بعد مرور ايام وحياتي ماشيه عادي جانت عندي روحه للمسنشفى وجانت هاي اخر سنه النه
صار وكتنه انكضي بالمسنشفى اكثر من الكلية وتعب هناك ويه الدكاترة مو طبيعي
علي...صفا ترة اني تعبت والله
صفا...شاسوي يا عيني بيدي اني هاي شوفهم جابرينه الى هسه
علي...يعني ترة والله مصارت هل السالفه الكشرة هسه هل الكوا** شوكت ايطلعونه عاد والله متنه حاصرينه من الصبح شهل الدورة الجايفه
صفا...ههه كوا** ليش هيج تحجي عليهم
علي..نعل بعبنهم اي والله شلون دكاترة شايفين نفسهم والله شنو عمادة الكلية لازم هاي اخر سنه الكم والفايروس منتشر لازم اتكملون كلشي على اصولة
صفا...ههههه دكافي عيني عوفهم هسخ ساعه ب 2 بعد وكت
علي...ولج والله اتكسرت رجلي من الصبح الى هسه فر ورة للدكتور ينطي هاي وينطي هاي. والف معلومه صارت براسي
صفا...لعد شلون ياعيني هي الطبيه سهله
علي...اي والله صحيح عمي شوكت تخلص هل السنه الكشرة
صفا...ههههه بعدمه باولها مصارلنه شهر شنو السالفه
علي....اوووووف شوكت تكمل والله تعبت
ومشى وكت شزيه واحنى نسولف وبعدها تم اباستدعاء لدورة على عملية جراحه وقسطرة ورحنه هناك مشاهدة ومساعدة كذالك جنت اني سريعه الاستجابة هناك وبسرعه الكط الكلمه الي ايكولها الدكتور بلحضتها صار اكو خطا طبي بالمريض والدكتور كام ميعرف شيسوي وبدا ايعالج بي والحمدالله عالجه لكن محجه شسوة ولا كال
هنا اني فهمت الي سوا انو غلق مجرى الدم اول شي بعدها كمل تخيط الوريد الي انفتح واستخدم المفرغ بلحضتها لتفريغ الدم من المنطقه الي يشتغل بيها
المهم جانت شغلات طبيه هواية لكن هذا المختصر
بعدها كمل العملية الحمدالله وخلص بعدها رجع سئل وكال اني شنو الي سويته
ضل الكل صافن محد حجه اني نطيت من مكاني وكتله كيت وكيت
هو صفن عليه كلي شلون سويت هيج شي
شرحتله الوضعيه وشلون لزم الوريد والطريقه هم ومنين وزع المفرغ وهل السوالف كلها
الدكتور...كفو منج شسمج انتي
صفا...اسمي صفا دكتور
الدكتور...والله كفو عليج ماشالله من بعيد عرفتي الي سويته
صفا...اي دكتور اني كلش احب الطب ومتعمقه بي
الدكتور ...لا ماشالله عليج مبين عليج فلة مال الله تستاهلين اتكونين دكتورة ناجحه
صفا...تسلم دكتور شكرا
الدكتور...عندي بعد عملية عاجبج ادخلين ويايه
جنت كلش اريد ادخل العملية بلحضتها انداريت على علي
ورافعلي تك حاجب وايباوع عليه ويضحك بوجهي اني من شفته ضحك عرفته رضه
انو اروح ويا للعملية وجنت خايفه يعني ادخل ويا لعملية ابحدي واساعدة جنت بعدني متوسطه بالعملية صح داخله من السنه الرابعه عمليات هواية بس خفت وكلت علي يدخل ويايه لاني استمد القوة منه
أنت تقرأ
حرب الحب
Lãng mạnقصه حقيقه : عن وجع الحب وصعوبته والمه كل مايعيشه الشخص مع الشخص الذي يحبه سوف يواجه الصعوبات لكن سوف ياتي يوف وشتد هذا الحب ويبقى في قلب كل شخص ايام الحب مع ذلك الشخص
