قصتي مع بوليسي💞💞

الجزء الثامن❤️

**قصتي مع البوليسي**
الجزء الثامن 💞💞
أو حنا نسمعو دقان بجهد او غوات مراد، انا غير سمعتو وانا نمشي جيهت خالتي خفت عليها مسكينة
خالتي : الله يا وليدي شبيتي عندي عوتاني
رضا : مالكوم تخلعتو غا بشوية عليكوم ، صابرين دخلي نتي وخالتي لبيت او عطيها كاس ديال لما
درت داكشي لي قال ليا مشينا لبيت او هوا خرج دازت نص ساعة أو هوا يتقطع الحس خرجنا كنجريو لقينا سطافيط دات مراد جا عندنا ريضا
رضا : صافي اخالتي معندك مناش تخافي لموهيم من ليوم انا لي غنتكلف بيه
خالتي : اولدي عييت والله حتا مرضت ، مابغيتوش ابقى يضربني او فنفس لوقت مابغيتش ولدي اضيع مستقبالو ، او هوا باقي صغير ، راني كنتقطع ملي كنشوفو فديك الحالة
خالتي مسكينة دموعها هابطين او كتقطع من الداخل عنقتها او بديت كنواسي فيها
أنا : خالتي خاصكي تمشي ترتاحي او انا غنهضر مع ريضا او نشوفو شنو الحل
رضا: صابرين عندها الحق خاصكي ترتاحي او مترفدي هم كلشي غيتحل ان شاء الله
مشات خالتي مسكينة لبيت او نعسات او بقيت انا ورضا الراس فراس ، صراحة عجبني الحال مي فنفس الحال معجبنيش، لحقاش كنت انا وياه بحال المش او الفار ، مي على وديت خالتي صبرت
أنا : اوا اسي رضا قول لينا اشنو المعمول
رضا : الا بغيتي نقدرو نديرو الخطبة غدا او صيمانة الجاية العرس، اش بان ليك؟
أنا : الشريف واش ݣالس كتفلى هنايا جمع معانا كرك شوية
رضا : هايهاي عالبرهوشة كتخصر الهضرة ومسدقتيش سويهلة
أنا : لا دلاحة ، خلينا نهضرو في المعقول او حبس علينا هاد التبرهيش
رضا : ايه نهضرو في المعقول، شحال بغيتي ازين من الحاجة ، جوج جوج ياك ؟
انا : وايني هاد القرد تاهوا مابغا يحشم
رضا : صافي الالة راه غكنضحك معاك بنتي ليا كنت مغلوعة قبيلة او قلنا نضحكوك شوية
انا : هييهي ، زوينة عندك هادي
رضا : لموهيم سمعيني مزيان ، ملي سولت صحابي على وديت مراد قالو ليا ، غايعاودو اجدو الدوسي من الاول ، او غايخصنا نصبرو سيمانة على مايوجدو شي وراق ، باش نصيفطوه لأݣادير ان شاء الله
أنا : او دابا مراد غيبقى مشدود سيمانة ولا شنو
رضا : بطبيعة الحال لا يقدرو يخرجوه غدا ، لاحقاش كيفما كتعرفي ماشي انا لي كنت مكلف بالدوسي ديالو ، او الدواسة لقدام ديالو كيبينو بلي السيد مرض عقليا
أنا : واش من نيتك نتا ، او الا جا عوتاني لهنا اشنو غنديرو ديك ساعة
رضا: حنا أصلا بغيناه اجي هنا
أنا : ياك أسيدي او يخلي دار بو