بسم الله الرحمن الرحيم
****************************
في المستشفى
كل البنات واقفه قدام غرفه نور منتظرنها تفوق
سهام واقفه مخنوقه ودموعها نازله علي اختها وقلبها هيقف من الخوف عليها
ومريم واقفه زعلانه علي بنت عمها ومليكة واقفه جنبها وكمان زعلانه علي نور
وايه واقفه ودمعها نازله علي خدها
الممرضه وهي تخرج من عرفه نور =الانسه نور فاقت وتقدرو تخشلها دلوقتي
الكل دخل بلهفه علشان يطمنو علي نور
نور فاقت وفتحت عنيها= انا فين...... انافين
سهام مسحت دموعها وابتسمت = حببتي حمد الله على سلامتك ياقلبي
نور = انا فين ومين الي جبني هنا
سهام = انتي في المستشفى والي جابك هنا الكابتن مؤمن
نور حولت تفتكر وغمضت وفتحت عنيها بصعوبه وبعدها افتكر كل حاجه وجسمها اتشد
ايه = انتي كويسه دلوقتي ياحبيبتي
نور = كويسه
مريم بدموع وهي تقف جوارها =حمدالله على السلامة ياقلبي
مليكه بابتسامة = كده يانور تخوفينا عليكي كدا
مريم = مكفايه نكد بقه ياشويت جزم
ابتسمت نور لهم بحب وهي تنظر لهم كم هي محظوظه بهم
قطع كلامهم دخول محمد مثل الرصاص فاقترب محمد منها بهدوء وهو ياخذها في حضنه = حمدالله علي سلامتك ياروحي كده تخضينا عليكي
نور يصوت ضعيف يحمل التعب في طياته= حبيت اشوف غلوتي عندكم
شدد من احتضنها وهو يقول بمرح =اخس عليكي يابت ده انتي اختي الي مجبتهاش امي ياهبله
نور بابتسامة = انا بحبك اوي ياابيه ربنا يخليك لي....
قطع كلام نور دلوف اسلام وسيف واسر الي الغرفه
اسربابتسامة =حمدالله على السلامة يا انسه نور
نور = الله يسلمك يا كابتن
اسلام بلهفه وهو يذهب ليقف جنب السرير= الف سلامه عليك ياحبيبي
نور باستغراب =اسلام وهو انت جيت امتا
اسلام بحب= جيت النهارده ياروحي وكنت جاي اشوفك اصلك وحشتيني
مريم= متتكلم عدل يا اسلام روحي اي واي وحشتيني دي
اسلام بصوت حاد=في اي خطبتي وبدلعها الي حشرك انتي
محمد بصدمه من كلامه بينما نور كانت في عالم اخر... فقال بصوت حاد=خطبتك مره واحده خطبتك منين هي متتعدل يااسلام..
قطعهم صوت سيف وهو يقول بجديه = خلاص يامحمد مش وقتو الكلام ده
محمد = تمام بس الكلام ده لو اتقال تاني يااسلام انت عارف انا هعمل اي
********************
في قسم الشرطه
في مكان مظلم كان مقيد كمال اللبان علي الكرسي ويجلس امامه سليم ابوجبل بكل كبرياء وقوه
سليم وهو ينفس سيجارته في وجهه= لسه برضو مصمم متقولش مين هو الراس الكبيره
كمال ببسمه مستفزه =لا
سليم قام من مكانه وقرب من كمال وبدا يسدد له عدد من اللكمان المتفرقه علي وجهه فعلا صراخه في المكان فلم يشفك عليه وظل يسدد له اللكمات فكيف يشفك عليه وهو لم يشفك علي الفتيات والاهالي
سليم وهو ينحني ليكون في مواجهته =وعد مني اني اخليك تتمنا الموت وهاخد منك حق كل اب وام ماتو بقهرتهم علي عيالهم بسببك وكل بنت نزل منها دمعه بسببك هخليك تتمنا الموت انت والكلب الي مشغلك
جاهد كمال لخروج الكلمات من فمه ببسمه مستفزه=ولا تقدر تعمل حاجه وانا هخرج قريب من هنا وسعتها وهوريك مين الي هيتمنا الموت ومش هيلقي
سليم سعتها كان بيطلع نار من ودانو فقرب منه وقال ببرود =مش لما تبقه تطلع من هنا الاول ده انت عليك قواضي تخليك تقضي باقي عمرك في السجن
كمال اللبان بصعوبه بالحديث = لا اطمن هطلع قريب اوي كمان وسعتها هنبقا نشوف مين فينا الراجل الي هينفذ كلامو
سليم بسخريه =كويس انك عارف ان الراجل الي بينفذ كلام امال انت بقه متسواش في سوق الرجاله بتلاته تعريفه
ثم توجه الخروج بعدما امر العسكري بفتح باب الزنزانه..... كاد ان يخرج ولكنه توقف علي كلمات
كمال اللبنان = هتندم علي الي عملتو ده وخاليك فاكر كلامي..
