الشيخ قصور

البارت ١١

قصور. رحت يم سمر. وهيه جانت تبجي ولازمه بطنه كعدت يمه
قصور. حمد الله ع السلامه
سمر. واني امسح ادموعي الله يسلمك
قصور.  لاتبجين انتي بعدج اصغيره والعمر كدامج وباجر بدل الواحد انسوي عشره وكلهم ابعمرج
سمر. اني بعدني اصغيره بس انت شايب يمته تلحك اتسوي عشر
قصور. يانذله حتى وانتي ضايجه وتبجين ماتنسيني اني شايب
سمر. لا جد قصور. اني راح اموت من حركت كلبي
قصور. اسم الله ع كلبج لاتفكرين ولاتحسبين صدكيني باجر الله يعوضج بغيره وحياة ماراح
تفلت بلي سوته
سمر. شبكته وهو باسني ع راسي  ونمنه
اسراء. مره اشكم يوم طبعا حياة صارت بالقائمه المنسيه خلاها الشيخ بالطابق الفوك هيه
وبناتها ام هي مامسموح الها تنزل ولاتطلع ولاتروح حتى لهلها يعني هيه والميت سوه والشيخ
اذا راد يشوف بناته يصيحلهم
وفي كما هي انحبست مثلها ابين اربع جدران
لاكن صارت سمر محط الاهتمام الشيخ مهتم بيه هواي  وهيه هواي تدلل عليه وهذا الشي
مسببلي غيره من عدها بس انشاء الله نهايته قريبه ع ايدي هم
سمر. لكيت فرصه حتى اروح لهلي لان صارلي هواي محرومه منهم اكثر من شهر اجه قصور
الضهر وبعد ما اتغدينه
سمر. قصور حبيبي اني كلش تعبانه ونفسيتي مامرتاحه
قصور. سلامتج ليش
سمر. يعني ماتعرف ليش اني استوني اجهضت وحالتي النفسيه تعبانه
قصور. كافي عن الدلع المطلوب
سمر. اروح لهلي
قصور. اي عادي ميحتاج تقرين كل هذا المقتل
سمر. كلت خاف تعارض
قصور. العصر اخذج الهم هسه عوفيني خل انام ورتاح
سمر. كمزت علي وشبكته
قصور. مو تكولين تعبانه ومتئذيه ومريضه وراح تموتين
سمر. صحيح بس من اشوفك يصير كلشي مابيه
قصور. بسته ع حلكها ونمت
اسراء. العصر نزلت سمر وهيه كاشخه ولابسه اخر اناقتها
اسراء. ها سمر. وين رايحه
سمر. الاهلي
اسراء. تباتين يمهم
سمر. لاء حبيبي ميقبل
اسراء. قصدج قصور.
سمر اي
قصور. كرصتها من ايدها من ورا
سمر كمزت التفتت علي شفت قصور وراي
قصور. ابتسمت وهمست اله ليش اجذبين
سمر. 😳
قصور. يله لحكيني اني متئخر اسراء محتاجه شي
اسراء.  سلامتك ياتاج راسي
سمر. طلعت ورا وصعدت بالسياره
قصور. سمر. ترا اني اضوج من غيرت النسوان
سمر.  لا والله ماخذ اربعه ويكول غيرت نسوان انت صايره عليك عركه مو بس غيره
قصور. سمر. اني احجي جد ما احب هذا النفاق وتكوليني حجي ماكايله
سمر. زعلت ومديت شفايفي يعني هسه انت تقبل ابات عند اهلي وتنام اليوم وحدك
قصور. باوعت اله ابنص عين استغفر الله اشلون وي الطفله هاي عمي صدك انتي طفله واني
شايب ماجذبتي
سمر. ماكتلي تكدر
قصور. اكيد. لا واني اكدر بدون هاي الشفايف وجريتها من شفايفها
سمر. فديتك يا احلى شايب انته
قصور. وصلتها الاهلها ورحت كلتلها مستعجل مانزلت وياها
سمر. دخلت. البيت هدؤ جانت الساعه ب٤ العصر فتحت باب الغرفه شفت سحر نايمه بس
قمر مو بفراشها رحت للمطبخ شفتها دا اتسوي كيك اجيت من وراها
سمر. ها قمور شتسوين شهلريحه
قمر. كمزت من مكاني بسم الله 😳😳😳😳😳😳سمر  يكلبي شبكتها واشم بيها لج
اشتاقيتلج بكد رحمة الله حتى ممتتصلين علينه
سمر. واني مشتاقتلكم كومات كومات اما ع الاتصال فخليها وسكتي اهناك الاجواء كلش
متساعد واحد يتصل مشاحنات ٢٤ساعه وحرب
قمر. دكعدي عيني اكعدي سولفيلي شمسوين بيج ما مسوين مدري انتي مسويه بيهم ادري
بيج ام السانين
سمر. هههه لا بالعكس محد يكدر يندك بختج لعد بابا وين
قمر. بابا هسه تلكي بالطريق جاي
سمر. وسحر. ليش نايمه الهسه
قمر. ليش مادريتي اختج سحر انخطبت
سمر😳شنو انخطبت من شوكت واني مو بتكم ليش محد علمني بالخبر
قمر. والله ياسمر كلشي صار بسرعه
سمر. منو خطبها
قمر. ساهر
سمر😳سااهر ابن عمي ماغيره بس اشلون
قمر. شنو اشلون مافتهمت
سحر. قصدها اتكول مبروك بس وكفت بالسانها مدري شتريد بعد
سمر. كمت. بست سحر مبروك حبيبتي كلشي ما اريد غير سعادتج
سحر. واضح من الصدمه ع وجهج