بعد مرور عدة ايام واني كل حالتي اتسوء اكثر واكثر ماعرف شاسوي ماعرف شلون ارجع علي الي علي كام يكرهني حتى لمن كامت زينب تطلع من البيت احاول اقرب منه ميكدر يتقرب مني ويتهستر واعيط ويضرب واني اتحمل لانو اعرف هذا الشي مو بوعيه احاول اقرب منه جواد وهمين ميريدة ضلت حياتي متشائمة ومبقالي اي امل اتمسك بي انو علي يرجع الي لانو دورت البيت كلة ملكيت شي مكدرت اله شي حاطته بلبيت على الاقل اكدر افكه ملكيت ضاع الامل مني وضليت متمسكه بابني الي ديكبر ومدا ايحس بحنان ابو يوم من الايام
نزلت على البنات لانو جنت حابسه مفسي بلغرفه ماكدر اطلع لانو علي ميتحمل ايشوفني ولا يتحمل يسمع صوتي بس محسيت عليه طلع نزلت جوة واشفت زينب كدامي
زينب..ها يمسعدة اخذته منج لو لا ..
صفا..ابيش اخذتي بالسحر جاوبيني
زينب..اي سحرته لانو هو الي ولا احد يكدر يحجي ويايه كلمة عمي واكف ابضهري وعلي الي تذكرين الايام الي جان ايدللج بيها واني هاملني وميعبرني
صفا..مرح اكلج شي بس اكلج عليج بلعافيه علي بعد ماريدة اني هنا على مود ابني ماريد احرم ايني من ابو مع انو هو ميتقبل ايشوفه بس يبقى عندي امل بي
زينب..حتى ابنج رح اخلي علي ايكره وانتضري هذا الشي
صفا...حسبي الله ونعم الوكيل بيج على الشي الي دتسوي اتسحرين رجلي وتحجين هيج كدامي فهميني شسويتي شربتي وكلتي حطيتيلة شي شسويتي ليش ليش
زينب...ماكو داعي لهل الكلام علي صار الي بعد ماكو منفذ من هذا الشي ورح اصير ام جهاله وخليج انتي وابنج معلكه
صفا..معرفت شاجاوبها بهل اللحضه
(اخخخخخ ياربي زوجي وهلي عليه وين سندي بهل الدنيا 💔😔)
هذي معرفت شاحجي وياها شاكول شاخلي رحت على البنات شفتهم كاعدات رحت كعدت يمهم وضليت اسولف وياهم فترة وبعدها ماشوف اله علي اجه وطب للمطبخ وشافني ونفس الحاله مكدر يمسك نفسه وعياط ايعيط وخري منا وخري منا وكام ايكسر وميعرف شيسوي
علي..بهاي الفترة اني جنت كاره صفا ماكدر اتقبلها لا بذرة مكدرت كل ماشوفها كدامي اتخبل ماعرف شيصير بيه احسها بس اتريد تقضي عليه بس اتريد تنتقم مني ماعرف شنو هل الشعور هذا وسوصتها احس صوت وسواس ايوسوس باذاني وابني الي ديكبر ومدا اشوفه ماتحمل اشوف شي منها يوم من الايام رجعت للبيت وشفتها كاعدة بلمطبخ شفتها حسيت احساس غريب ماعرف شلون اوصف هذا الشعور شعور خلاني اريد اشرب من دمها كمت اعيط واكسر اريدها بس اتوخر من كدامي
زهراء...ولك علي شبيك اهدا شبيك
علي...خلي تطلعععععععع اطلععيييي اطلععييييي مناااااا اطلعيييي
اسيل...صفا اطلعي فدوا اطلعي
صفا...اني اشوف علي بهل الحاله ودموعي اربع اربع ماعرف شلون واصف الحاله الي اني بيها يربي مدا اكدر اتحمل الحاله الي هو بيها ولا حالتي داموت كل يوميه كل يوميه ينكسر شي بداخلي ومشت الايام واني على نفس الحاله وطلبت الطلاك لانو بعد مكدرت اتحمل الي ديصير فقدت الامل وكلبي مات استسلمت للواقع وعرفت انو علي بعد مرح يرجعلي ولا مرة من المرات بيوم الي طلبت الطلاك الي صار
أنت تقرأ
حرب الحب
Romanceقصه حقيقه : عن وجع الحب وصعوبته والمه كل مايعيشه الشخص مع الشخص الذي يحبه سوف يواجه الصعوبات لكن سوف ياتي يوف وشتد هذا الحب ويبقى في قلب كل شخص ايام الحب مع ذلك الشخص