ابتسم بسخريه واكمل طريقه لمكتبه
***************************
وفي آحد طـرق آلمـشـفآء كان اسلام يقف ويتكلم في الهاتف بصوت منخفض
اسلام= يعنى اى
بدر = يعنى تطلع من عندك دلوقتي و تكون هنا بليل ولا جدك هيموتك
اسلام = هيموتني ليه انا عملت اي لكل ده
بدر بحده= مشيت من غير متقول لحد يااستاذ وسبت مصالحك و شغلك
اسلام =اختي وحشتني وجيت اشفها فيها اي يعني وبعدين مانت واعمامي موجودين
بدر بنرفزه= اسلام انهي الكلام لحد كده كمان تلت سعات عوزك تبقا قدامي
اسلام=بكرا من النجما هتلاقيني عندك
بدر بحده = مفيش بكرا العشا تكون هنا فى البلد بدل
اسلام = حاضر على العشا هكون عندك
بدر = ماشى يلا سلام
اسلام = سلام
*********************
وبعد مرور بعض الوقت دلف مؤمن هو واسر مع محمد الي غرفه نور
محمد بابتسامة =السلام عليكم
رد الجميع = وعليكم السلام ورحمة الله وبركاته
اما عن مؤمن فكان في عالم اخر وهو ينظر الي نور ظل اكثر من دقيقه ثابت مكانه يشبع عيونه بمن سكنت القلب والفؤاد فهوا اكتشف انه احبها فهوا كاد ان يفقد عقله عندما شهدها تسقّط امامه.....واقسم انها سوف تكون له وسوف يفسخ خطبتها من هذا المعتوه اسلام حتي لو اطر علي ان يجبرها فهي لن تكون لشخص غيره..
اقترب ببطئ منها ثم جلس جوارها وهو يقول بصوت هادي يحمل دافئ خاص لها هي فقط= الف سلامه عليكي ياانسه نور
نظرت له بهدؤء = الله يسلمك يااستاذ مؤمن
اقترب منها محمد وطبع قبله صغيره علي جبينها وهو ياخذها بين حضنه= حمدالله علي سلامتك ياقلبي
هزت رسها له بهدوء واخذت تذيد من احتضانه بحب كبير
وبعد مرور نصف ساعه دلفت ندي بسرعه رهيبه وهي تبكي
ندي وهي تحتضن نور بدموع =حمد الله على سلامتك ياروحي كدا يانور تخضيني عليكي
نور باابتسامه حزينه = حبيت اشوف غلوتي عندكو
مليكه بمرح= كفايه حزن بقه ياجدعاااان
ايه = وانا اقيد كلام الاخت
مريم =اه والنبي وتعالو نروح ناكل اصلي هموت من الجوع
سهام بسخريه= ديمان همك علي كرشك يااخت مريم
مليكه بمرح =لا كده غلط دي مريم مبتكلش الا حجات قليله
مريم بإبتسامة =حببتي يا لوكه قوللها والنبي
مليكه وهي تكمل = دي يادوب تاكل نص الاكل الي في الكافتريا واكلي بس
مريم بغضب مصتنع = اتفخس عليكي وانا الي بدلعك وفي الاخر تقولي عليه كده
البنات =ههههههههههه
اما نور فكانت تبتسم لهم بفرح وهي تنظر بحب الي كل الموجودين هنا من اجلها فكم هي محظوظه بهم
*************************
في طرقه المستشفى وقف محمد بغضب وهو يقول بصوت حاد = كنتي فين لحد دلوقتي يامي ومش جيتي اول ماكلمتك ليه
مي بتوتر = كان عليا محاضره اول مخلصتها جيت علي طول
محمد بلوم= وانتي يعني مش عارفه تيجي وتبقي تاخدي المحاضره دي من صحابك
مي= مكنش ينفع والله يامحمد دي محاضره مهمه جدا
محمد بهدوء = طب يلا روحي اطمني علي نور علشان تروحي مع البنات
مي بتمثيل الحزن=طب طمني نور عمله اي دلوقتي
محمد = الحمد الله بخير يلا روحلها وانا هحصلك كمام شويه
**********************
خرج سيف واسر ومليكة من المشفا
سيف بجديه = انا هامشي انا بقه يااسر علشان ورايا مشوار مهم يلا سلام...
اسر=سلام
اسر الي مليكه=يلا ياانسه مليكه علشان اوصلك
مليكه بسرعه =لا لا شكرا انا هاخد تاكسي
اسر بحده =يلا ياانسه مليكه علشان اوصلك
مليكه = بس انا كده هعطلك عن شغلك يااستاذ اسر وكفايه انك جبتني
اسر بصوت لا يقبل النقاش = انا كدا كدا كنت جاي وجيتك في طريقي فامتشكرنيش ويلا علشان اوصلك علشان الوقت اتاخر ومينفعش تركبي تاكسي في الوقت دا......
