قمري انتي

قمري انتي البارت الاول

قصة # قمري أنتي

شلونكم ياحلوين . تؤمنون بالحب من اول نضره . بهاي القصه راح تؤمنون بالحب من اول نضره . حب صادق ونقي
------
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........

قرائه ممتعه

مرحباا اني قمر بنت لعائله محافضه ومتمسكين بالعادات والتقاليد والدين من عشيره معروفه ساكنين اطرف بغداد احنه ناس فلح عايشين عل المحصول الي يجي من بساتين العنب والتفاح

احنه وعمامي بيوتنه صايره كل واحد باني بكاعه بنص بستانه كياعينه احنه وعمامي بصف بعض همه خمس اخوان ابويه وعمامي وكياعينهم وبيوتهم صايره مثل اصابع الايد خمسه بصف بعض كل واحد كاعه وحلاله بس عبالك كلنه بيت واحد

كل النهار نطب من بيت نطلع من بيت من بيوتنه احنه الخمس بيوت لان احنه غربه بنص جيرانه كلهم من عشاير ثانيه فماكو ختلاط ويه جيرنه بحكم غربه من غير عشاير وبحكم بيوتهم بعيده عله بيوتنه مثل مذكرت كل واحد باني بكاعه فلبيوت مطشره جان ابويه بتسلسل اخوته مو الجبير ثاني واحد عمي ابو احمد هو الجبير عنده ولد ثنين اكبر مني احمد ومحمد وعدهم بنت بكدي مزوجه وثنين بنات ازغر مني

عمي عثمان ابو احمد الجبير وابويه عمر عله راسه وعمامي الباقين ازغر من ابويه واولادهم ازغر مني

راح احجيلكم عن نفسي عمري ١٦ سنه طولي ١٧٦وزني ٦٥ أمي عايشه والحمد لله بس تاخرت يله خلفت بعد مخلفتني جان عدها مرض بالرحم بعدين الله رزقها خلفت اختي طيبه ١٠ سنوات واخويه محمد ٧

هسه راح اوصفلكم شكلي بيضه حيل شعري لونه اشقر عله ذهبي عيوني رصاصيات وجهي دائري من اني زغيره اكثر عباره اسمعها شنو هل جمال عبارات مديح وتعجب بجمالي الصراحه جمالي جان ملفت بشكل مو طبيعي كل الي يشوفني يكول زغيره وحلوه من تكبر شلون

من جان عمري ست سنوات اول واحد زحفلي ابن عمي محمد بس مكروه اكرهه يريد يلعب وياي اني ماقبل العب ويا من مااقبل يضربني حته جاب امه جابها تشتكيني لاابويه وامي تكولها قمر متلعب ويه محمد النهار كله بس يحجي بيها ويكول احبها ضحكت أمي كالتلها شنو هل حجي وينهم وين الحب بعدهم زغار عله هاي السوالف

زوجت عمي عيني ماتقبل تنطي وجه يريد بس يلعب وياها ومتقبل أمي كالتلها اي هيه متقبل تلعب ويه احد والله ماكدر اجبرها

صاح محمد لاعمه تلعب ويه اخويه احمد بس من اجي العب وياهم متقبل

حجيت اني كتله اي اكرهك ماريد العب وياك انته تضربني وتريدني بس العب وياك احمد احسن منك يحميني منك كام يتحلف بيه من وره امه أمي ماشافته يسويلي بسيطه أمي كالتلها لزوجت عمي ماكدر اجبرها تلعب ويا راحت زوجت عمي معاجبها الكلام