بدت القصه من عمر صفا 20 سنه
صفا:صباح الخير يوم
ام صفا :صباح النور يبعد عيني
ابو صفا :هلا برويحنه ابوها
صفا :هلا بيك حبيبي صباحكم نور انشالله حبايبي
معتز :هلا بجعدت البيت
صفا :هلا عيوني
ام صفا :هايمه رايحه للمعهد
صفا:اي يمه عندي امتحان كيمياء
ام صفا. :مهونة يمه مهونه
صفا :حبيبي يوم
ابو صفا :يابة اوصلج
صفا. :لاحبيبي لتعب نفسك ابو الخط برا
ابو صفا :معتز وصل اختك للباب
معتز :حاضر يابه تدلل الجعدة
صفا :حبيبي اخيته
صفا :رحت للمعهد جان عندي امتحان كيمياء كلش صعب رحت للمعهد طبيت للمعهد عادي سلمت على صديقاتي جانت المعاهد قبل مو بكثرة هل الوكت كانت اعدادنة قليلة ومحدودة لكل استاذ عدد من الطلاب المهم صعدت للقاعه مال الامتحان جان الاستاذ الي داخله عندة فايخ ومخليلة مساعدين منا ومنا وممبقي شي بس جان شنو ايصوكرلي المادة كلها دخلت للقاعه
صفا :صباح للخير استاذ
المساعد :صباح النور اهلا صفا نورتي
صفا: شكرا بنفسيه جان كلش اينرفزني بنضراته وماحبها
المساعد :هاج صفاوي هذي الورقت وامتحني انتي شاطرة
صفا :شكرا وبديت احل الاسئلة جان جايبها صعبه بس الحمدالله كدت احل الاسئلة
علي
علي :جنت كاعد بالقاعه وطبت شنو جمال شنو رقه جذبتني هواية ضليت اباوع عليها مثل المشايف شفتها محترمة كلش وشفنت نضرات المساعد الحقير الها
صفا :خلصت امتحان ضليت كاعدة كلت خلي اخذ نفس وارجع اراجع انداريت صفح شفت ولد ايباوع عليه ضجت طبعا كام ايحرك بعيونه وايباوع عليه وايسوي حركات بوجه كلش ضجت واتنرفزت منه
علي :ضليت اسويلها اي شي خليها يلفت انتباها كلش عجبتني ردت اتقرب منها بس شفتها مو سهله وماكدر اوصللها بسهولة ثكيلة كلش
صفا :ضجت كلت خلي اكوم اشرفلي دامشي وجان ايمد رجلة بنص الممر مال النزول
دانزل ومد رجلة كدامي اني بطبعي ماسكت عن شي احد اسوي ويايه واضوج منه دست على رجلة ومشيت
علي :مديت رجلي كدامها من دتمشي ردت اخليها بس اتباوع عليها كلت بلكت اتكول هءا ايريدني مفاد داست على رجلي دوسة اخخخخ يابويه
صفا :دست على رجلة ومشيت اجيت للمساعد اتفضل استاذ اثناء مدا انطي الورقه راد يلزم ايدي ابسرعه وخرت ايدي وخزرته. ونزلت
علي :شفته شلون راد يلزم ايدها ردت اكوم. افترسة والله بس طلعت طلعت وراها كلت بلكت اكدر احجي وياها يا اخي جذبتني بيها فد شي سجذب مكدؤت اتحمل
صفا :دانزل من الدرج وشفتت الولد ولكفين داريد اكول ممكن اتسولي طريق انزل علي اجه صاح وخروا مدا اتشوفون بنيه دتنزل
الولد :على كيفك عيني
صفا :شفتها حلوة من سوالي طريق منداريت على ولا كتله شكرا استحيت بنص الولد رحت وكفت يم البنات شويه اسولف وياهن شفته بس ايباوع عليه كلت هذا شبي مهتميت اخذت غراضي وطلعت من المعهد
علي :اني اشوف شلون تمشي وجمالها من تحجي ويه البنات والبنات كل وحدة اتوفها تجي اتبوسها واسلم عليها متكوليلي شمسوية بيهن هيج ايحبنج
صفا :رجعت للبيت عادي ولفيت راسي ونمت لانو تعبت من الطؤق جان المعهد بعيد عن بيتنه
علي :راحت وراحت روحي وياها لا عرفت عنها شي لا كدرت احجي وياها منين رح اكدر احجي وياها يربي كلت اخاف اروح على صديقاتها ومينطن رقمها او شي عاد والله رحت كتلهم مرحبا لبنيه الجانت واكفه يمكم تجي باجر بلمعهد لو لا
البنات :وانت شعليك منين تعرف صفا انت
علي :لا لتفهموني غلط بس يعني بس نست ملزمتها على لستول وهذي ملزمتها كالت اي تجي باجر كتلهم ماشي شكرا اطمنت انو رح تجي باجر على مود اكدر اشوفها
ويخلص البارت الاول ماريد اطول بلبارت ايكون قصير وتقرون على راحتكم
ورح اتشوفون احداث نار لا على بالكم القصه بس حب المعهد لا بيها احداث هواية
أنت تقرأ
حرب الحب
Romanceقصه حقيقه : عن وجع الحب وصعوبته والمه كل مايعيشه الشخص مع الشخص الذي يحبه سوف يواجه الصعوبات لكن سوف ياتي يوف وشتد هذا الحب ويبقى في قلب كل شخص ايام الحب مع ذلك الشخص
