قصتي مع بوليسي💞💞

الجزء الثاني ❤️

**قصتي مع البوليسي**
الجزء الثاني 💞💞
خرجت فحالي او خليتو تما لاحقاش غير طريقة باش كان كيهضر معايا كرهاتني فيه او نسيت منقول ليكم هوا أصلا غير ولد جيرانا يعني ساكن حدانا. رجعت لدارنا دخلت لبيتي او انا مضمرة او حيالتي حالة بقيت كنبكي الوقت كامل ماما كاتجي عندي تطل عليا او كنحاول منبينش ليها، ليل كامل وانا كنبكي او نعست بحيالتي او بحوايجي لكنت خارجة بيهم ، صبح الصباح او حليت عينيا لقيتها 12 نضت جمعت دار او فطرت او دخلت لبيتي او سديت عليا بديت كنمسح فݣاع تصاوري انا وياه لي فتيليفون او الميساجات لي بيناتنا او درت فراسي بلي خاصني نساه او نجمع راسي واخا كنت كنبغيه بزاااف مي كان خاصني نكون قوية او مانبانش ضعيفة قدامو ، شوية كنسمع الدقان فالباب فتحت او لقيت مامات كريم عند الباب جات باش تعرض علينا لعرس لحقاش كيفما قلت ليكم هو غير ولد جيرانا صافي غير مشات او مشيت لبيتي او سديت عليا ، دازت عليا هاد الحالة لمدة ديال 5 أيام ، او بقى غير يوم لعرسو، صافي قررت باش نمشي العرس جمعت الوقفة او مشيت كريت واحد القفطان على حساب العرس ، صافي مابقاش هامني خاصني نكون قوية خاصني نبين ليه بلي هو لي خاسر ماشي انا ، جا اليوم ديال لعرس تقاديت او لبست او ماكيت صراحة جيت غزالة او القفطان بين ليا طاي ديالي ، مشيت بحال ݣاع الناس صراحة شفتهوم بزوج شادي فيد بعضياتهم او فرحانين وانا نشوف فالعروسة او قلت فخاطري أنا تمنيت أو حلمت أو نتي حققتي ، مابينتش ليه راني ضعيفة أو كل ساعة كيدور جيهتي او كيلقاني كنضحك او فرحانة او انا الداخل ديالي معالم بيه غير الله صافي سالة العرس او جيت فحالي لدار او عطيتها البكا الدموع واصلين التحت كيف العادة نعست وانا حالتي حالة فقت في الصبااح،،،،،،،،،،،،
متنساوش التفاعل على الجزء التالت 💞💞