***********************
في طرقة المستشفي وقف مؤمن بغضب وهو يقول بصوت حاد=انتي عرفتي منين ان نور هنا... وازاي اصلآ تخرجي من غير متعرفيني وبعدين مين الي جابك
؟.=انا الي جبتها
التفت مؤمن له =سليم انت بتعمل اي هنا
اقترب منهم بصمت= جيت اوصل ندي لصحبتها...واشوف واحد صاحبي
ندي بمرح= الحمد الله انك جيت في الوقت المناسب ولا مؤمن كان هيكولني
سليم بإبتسامة لها= طب كان يفكر بس ييجي جنبك وانا كنت خليتو نسا اسمو
مؤمن بخوف مصتنع =ده ندووش دي حببتي ياجدع وبعدين مقدرش ازعلها.... مش كدا يا قلبي
ابتسمت له وهي تنظر له بحب وقالت =كدا ياروحي
تطلع سليم لهم بابتسامة وهو يقول =صحبتك عامله ايه دلوقتى يا ندي
ندي = الحمد الله بقت كويسة
سليم =طب الحمد الله... طب يلا علشان نمشي
ندي =طب انا هروح اشوف نور قبل مانمشي.... وذهبت بسرعه من امامهم
مؤمن =تعاله نروح لمحمد قبل مانمشي
سليم باستغراب=محمد مين
مؤمن = محمد اخو مريم وبن عم البنات
سليم بهدوء = وهنرحلو ليه
مؤمن بتوتر =علشان نحكيلو علي الي حصل في القضيه
سليم = بس انت لازم تاخد راي البنات الاول وتعرف عاوزين يقلولو ولا لاء... وبعدين نقولو ليه اصلا
سهام من خلفهم =علشان هو اخونا
نظر سليم لها باستغراب ثم قال لها بهدوء وعيونه مظلمه = ودا رايك لوحدك ولا رايكو كلكو
سهام بهدوء = راينا كلنا
تحرك سليم في اتجاه المصعد وهو يقول لها=تماام..... يلا يا مؤمن علشان نشوف محمد قبل مانمشي
سهام =كابتن سليم
التفت لها سليم وقال بهدوء = افندم
سهام =هو انتو مستدعتوش مي ليه
سليم بغموض وهو ينظر الي سهام= مي مين
سهام = مي بنت عمتو وساكنه معانه
مؤمن= بس الملفات الي لقناهم في المهمه مش فيها حد اسمو مي
بينما كان سليم يقف ينظر لها بسكون تام وعيونه تملأها الغموض
مؤمن وهو ينظر الي سهام =هي في كليه اي
سهام= في كليه تجاره
نظر مؤمن الي سليم الذي بدا الغموض يظهر علي وجهه
محمد من الخلف = السلام عليكم
رد الجميع السلام بينما نظر محمد باستغراب الي سهام لوجودها هنا كيف تقف من الاساس مع شابين ثم قال بهدوء وعيونه مظلمه = انتي واقفه هنا ليه ياسهام مش قاعده مع البنات ليه
سهام بتوتر = كنت بشكر الاستاذ مؤمن انو سعدنا
محمد = طب روحي شوفي نور عوزاكي
سهام =حاضر
محمد وهو يوجه كلامه الي مؤمن وسليم = تعالو ننزل نشرب حاجه في الكافتريا ونتكلم شويه
سليم بهدوء= افضل نتكلم في مكتبك افضل يا دكتور محمد
محمد باستغراب من الشب الواقف امامه = طب اتفضلو تروح علي المكتب
***************************
في مكان يملاءه الظلم كان يقف شخص في الظلام وامامه رجل من رجال كمال اللبان ويدعي محفوظ
الرجل بغضب مخيف وصوت يهتز له الابدان وهو ينظر الي محفوظ =يعني اي كمال اتمسك ياحيوان انت وانتو كنتو فين
محفوظ بقلق وخوف من غضبه=والله ياباشا احنا ما كنا عملين حسبنا ان الحكومه هتهجم علينا وكمان كمال به كان مفهمنا ان الفيلا دي محدش يعرف عنها حاجه ومحدش هيقدر يوصلنا
------=امممم كمال ده حسابه تقل معايه اوي..... وعلي ما اظن انك عارف كويس ان الغلط عندي اخرو ايه صح...
محفوظ برعب وهو ينحني الي الاسفل يقبل قدمه وهو يقول ببكاء مزعج =ابوس رجلك يا باشا ما تقتلني انا مليش ذنب ده غلط كمال باشا وولادي ملهمش حد غيري بعد ما مراتي ماتت هعملك اي حاجه تامر بيها بس متقتلنيش ياباشا
صمت وهو ينظر له بحزن مزيف ثم تطلع الي ذلك اللذي يقف بجانبه وابتسامه الثعلب ترسم علي شفايفه وهو يقول بخبث وعدم رحمه =وصل سلامي لمراتك
عيلا صوت الرصاص اللذي اخترق جسد محفوظ بدون اي رحمه........
*****************************
ياترا مين الشخص دا؟
سليم هيعمل اي في القضيه؟
والشيخ عباس هيعمل اي لو عرف الي حصل مع البنات
وياترا اي ؤدت فعل محمد لما مؤمن يقولو الي حصل؟
بقلم / بنات العربي
