قصتي مع بوليسي💞💞

الجزء الثامن عشر ❤️

**قصتي مع البوليسي**
الجزء 18 💞💞
وصلنا لدار خالتي صافي حطني او مشا، دخلت الدار او لقيتي خالتي كتسنا فيا ، شافت فيا او هيا تعيق بيا
خالتي : ويتك ويتك على زين دخالتها كي فرحانة
انا : وا صافي اخالتي متحشمينيش
خالتي : رضا ولد الناس او عمرك غاتلقاي فحالو ماشي بحال داك شماتة دكريم
انا : وصافي اخالتي تانتي
بقينا مجمعين ، صافي بقيت معاها شوية او مشيت لدارنا ، غير كندخل لديك الدار او كتشدني الزمتة يا ربي سلامة، وصلات ديك لعشية ، او هي تصوني خالتي لماما ، صراحة معرفتهومش علاياش كيدويو ، كنسمع ماما غير كاتقول، ايه واخة ، ان شاء الله ، جي عندي بكري ،
هادشي لي سمعت ،
ماما : نوضي خملي داك الصالون
انا : الله يا ماما وراه مخمل
ماما : اتي نوضي راه غدا جايين عندنا شي ضياف
انا : هوما لي بقاو ليا
ماما : باركة من كترة الهضرة ونوضي
انا : صافي صافي هاهيا نايضة
لموهيم بديت كنخمل فالصالون ماساليت
حتا غفر ليا الله الدونوب ، وصل ليل بقيت مجمعة مع رضا ليل كامل ، فقت فالصباح مالقيت حتا مساج من عندو ، لموهيم متسوقتش، غير فطرت بديت كنجمع فالدار او تغدينا او بدينا كنوجدو فالعشا لضياف ، انا بعدا تعجبت فماما، شحال ديال شهيوات تبارك الله ، لموهيم سالينا ، وصلات ديك 8 ، او هيا تنغزني ماما
ماما: سيري لبسي حوايجك او قادي حالتك او نتي دايرة بحال المتشردة
انا : او لاش بالسلامة
ماما : وراه جايين عندنا الضياف زعما نوضي دݣعدي
انا : واخا واخا
نضت وجدت راسي او قاديت حالتي ،
وانا نسمع الدقان فالباب ، او لقيت رضا او خالتي او معاهوم واحد لمرة او دري
انا : اش هادشي ، خالتي اش واقع
خالتي بدات كتزغرت وانا مفهمت والو داز عندي رضا او بدا كيوشوش ليا فوذني
رضا : جيتي زوينة العروسة ديالنا
انا : هااااا دابا عاد فهمت البلان
رضا : هه اوا علا سلامتك
خالتي : صابرين واش هكا ناس كيستقبلو ضياف
انا : غير سمحي ليا اخالتي راكوم صدمتوني ، تفضلو دخلو ماتبقاوش فالباب.
صراحة تصدمت بزاف، مكنتش كنوقع رضا اجي لدارنا بهاد الزربة
لموهيم دخلو ، او ݣلسنا فالصالون او جا بابا او هضر مع رضا ، او عجبو بزاف ، او خصوصا انه كيعرفو من قبل او عزيز عليه ، لموهيم دازت الأمور على خير او تخطبنا....
التفاعل البنات باش نحط ليكم الجزء الأخير ❤️❤️