دخيل العشق

البارت الثالث

#دخيل العشق

بقلم مريم العبيدي

لا تنسون تصويت +كلام بين الفقرات 🌹

************************************

_وهنة عيونه؟
لو بصره بالغبشة... ❤🥺

ايلاف: يربي لا خبر لا حسس شنيه نضل هيج

ايفين: هااا ايلااف شبيج

ايلاف: ولج خيهه شلون بيه متصل عليه وهاي صار ست ايام مو كلبي نشلع

ايفين: اهدي عمري خابرني صراع هما زينين

ايلاف: الحمدلله يارب يتصل عاصف مو روحي لابت عليه

الحجيه: وينجننن ماخلصتن شغلجنن فضنهااا

ايلاف: ايي عمه كملنا. 

سيلا اسم الله الرحمن الرحيم خويه شسوي هنا

عاصف: ها خويه عذريني خاف ارتعبتي

سيلا: جان كاعد ع صبه كعدت يمه شوي بعيد بيك شي خويه

عاصف: اخ يا خويه هموم الدنيا ع جتافي

سيلا: ربك موجود ويحلها لدير بال ابتسم وحجا

عاصف: ونعم بالله وين اهلج اشو بس الحجيه وياج

سيلا: احم اهلي نطوك عمرهم

عاصف: عذريني خويه الله يرحمهم

سيلا؛ ويرحم موتاك لا عادي

عاصف: اخذله صفنا اريد اسالك

عاصف: تفضلي

سيلا: انته مزوج

عاصف: ببتسامه اي خويه مزوج وعندي جهال اثنين

سيلا: فدوه شسمهم

عاصف: قتيبه ومريم

سيلا: فدوه ربي يحفضهم

عاصف: ويحفضج يا غاليه

سيلا: زوجت عن حب

عاصف بسعاده: ايي عن حب احجيلج شلون اخذتها

سيلا: بفرح احب اسمع احجي

عاصف: ههههه شوفي جنت كليه مرحله اولى بهذاك الوكت وهيا سادس فشنو بزمانا مجنات تليفونات منتشره هواي جنت بمكتبه صديقي اجت هيا جاي تشتري ملازم ماكلج شلون جانت هيا وعبايتها وجها ليضوي ضوي تحجي بصوت ناعم تخبل سرسحت كلبي بصوتها

سيلا: شوقتني اشوفها هههه

عاصف: هههه اشوفج ياها فد يوم ايي فجانت تريد ملازم سادس

ايلاف: اخويه اريد كم ملزمه سادس هاي ورقه باسماء المدرسين الي اريدهم

ابو المحل: خويه دقايق ويمج

عاصف: هو راح يجيب ملازم وانا صافن بيها

ايلاف: خويه شكو تباوع مضيع شي بوجهي