بارت3
قصة. شهكَة حزن
بقلمي.زهراء الجبوري
_______
اقبال. هذا ابونا هو الي ربانا وصرف علينا جنت اقصد زوج امي رغم جان بينا مشاكل بس عرفت عمي جان عنده طمع بالبيت والراتب مال ابوي ماميت علينا حتى ياخذنا عنده
عمي مافد يوم مر وسأل علينا ولا كال شنو محتاجين هسه اذكر بنات اخوه وين جان احنا مانريده وبعد هواي حجي ضلت احجي لحد ما
القاضي حكم لصالح امي بالوصيه
وطلع المحامي لعمي كله جانت القضيه مضمونه بس هاي بنت اخوك خربت كل الامر هو سمع هيج واجه عليه يريد يضربني بالمحكمه
واجو عليه الحرس اخذوه ودخلوه للقاضي ودخلنا وياه وهنا اني هم ماقصرت
اقبال سيدي هاي بعدنا بالمحكمه وهيج هد عليه شلون اضمن سلامتنا من نطلع كله وقع تعهد
ماتتعرض الهم ولا توصل يمهم وفعلا وقع وطلعنا واني علامة النصر بوجهي واهلي متفاجئين مني
شلون هيج حجيت ورجعت لحياتي الطبيعيه اداوم
بالمدرسه ومثل اي بنيه جنت احلم وارسم مستقبلي وهيج راح اصير وهيج البس
فد يوم جان دوامي ظهري ورحت للمدرسه اني وصديقاتي وصلنا ودخلنا للصفوف وجان تمطر الدنيا جنت اموت على المطر كالت المديره المطر جاي يزود اطلعو للبيت وطلعنا اني وصديقاتي
جان احلى يوم بعمري خلصنا الشارع ركض كأنما اطفال مو طالبات متوسطه نركض حبات المطر تنزل
على وجوهنا مثل اللؤلؤ وحنا نركض ونضحك وثاني يوم صديقتي وثقت الحدث برساله ودزته لكل وحده بينه
ماجان بوكتنا وات ساب ومواقع التواصل الاجتماعي جانت رسائل ورقيه والحد الآن الرساله عندي
ومشت الايام واني ماعندي تفكير غير دراستي ومستقبلي بس ابن عمي دز امه علينا
حتى تخطبني واني رفضت وفد يوم اجى للبيت
ابن العم: اني احبج واريدج
اقبال: مااكدر اريد اكمل دراستي
ابن العم: ماعندي مانع يمي كملي
اقبال: انطيني فرصه افكر
ابن العم: تمام وراح
وره يومين جنت مريضه ونايمه بالفراش وامي اخذتني للدكتور كال عندج تيفو وانطاني علاج وخليت كانوله ورجعت للبيت نمت بالغرفه جنت حيل تعبانه
بعدني ماغافيه واسمع الهوسه بالبيت ودخلت امي كالت ذولي بيت عمج جايبين ناس وجاين يخطبونج
كتلها يمه شنو تحجين ذولي تخبلو كالت ماادري بس زلم ونسوان والدنيا مكلوبه بالبيت
كتلها سدي الباب مال غرفتي خلي انام وشيصير خلي يصير اني غير كتلها انطيني فرصه افكر شلون هيج يسوي بعد حتى ماافكر بالموضوع انتهى كلشي
شويه واجت امي كالت يكول بس احجي وياها
