بــاچـر آحلى :-)

القصـة الثانية : من قساوتهم ولِد نجاحي♥️

#بـاچـر _ آحلى
#من_ قساوتهم _ولِد _نجاحي
#بِقلم _ توفـا _العاني

  ...     ...     ...     ...     ...     ...     ...     ...        
  

تَتَـراڪم الخيبـات بِـ داخـل الإنسـان لحـد مـا تُصبح
مصـدر قـوتھّ ..
الخَيبـات اللي يَنصدم بيهـا الشَخص من أَقـرب النـاس إِلھّ ..

اللي توقـع إنهم سندھَ ،
إِنهم محيتخلـون عنهم ..
إِنهم حيوكفون ويـاھَ بِـ مِحنتھَ ..
إنهم حيسامحـوھ ..
إِنهم إِنهم الخ ......

لڪن لو نجي للحقيقـة الإنسـان هوھَ سَند نفسھَ
لاا تتوقعـون أَحـد يفضلڪم ؏ نفسـھَ أَو راحتھَ ..
أَحنة وصلنه للزمن اللي فيھ ڪل شخص يكول نفسي وبس ..

الأًهل اللي ديتبرون مِن أولادهم ..
والأولاد الديشمرون أَهلهم بالشـارع ..
الصديق يغدر صديقھَ ..
والحبيب يخـون حبيبھ ..

ڪُلهـا دتثبـت للإنسـان إنـو لازم يعتَمد
؏ نفسھَ وبس ..

قصتنـا اليـوم ويھَ " صَبـا " والقصة فِعلاً إِجت بوقتها لأنو أحنـة حاليـاً بِـ فترة إِمتحانات وضغط
وتراكمات وتَعـب ..

لڪن ڪُلهـا تزول من تحصـد ثمرة تعبك واللي هوَ نجاحك ..

تگول صَبـا :

أَني البنت الوحيدة الأهلي على ثلاثـة إِخـوان
أَبوية دائمـاً مسـافر لأن عمله يتطلب هذا ..
كنت حيل مدلِلـه وأهلي ممقصرين عليه بشي ..

عائلتنـا من النوع الحريصيـن هواي ما إشترولي موبايل الا لمن صرت بالأَول متوسط وما ينطوني إنترنت بشكل دائم ..

أَني متفوقـة بِـ دراستي كولش ..
وكل سنـة أَطلع من الثلاثة الأَوائل ..

لحد مـا وصلت الثالث متوسط للسنة الدراسية
2020 _ 2021 ..

كانت هاذي أَصعب سنتيـن ؏ العـالـم أَجمع
والسبب كوفيد _19 .. " كورونـا " 

جنة نداوم يوم بالإسبوع وكانت المواد جديدة عليه
شكد مجنت متفوقة بس انصدمت يعني تطب المُدرسة تشرح وتطلع وأني بس أَتصفن لو أَفهم
كلمة لو ما أَفهم ..

وجنة ناخذ سبع دروس باليوم ، درس ورة درس عقولنـا ما عادت تفرزن .. هو بس الرياضيات يحتاج عقل بحالھَ .. 

نداوم يـوم والباقي إلكتروني وبسبب إنـو ما عندي
نت بفوني دخلت بگروب المدرسة من حساب اخوية وبفونھَ ..

جانت الدروس اليدزونها المدرسات واحد يشوفني اياهم والباقي يغلس عليهم ..

وهو همات جـان ثالث وجـان داخل دورة بِكل المواد تقريباً بس جان مهمل بدراسته هواااي وجان لآزٍمٍ يطلع بدرس درسين ويمتحن دور ثاني ..

جنت احجي كدام أَمي إنـو المواد صعبة وكذا
حتى بالجذب مكالتلي اخذي خصوصي أو شي وأني عِزة نفسي منعتني أَطلب منها، رغم هيَ أمي بس جانت اكو فجوة جبيرة بيناتنـا إتخليني أحس إنو هي لربمـا شخص غريب مو أُمي ..