يوميات المجانين ال7

خناقه

يوم جديد في بيت الزواحف السبعه
جين:انت ي زفت انت وهو وطو صوت التليفزيون دا وشيلو الزباله دي
نامجون:جرا اي يهيونج ع الصبح ماتبطل نعير شويه
جين:لو مقفلتش بقك انا هحشيهولك بالشبشب
جيهوب:انت ليدر مهزق يبني؟ سايبه يشتمك كدا؟
نامجون:مانت هيونج مهزق برضو وسايب جيمين يتف ف خلقتك طول النهار متخليناش نتكلم
جيمين:انتو حاطين نقرقكو من نقري لي؟ كل ماتتكلمو تجيبو سيرتي؟
نامجون:اتلهي انت راخر بسيرتك النيله دي داانت فاضحنا ف كل حته
جيهوب:جرا اي ي عم الليدر انت طايح ف الواد كدا لي؟
شوجا:بس يولاد الكاااااالب انتو اي؟ قاعدين ف زريبه؟
جين:هل تعلم انك واحد من بهايم الزريبه دي؟
جونغكوك:وهل تعلم انك اكبر بهيم فيهم؟
شوجا:الكلام دا لمين لامؤاخذه؟
جين:لحضرتك..نايملي زي الكسلان طول اليوم وراميلي كياس الشيبسي جمبك ولا كأني الخدامه اللي جابهالك ابوك
شوجا:ولا بقولك اي اصطبح وقول ي صبح
(جين بينما يرمي الشبشب الذي اصاب مناخير شوجا الثمينه)
جين:صبح مين ياابو صبح.. الساعه 3 العصر قال صبح قال
تاي:انا هموت واعرف من الحوار دا كله انتو بتنعرو لي
(جين بينما يصيب توتة تاي بالخازوق الطائر)
جين:اتلم يزباله انا متغاظ منك انت وكلبك اللي اكلي بوكسراتي دا
تاي:يونتان يعمل اللي هو عايزه
جين:وسعولي كدا بقا
(يصيب جين توتة تاي مره اخرى)
تاي:ياخي انا هعمل عملية البواسير بسببك
جونغكوك:انا لسه عاملها امبارح
شوجا:المهم..احنا ورانا خطاب مهم عند بادن دا
نامجون:اسمه بايدن الله يفضحك وبالمناسبه محدش فيكو ينطق كلمة انجليزي وبالذات يبتاع فوكس اون انت
جونغكوك:يعم ماخلاص مكانتش جمله نسيتها يعني
شوجا:المهم يعني اننا لازم نتغذى كويس قبل مانروح
جونغكوك:انت مبطل اكل اصلا؟
جيمين:لي حد قالك انهم هيجوعونا ف امريكا؟
شوجا:انا بعمل احتياطاتي..اه صح انا كنت  جايب 3 كيلو لحمه امبارح روح اطبخهم يهيونج انت
جين:هو انا الخدامه اللي جابتهالكو امكو؟ عليا النعمه ماانا طابخ.. انا هروح اتجوز احسن واجيب واحده تشيل عني
تاي:بعيدا عن رغبتك المستحيله دي مين هتستحمل تشيل 7 بهايم؟
شوجا:قصدك 6 متجمعش
جونغكوك:اصلا مين هتتجوزك دي؟ تتجوزك على خبتك؟
جين:هي فيه واحده تطول اصلا
جيمين وتاي :جتك نيله دانت بتستلف من شوجا
جين:بس يوسخ انت وهو..الا صحيح اومال امبارح انت راجع العصر كنت فين ي كوك الزفت؟
جونغكوك:كنت بعييييييييييييييييي....
تاي:خلاص ي جونغكوك يحبيبي مش للدرجادي عرفنا انك كنت بعيد
جين:بعيد فين ان شاء الله وانت كنت راجعلي العصر سكران
جيهوب:ملكش حق والله ي كوك ترجع العصر؟ الناس بترجع الفجر يبني
نامجون:يراجل؟
شوجا:لا معلش قول تاني كدا يحبيبي
جيهوب:لا يجماعه انتو فهمتوني غلط قصدي يرجع الفجر عبال مايكون خلص التراويح ويدوبك يصلي الفجر وييجي يعني
تاي:سبحااااااانه
جونغكوك:اصلا انتو عمالين تفتو انا لا كنت سكران ولا نيله واللي كانت ف ايدي دي كانت سبرايت
نامجون:الصبر من عندك يارب
جونغكوك:المهم يهيونج البطيخه انت انا جعان
جين:ماتطفح
جونغكوك:حياتي بقت اجمل بكتير انا حسيت فعلا بالتغييير
جيمين وتاي:اوه اوه اوه اواو
جونغكوك:روح اعملي اكل
جين:انا مش الخدامة بتاعة ابوك.. روح طفح نفسك..انا بعد كدا هجبلكو خدامه عشان مبقتش مستحمل قرفكو
جونغكوك:خدامة مين ي ابو خدامة..كلنا عارفين انك معفن ومحلتكش خمسه جنيه على بعض
(وحياة امي لاانفخك)
وبعد ان تم نفخ كوك من قبل جين
شوجا:طالما مش هتتنيل تطبخ انا هعمل
جيمين:لا ماهو مفيش حاجه تعملها
شوجا:انا كنت جايب لحمه امبارح
جونغكوك:لا ماانت كنت
شوجا:يعني اي؟
جيهوب:بصراحه يعني يهيونج احنا جوعنا الفجر و....
شوجا:وطبختو اللحمه وكلتوها مش كدا؟
تاي:الله ينور علييييييك
شوجا:كلتو 3 كيلو انتو الاربعه الفجر؟
جيمين:لا مااهو احنا مش اربعه
جين:طب انا رايح مشوار
شوجا:تعلالي هنا..بقا تاكلو لحمه الفجر؟ دانتو يوم ابوكو اسود
جين:اجري يلااااااااا
(منظر رائع للخمسه معلقين بالشجره بالحديقه الخلفيه)
جين:نزلني ي ابن الجزمه
شوجا:وحياة امكو لاانتو مبيتين هنا النهارده
شوجا:روح ي نامجون هاتلي الفلوس اللي جوا ف اوضتي هجيب راميون واكل انا وانت
نامجون:نهون
شوجا:يبني فلوسي اللي تحت مخدتي
نامجون:نهيين
شوجا:هتستظرف هديك على وشك
نامجون:لا مابصراحه انا جعت امبارح الفجر بعد ماكلو اللحمه وخدت ال500 جنيه جبت كنتاكي
شوجا:جبت اي يعنيا؟
(ركض نامجون مسرعاً وراءه شوجا كالساروخ)
شوجا:خد يلاااااااااااع
(انتهى الامر بال 6 زواحف معلقين بالشجره وشوجا قاعد بيشيش تحت)
النهايه
اتمنى تعجبكو😭