شهگة حزن
بقلمي زهراء الجبوري
____________________
اقبال: اسمر تعبت بعد ماتحمل اني خلي اروح فتره يم امي ارتاح كال
اسمر: تمام لمي أغراضج خلي اوصلج
اقبال
وصلت يم اهلي وسولفت لأمي وهي تخبلت
ام اقبال: شنو جابرج تعيشين وياهم تعالي هذا بيت
ابوج
جان بيت اهلي جبير كلش وهمه ماعدهم عائله جبيره اني زوجت بقن بس خواتي ٢ وامي وزوج امي وجان بيتهم ركن فطلعو باب للقسم الوره من البيت وسوه مشتمل واجروه لأن البيت جبير عليهم
ام اقبال: راح اطلع المؤجر وتعالي اكعدي
انتي وزوجج بالمشتمل
جان عباره عن غرفتين
وصاله زغيره ومطبخ وصحيات
اقبال: خلي يجي اسمر واحجي وياه وفعل اجه وكتله اني مليت وهذا بيت ابوي يعني الي بيه حصه خلي نكعد بيه ونرتاح كال
اسمر: ماشي اروح احجي ويه اهلي وارجع وراح وحجه وياهم وكلهم راح نطلع طبعا ماتخلى من الكلام انته تمشي وره مرتك واخذتك يم اهلها ومن هذا الكلام ونقلنا اغراضنا وارتاحيت من يروح اسمر
للشغل اعبر يم اهلي ومن يجي ارجع حتى اكثر
مرات امي ماتقبل اطبخ دكول انتم نفرين من نطبخ اني ادزلج وبهاي الفتره صار عندي حمل مره ثاني بسرعه ماجنت ماخذه احتياطي ما عبالي هيج بسرعه يصير حمل وكامت عمتي تجي علينه وره
ماتروح تصير مشاكل بينا اني واسمر
اقبال: ليش متغير
اسمر: اني مليت هنا شنو باقي يم اهلج
اقبال
عرفت السبب اهله مايحبون يشوفوني مرتاحه من اجت امه وشافت البيت وشافتني مرتاحه ضلت تقرا براسه شنو باقي يم اهلها والناس دكول عليك كعيدي كتله احنا بيتنا بوحدنا مو وياهم حتى كعيدي كام من امي دز اكل مايقبل
زادت المشاكل بيني وبينه كام مايتحمل كلمه مني يجي من الشغل يدور اي سبب حتى يتعارك وياي
اجه فد يوم الوجه مكلوب كلاب بس اطخه ينفجر جانت بوكتها امي دازتلي سمجه شوي للغذء وهو دخل
اسمر: منين هذا السمج
اقبال: امي دزته
اسمر: مو كتلج ممنوع تاخذين منهم هسه ترجعينها
اقبال: صعبه شلون ارجعها شنو اكولها عيب زوجي
مايقبل
انته لا تاكل منها عوفها الي اعتبرها دزتها الي اني كلت هيج وهو كلب البيت ضل يصيح ويغلط
تعبت منه خليت وعبرت على اهلي واسمعه يفلش بالاغراض ويكسر دزيت على عمي الوسطاني واجه عليه
ابو نوارس: شبيك وليدي اسمر
اسمر: السموحه منك عمي ما اريد ابقى هنا
