මෙය මෑත කාලෙයේ දවසක අප්පාත් අප්පාගේ අති පණ්ඩිත ක්රියාවන් නිසාත් සිද්ද උණු තවත් එක අකරතැබ්බයකි..ඕනෑ එපාකම් ගමේ ගෙවෙනෙ අප්පාගේ ජීවිතේ හැම විටම වාගේ දුක සතුට වගේම ඉදල හිටල කරන ඇට්ටර වැඩ වලිනුත් අඩුවක් නැතුව පිරුණු එකක්. වයස පනහ පැන්නත් උන්දැගෙ ඒ ජම්මෙන් එන පුරුදු වෙනස් කරන්න සක්කරයටවත් බෑ කියලයි ගමේ උන් නම් කියන්නෙ.. කොහොම හරි අප්පගෙ මේ මගෝඩි වැඩ වලට දැනගෙන හෝ නොදැනගෙන උල්පන්දම් දෙන අයත් ඕනවටත් වඩා ඒ ඕනෑ එපාකම් ගමේ හිටියලු.. ඔය අතර ප්රදානම කෙආ වෙන්නෙ මන් කලින් කතාවෙදි කියපු බාලේ..
අප්පා කියන විදිහට නම් බාලෙට ඒ නම ලැබිලා තියෙන්නෙ ඒකා කිරෙන් බාල උණු නිසාලු.. මේ කතාව කියන මට නම් ඒ යෝදයා කිරෙන්වත් තෙලෙන්වත් බාල උණු පාටක් නම් පේනවත් තිබුණෙ නම් නෑ..
'බාලෙ ගියේ නැද්ද අපේ ජිනදාසගෙ කඩේ පැත්තෙ එහෙම..'
දවසක් හැන්දෑවෙ බාලෙ එක්ක කයියක් ගහගෙන හිටපු අප්ප ඒ විදිහට ඇහුවෙ තවත් මොකක් හරි අලුගුත්තේරු වැඩකට කියල බාලෙට ඇරෙන්න එතන හිටපු අනිත් දෙතුන් දෙනාටම ඉවෙන් වගෙ තේරුණු දෙයක්..
'ආහ්.. නැ මට කාලෙකින් ඒ පැත්තෙ යන්න බැරි උනා..'
වැඩිපුර දෙයක් නොහිතාම බාලෙ කියවගෙන ගියා..
' බාලෙ ඒ පැත්තෙ ගියොත් පුලුවන් නම් ජිනදාසගෙ කඩෙන් හට්ටි තියේද අහන්නකො.. ආරංචියෙ හැටියට ජිනදාස මෙදා පාර හොද හට්ටි දෙක තුනක්ම කඩේට ගෙනැල්ල තියේලු.. මන් කිව්ව කියල අහන්නෙ නැතුව උන්දැගෙන හට්ටි තියේද කියල අහන්න...'
'හට්ටි කිව්වෙ...'
'මැටි හට්ටි බොල.. උන්දැ මැටි හට්ටි වල දාලා කිරිත් විකුණනෝලු.. බාලෙ ආස නැද්ද හොද මුදෝපු කිරි ටිකක් එහෙම කන්න...'
අප්පා ගානට බාලෙට බෝලෙ බස්සන දිහා එතන හිටපු අනිත් දෙතුන් දෙනා නම් බලන් හිටියෙ මුකුත්ම නොදන්න තොත්ත බබාලා ගානටලු..
'හරි මන් ගියාම අහන්නම්කො..'
'මතක ඇතුව මැටි හට්ටියෙ මුදෝපු කිරි තියේද අහන්න...'
ŞİMDİ OKUDUĞUN
අප්පගෙ කතා 🤡 || Short Stories
Kısa Hikayeහෝව්...හෝව් .. ආයෙම බලන්න.. ! නැ... නැ මේක ඔප්පගෙ කතා නෙවෙයි... මේක.... අප්පගෙ කතා... 🤡🤡 #not a fanfiction