مرت الايام ومشت على نفس الحاله وماكو شي جديد واني حبلي بعد باولة توني دخلت بالرابع وعلي متشغف شوكت الي يجي اليوم وايشوفه بين ايدة
صفا..حبيبي كوم يلة صارت ب 8ورانه كلية كوم
علي ..فوفو بربج عوفيني نايم تعبان والله جسمي مكسر
صفا..ولك دكوم البارة من ال 11نايم صارلك هواية كوم هسه بعدين ايكوم يوجعك راسك مثل كل مرة لانو اتنام زايد
علي ..خرب ولا اتخلين الواحد اينام يعني شتعلتي
صفا..هاي فوكاها اكلك دكوم عاد
علي..كايم ولحسين رح اكوم دروحي حضري ريوك وهسه اجي حبابه يلة
صفا..اويلي منك نزلت جوة داحضر الريوك لكيت البنات كاعدات وديدن ايسون الاكل حطيت ايدي وياهن وبدينه سويت الريوك وخلص وعلي ماكو اويلي منك يعني شلون
صعدت عليه فوك لكيته نايم خرب بيك ولك دكوم عاد مو خبلتني
علي ..ولج تعبان صفا تعبان
صفا..شبيك علي اتصيح تعبان اشو تعال لزمت راسه مصخن وعيونه دم وجسمه حااار
ولك علي حرارتك مرتفعه وجسمك حار يربي كمت نطيته حبايه خافض حرارة وسويتله كمادات عاد والله خفت حرارة شويه واني صافنه منين اجته هو كلشي مماكل البارحه شي زايد ولا نايمين على سبلت والغرفه دافيه منين اجته هل الصخونه كلت عادي صخونة ومرت ومرت للدوام لانو تعبان وضليت يمه
صار الضهر وعلي شويه كام على حيلة سبح وبدل ودمشي سويه على الدرج بلبداية ك
علي..صفا هسه حرورح بربج لتسوين مشاكل ويه هذي زينب مالي خلكه ولا خلك ابويه من البارحه مضوجني وايعاتب ليش مدا ابات يمها الله ايخليج عوفيها اني اتفاهم وياها
صفا..حبيبي معليه بيها بس والله هي الي تتحارش واضل اذب نغزات واتصيح عليك حبيبي واني ماكدر اتحمل وحدة غيري اتكولها الك صراحه
علي ..لزمت وجها ولج من التسترجي واتكولي هل الكلام غيريج وماتقبل اسمعه من اي وحدة غيريج حبيبي بستها ونزلت من الدرج طلعت
صفا..شفت زينب واكفه واتباوع علينه عاد رجعت الغرفتي سبحت وبدلت هدومي كلت انزل يم البنات انطكها سوالف على بين ميجي علي بهاي اللحضه انزل من الدرج وزينب دفعتني واوكع من الدرج كله وكمت اعيط وبطني موتتني احص مصاريني كامتت تتكطع الحكولي يمههه وابجي بحركه الوجع موتني واجتي خالتي والبنات وضلت ابغلطن على زينب وهي ولا على بالك واكفه وتتمضحك دكينه على علي واجه
علي ..طلعت الشغلي واني كمت كلبي فجائة كلت يربي شكو انشالله ماكو شي حسيت رح ايصير شي بس كلت ماكو شي انشالله ورحت الشغلي وخابرتني اسيل
اسيل..علي الحك ولك صفا وكعت من الدرج تعال
علي ..اني اسيل كالتلي لو اتخبلت كمت ماعرف شلون الوف السيارة وارجع شلون مشيت بالسيارة مادري وومنتبه بنفسي ربي سلمني جان رحت بحادثه والله اله شويه وانضرب بسيارة وصلت للبيت واشوف صفا بس تبجي من الالم شلتها على ايدي وديتها للمستشفى وجنت اتمنى انو الولد مصايرلة شي وادعي ربي صفا تطلع بسلامة طلعت الدكتروة وكال العوض بسلامتكم اني بهاي اللحضه اتخبلت ماعرف منو واتكول العوض بسلامتكم
كتلها منووو دكتورة
كالت ابنك عيني زوجتك مابيها شي
كتلها جان ولد كالت اي جان ولد
اني ماكدر اوصف شعوري بهاي الحضه طفلين راحوا مني بسببها اتحلفت الها وكلت يا اني ياهي بهل البيت هذا
رحت طبين على صفا ولكيتها تبجي ومحروك كلبها وضلت اتعيط
صفا...كلة من ورا ابوك علي كلة من ورا ابوك الي جابها الحياتي طفلين راحوا مني طفلين واني جنت متشغفه اشوف واحد منهم اخخخخخخ يربي ليش هيج ديصير بحياتي شمسويه اني يربي
علي ..حضنتها وكتلها ربي ايعوضنه بس صدكيني مرح اسكت اليوم اني مطلكها والي ايصير ايصير ميهمني اني بعد واشوف عيون امي كامت ادمع حسيتها انكسرت لمن كلت هل الكلام هذا بعدين استهديت بربي
واجتي الدكتورة ..كالت صفا حبيبتي انتي نجيتي باعجوبة لوما املحكيت عليج لجان بعد مكدرتي اتحبلين مرة ثانيه لانو الدم الي نزفتي والضرر الي اتعرضتيلة كل قوي لازم اديرين بالج اكثر على نفسج ولتتحركين زايد هل الفترة على بين مطيبين تمام
