قصتي مع بوليسي💞💞

الجزء الاول❤️

**قصتي مع البوليسي**
الجزء الأول 💞💞
سلام نعرفكم براسي بعدا انا صابرين فعمري 19 سنة خرجت من القراية هاد العام كانت عندي واحد العائلة مزفتة لا والدين مساندينك مستقبل مجهول او مكينش علامن تحطي
الراس او هادو أسباب كافيين لي خلاوني نخرج من القراية , كريم حب حياتي لي كنبغيه هو الأمل ديالي فهاد الحياة هو خارج من القراية شحال هادي او خدام، كان يوم السبت اليوم فاش غنتلاقا بكريم وجدت راسي او صونالي وخرجت طلعت فطوموبيل او حسيت بيه بحالا مغير عليا سيد ملي طلعت مهدرش معايا بقا مقابل غير الطريق حتا وصلنا لواحد الكافي قريبة البحر او صراحة حالتو معجباتنيش ݣلسنا او الهدرة ديالو مغيرة عليا شوية او هوا يقول ليا سمعي اصابرين لي بيناتنا سالا او راه الوليدة خطبات ليا او لعرس عندنا السمانة الجاية غير سمعت ديك الهدرة او هبطلي الما فالركابي حسيت بالدنيا دارت بيا او ݣاع دكشي لي دوزت معاه دارليا بين عينيا محسيتش براسي حتا سديت ودنيا او بديت كنغوت او كنبكي او ݣنقول ليه واش اكريم عامين بناتنا دغيا مشات بالخوى او هو بكل برودة جاوبني وقال ليا هادا مكتاب الله او تصرف او أصلا حنا ݣاعما لايقين لبعضياتنا او نتي باقة برهوشة فعقلك دموع نزلو ليا لتحت مابقاو بغاو احبسوا او هزيت ساكي او خرجت فحالي.......
بغيت نلقى التفاعل أكبيداتي باش نحط الجزء التاني 💞💞