بارت 6
قصة. شهكَة حزن
بقلمي.زهراء الجبوري
:::::::::::::::::::::::؛:::::::::::::::::::::::::::::::::؛::::::::::::::::::…
اقبال. لخاطر اطفالي بعد شنو تسوي مايهمني
شال الجهاز الثاني وهم شمره عليه
اسمر. بعد حتى جهاز مااريد
اني هيج وحده كذا منه تضحك عليه
تضحك عليه وتريد تهجم بيتي
هي نايمه بحضن زوجها وجهالها وتريد تخرب بيتي
اقبال. كل هذا واني اتظاهر بالبرود
وهو محترك كتله هذا الشي يخصكم
هنا اني حسيت جاي انتقم منهم بس بدم بارد عكس داخلي جاي يحترك لأن كرامتي ماتسمحلي ابقى ويه أسمر
رغم كل الي سواه وياي غلط مره وسامحته ورجع عاد الغلط بس لازم اتحمل لخاطر جهالي واحافظ على بيتي وجاي امثل القوه واني نفسيتي تعبت زوجي الي سوه المستحيل حتى يحصل عليه والي تخلى عن اهله وطلع بيه بس لأن يحبني
يعني رفعني بحبه لسابع سما وشمرني للكاع فجأه
ضل عندي جهاز اسمر مااخذه مني
اسمر. عوفيه عندج وشنو تردين اتصرفي وياها اني كشفتها على حقيقتها وبعد ماتهمني كتله
اقبال. ولا اني تهموني ثنينكم بس هو اصر يعوف الجهاز بالغرفه ويطلع يعني يثبتلي حسن نيته هههه بس للأسف جان كلش متأخر بهذا الشي
اني جنت استغل الوقت من يطلع من البيت يروح للشغل اخذ الجهاز واراسلها مره انو اني أسمر ومره اراسلها انو اني زوجته وضلت اراسلها بشخصيتين اسمر واقبال
وبهذا الوقت شغلت عقلي ودخلت على الفيس وبحثت وطلعت حسابها وحساب زوجها وحسابات اخوانها واخواتها
المهم نبشت تاريخها وتاريخ عشيرتها ومن خلال نشرهم جان عدهم مناسبه وناشرين عنوانهم لان جانت دعوه عامه وكمت اصور اي تفصيل او معلومه اشوفها بحساباتهم مثل عنوان رقم تليفون كلت يفيدوني بشغلي الي جاي اشتغله حتى انتقم منها
رجعت راسلتها على انو اني زوجت اسمر وكتلها شعندج ويه زوجي ماتستحين انتي مو مزوجه وعندج.جهال ماتخافين على سمعت اهلج وشيبات ابوج ورسلت صورة ابوها الها الي نزلتها من الفيس وصورة زوجها وابنها كتلها شنو ذنب ابنج لمن يكبر ويعرف عنده هيج ام مثلج جاي تخون ابوه ويه شخص مزوج شنو ذنب اخوج من يفوت ويأشرون عليه هذا اخو فلانه....
يعني شو زوجج بعده شاب وحلو يعني ازغر من زوجي وبعد احلى
شوفي اني لكيت كل رسائلج ومحادثاتج الغراميه ويه زوجي وماتعرفين بأي ساعه تلكينهم منشورين على الفيس وياهم صور ابوج وزوجج وابنج وخوانج واكتب عليهم بالبوست العريض هاي عشيقة زوجي بنت فلان واخت فلان وزوجت فلان وام فلان شنو رأيج
عاد هي هنا تخبلت كالت
شنو تريدين اني مستعده بس لا تفضحيني
بالليل اخذت الجهاز وراسلتها على انو اني اسمر دزيت السمايل حتى تطمن