صفا..اني اسمع وابجي ومو بوعي يربي ساعدني وطلعني من هل المحنه هاي يربي تعبت والله تعبت وطلعت من المستشفى ورجعت للبيت واباوع علي ماكو من قبل متجي الدكتورة وهو ماكو
علي ..اني رحت للبيت كلت اليوم يا اني ياهي طبيت للبيت ملختها كتل طلعت دمها من جسمها مبقيت بيها عضمه صاحيه حركت كلبي طفلين راحوا منو ولج شنو ذنبهم فهميني
زينب ..تستاهل وزودها من اشوفك واكف ويايها واتبوس بيها كدامي شتريدني اسوي
علي ..ولج توصل بيج هل المرحلة هاي انو اتكتلين ابني ولج انتي مخبلة مو صاحيه وضليت اضرب بيها ليمه اجه ابويه وفكني منها
ابويه ..ولك شدتسوي انت مخبل اتمد ايدك عليها
علي ..اي مخبل كتلت ابني يابه كتلت ابني دفعت صفا من الدرج وكعت وطرحت ابني رح وجماله جان ولد جان ولد
ابويه ..ومع هذا مالك حق اتمد ايدك عليها هذي مرتك واتسمح منها اشوف يلة
علي ..يابه انت شدتحجي شنو اعتذر منها اني لو اشرب من دمها مارتاح على المشامل الي سوتها تذكر مركله مرام وحيدر ول تذكر مشاكل امي وياك لمن هي علكتها لو تذكر مشاكلي اني وخواني من وراها ولو ولوتذكر شحجت على اسيل من جانت صغيرة يابه شحجي الف مشكلة ومشكلة مسويه ويايه واني اكرها اشمئز منها وانتريدني اسكتلها
ابويه ..غصبا ماعليك يا حقير هاي بنت عمك وعمك خلاها عندي امانه هيج اتهينها
علي .اهينها واكسر راسها بعد لانو اذتني يابه اذتني حركت كلبي صفا هيه ميته من البجي بالمستشفه وهاي تتضمحك ورة ضهرك هيج اتفضلها علينه ليش بس فهمني ليش
ابويه ..كتلك عمك خلالها امانه واسترجي مرة ثانيه اتمد ايدك عليها لا والله متلوم اله نفسك
علي ..اني شفت ابويه شلون ايدافع عليها واني ولا عبالك ولا مهتم ابنه محترك كلبه وفيدة الاول راح كتله اسمع ولج انتي اتحرمين عليه اليوم الدين انتي طالك
وطلكتها وارتاحيت وكتلها اتحلمين ارجعج على ذمتي فهمتي لو لا بهاي اللحضه ماعرف منين اجاني الراشدي من ابويه
ابويه ..ولك انت مخبل شسويت اني مو كايلك طلاك مطلك وله اطلك امك
علي ...يابه اتقارن امي بيها طلكتها وخلص ومارجعها لو تنطبك السمه على الارض كلة لعد اخذها مني وخابر على امي وكاللها انتي طالك اني بهل اللحضه اتهسترت ماعرف شاسوي وضليت اتعارك ويه ابويه يابة ليش شبيك انت هيج اتسوي طلك امي علىمود وحدة متسوى ليش هيج اتسوي وبعد متحملت شفت الحجي ويا ضايع عفته وطلعت وخابرني وجاوبت رحت على صفا شفتهم توهم ديطلعون من الغرفه
لزمت صفا من ايديها وصعدتها بلسيارة ورجعنه للبيت وصفا التهت بزينب
صفا..كبيت للبيت واشوفها واكفه والابتسامه شاكة حلكها كتله بس اكلج حسبي الله ونعم الوكيل بيج يا عديم الضمير والاحساس والله خطيتهم بركبج ليوم الدين وصدكي ماحللج وعفتها وعلي صعدني فوك وامي بقت كاعدة بلسيارة لابيها اتروح ابيت اهلها منو الي رح يتحملها كل واحد هله هله مرته وجهاله منو الي يتقبلها حجيت ويه ابويه كتله يابة ردها امي مالها ذنب بلي ديصير
ابويه ..اترجع زينب على ذمتك امك ترجع على ذمتي وخلصنه غير هل الكلام متحجي فهمت لو لا
علي ..بس يابة
ابويه ..انجب واكل خرا (سوري ) كتلك اتردها ارد امك غير الحجي ماعندي
علي ..رديت زينب على ذمتي واني كرهي الها ايزيد اكثر واكثر كمت ماتحمل اشوفها كدام عيوني من كثر كرهي وحقدي عليها صعدت فوك يم صفا وشفت البنات يمها
بنات عفيه سولها شوري مال مي لحم خلي تاكلها نزفت هواية
مرام ..من عيوني تدلل خيتي
صفا..مرام ابقي يمي عفيه وعلي اطلع ماريد احد عوفوني بحالي
علي ..بس اني
صفا..عوفني على البه ايخليك
علي ..نزلت عفتها واني غصه بداخلي صفا متريدني وابويه ضدي اني وين اولي احترك كلبي ورحت طلعت خابرت علوش الوحيد الي اشكيلة همي وكتله ايجب فاطمة ويا لانو همه ازوجوا فكتله ايجبها على الاقل ويه صفا شويه اتساندها لانو هي صديقتي المقربة
أنت تقرأ
حرب الحب
Romanceقصه حقيقه : عن وجع الحب وصعوبته والمه كل مايعيشه الشخص مع الشخص الذي يحبه سوف يواجه الصعوبات لكن سوف ياتي يوف وشتد هذا الحب ويبقى في قلب كل شخص ايام الحب مع ذلك الشخص
