شهگة حزن
بقلمي زهراء الجبوري
♡♡♡♡♡♡♡♡♡♡♡♡
......
نكمل
.......
"يحتاج المرء أيضًا أن يبوح بتعبه، دون أن يتلقى ردًا أو طبطبة أو مواساة"🤎
...
اقبال: وهنا صدمة عمري
هنا بداية عذابي وحزني
بهذا اليوم احس كلشي توقف مااعرف شنو اسوي شلون اتصرف لا اني بيتي واخذ راحتي اعصب واصيح واكسر بقيت ساكته وكاتمه الغصه بكلبي اريد بس يخلص اليوم وارجع لبيتي راح اموت اختنكت واني اتصنع الضحك كدام بيت عمي واحاول اكون طبيعيه
لا اكدر ادخل عليه واحجي وياه لأن مو وحده كاعد ضلت حايره واحس الدم صعد لراسي
كوه اتحملت لمن فرشولنا فراش النوم وكلمن راح لغرفته ودخلت علي
اقبال: ليش هيج
اسمر: شنو
اقبال: كلي بشنو قصرت وياك
اسمر: فهميني صار
اقبال: حبيبتك خابرت عليه
غير دكلها راح ارجع الجهاز لابني حتى تاخذ حذرها بس ربك راد يظهرك على حقيقتك واطلع من سباتي
جنت مامنه بيك بس هسه الحجي مايفيد الصبح دكلهم ام اقبال تخربطت حتى نرجع وكبل للمحكمه مستحيل ابقى وياك
وكوه خلصت الليله بحزن بقهر بحركة كلب ماتنوصف
ليله مااكدر اوصفها يمكن لو جنت بيتي اكدر اصيح وارتاح بس الكتم وجع كلبي
وفعلا الصبح كلهم ام اقبال تخربطت وخابرو عليه لازم ارجعهم للبيت وطلعنا وبس صعدنا السياره واني انهديت بالحجي ما عرفت شنو حجيت
اقبال: بس نوصل كبل للمحكمه مااريد شي منك
وصلنا للبيت واني نار تغلي مااعرف شنو اسوي حتى ابرد النار الي بكلبي
هو شافني منهاره كلش ماحجه غير
اسمر: شنو تردين يجرالج واني الي غلطان اعوفلج البيت واطلع وشنو تردين يجرالج
اقبال: مايريحني غير الطلاق مستحيل اقبل شي ثاني
وهو من شافني هيج مصره على موضوع الطلاق ويعرفني عنيده ومااتنازل راح على بيت اهله واجت عمتي وعمي وحجو وياي كالو شنو تردين هو مستعد يسوي
اقبال: اريد الطلاق
كال عمي انطيني رقمها خلي احجي وياها يمكن حقيره تريد تخرب بينكم انطيته الرقم وخابر عليها وجاوبت كلها اني ابو اسمر اريد احجي وياج كلتله اني اعرف انته مو ابوه لان ابوه شهيد واني حبيبته وصارنه ٩ اشهر ويه بعض
كعدت يمي عمتي كالت
عمة اقبال اعتبريني غريبه واخذي بنصيحتي اذا طلكَتي شنو راح يصير جهالج يتبهذلون وهي هذا الي تريده تعوفين زوجج فكري بعقل واسمر طول عمره يحبج وهاي اول غلطه ويكول شنو تريد اسوي بس تنسى امر الطلاق
اقبال: فكرت كلام عمتي صحيح بيتي الي بنيته سنين وتعبت وجهالي صار ٤ كلت خلي انطيه فرصه اسمر يحبني وغلط هاي اول غلطه
