالهم يطلعوا ملايكة،  احنا بني ادمين وبنغلط،  واحيانا الشيطان بيسيطر على البني ادم وبيلغي عقله،  حبيت اسلط الضوء على قضية خطيرة،  اهمال البنت بالذات بيجيب بلاوي وانتوا شايفين العلاقة بين روجينا ورواية شبه معدومة، ارجوكم تستنوا لللاخر لحين اكتمال الاحداث، هو يعني مش سهل عليا اعمل شخصية روجينا ملاك بجناحين بس لازم نطلع على جزؤ من الواقع،  ولاخر مرة بطلب من حضراتكم تنتظروا لحين اكتمال الاحداث، وللعلم بقا دور روجينا قوووي جداا اقوى من تسنيم (البطلة الرئسية) نفسها،  وفيما بعد هي اللي هتتصدى لايان وعيلته وهتدافع عن ابوها واخوها،  الصبر ارجوكم لو قرينا رواية كل اللي غيها ملايكة استفدنا ايه؟!
انا بدور على اللي القارئ يستفاده من احداث طويلة عريضة..

نقطة كمان..
كذا قارئ بيشتكي من قلة ردي على الكومنت بتاعه وبيدعي اني بتجاهله عمداً وبرد على ناس بعينها والله يا جماعة انا بحاول بقدى الامكان اغطي كل التعليقات انا والادمنز فلو في اي تقصير مني حقكم عليا،  بس انا مش بفرق قارئ عن التاني ابداً، بحبكم كلكم وكلكم على رأسي من فوق وأرائكم تحترم..

حاجه كمان..
فكرة اهداء الفصول عملتها عشان مع كل رواية ليا اكون شكرت اغلب القراء كلهم،  فباذن الله الاسماء كلها هتنزل في الرواية دي والروايات الجاية 😍😍..

جزئية يحيى وماسة للي مش فاهم الاحداث..
يحيى كان مسافر لندن وقت ما ماسة عملت حادثة وفقدت جنينها اللي كان غلى وش ولادة،  فدخلت في حالة نفسية سيئة، وكانت بتطالب يحيى ينزل من السفر ويكون جنبها، وهو زي ما قال لاحمد كان منهار ومش قادر يستوعب خسارة ابنه فمكنش قادر يكون جنبها،  رفض ينزل من السفر وده خلاها تدخل في حالة من الوحدة مع الحالة التفسية سببلها حال. الاضطراب ده فبقت بتعيش فترات حياتها اللي حست بيها بالامان اكتر اللي هي طفلة لا تتجاوز عمرها ال١٠اعوام...

بتمنى اكون كفيت ووفيت ولو في اسئلة تاني انا مع حضرتكم هعدل البوست بالاجابات..