علاء ،محمد ،عبده ،اشرف دول صحاب البطل الي كانو مستنين يوسف يجي الكافيه وقفنا عند الحته دي من 3 ايام معلش اتأخرت عليكم شويه بس كنت مشغوله هتقوم عارقه دلوقت بين صحاب البطل تعالو نشوف اي السبب وهيحصل اي
محمد : فاتكم انتو البت الي كانت معايا امبارح كانت جاااامده اوي كانت عاوزاكم دي
علاء :هو انت مش هتهدا شويه بقا وتتقي ربنا ولا اي كل دا علفكرا هيطلع في عيالك بما انك معندكش اخوات بنات فا اهدا بقا شويه
محمد :علفكرا انت خنقتني مش كل ما اقول حاجه تقولي كدا وتعملي فيها عم الشيخ سيب كل واحد يعيشلو يومين بقا
علاء : وبعدين البنت الي بتتكلم عليها دي مش المفروض انها واثقه فيك وعاملاك راجل متعرفش انك....
محمد :ياعم كل البنات زي بعضها واخرهم واحد وزي ما هتعمل معايا هتعمل مع غيري كلهم كداا عادي كبر دماغك
علاء :تصدق انك عيل نجس وانا مش عاوز اعرفك تاني لأنك واطي
محمد :تصدق انا غلطان اني جيت اصلا انا هقوم امشي احسن علشان انت قفلتني
علاء :ايوه احسن خلي قعدتنا تنضف من امثالك
مشي محمد وهو ماشي قابل يوسف مسلمش عليه حتي فا يوسف فهم انو اتخانق مع علاء بسبب البنات تاني زي كل مره ما بيتجمعو لازم يتخانقو وواحد فيهم يمشي
اشرف وعبده بيهدو في علاء
عبده :انت عارف يا علاء ان هو دماغو ناشفه وبتاع بنات ومش هيتغير
علاء بعصبيه :ياعم ما يعمل الي هو عاوزه بس بعيد عننا مش كل ما يقعد معانا يقول انا عملت كذا مع دي ومشيت مع دي لأن هو عارف اني مش هسكتلو وهزعق معاه انت مفكر ان انا فرحان لأن كل شويه اقعد اتخانق انا وهو بس هو اتغير عن الاول معرفش اي الي حصل من ساعت ما دخلنا الثانوي وهو حالو اتشقلب دا كان بيتكسف يبص لبنت
عبده واشرف في دخلة يوسف : خلاص بقا ربنا يهديه انت عارفو كويس هو دماغو ناشفه
يوسف في اي تاااني نفس الحوار صح
عبده واشرف :ايوه نفس الزفت كل مره يتعكنن علينا
يوسف :بس بس انا هقوم اجبلكم حاجه تهدو بيها اعصابكم هتشربو اي
علااء :انا هشرب ليمون
اشرف: شرب اي يا جماعه الي بتتكلمو عليه انا جعااااااااان يوسف هاتلي حاجه اكلها اخوك حبيبك جعاان
يوسف : يابني انت بلاعه ما ترحم شويه بقا
اشرف : كدا يا صاحبي دي اخرة العيش والملح خلاص مش عاوز منك حاجه
يوسف :بس بس هتقلبها دراما وانا مش فايق بتاكل اد كدا وياريتو بيبان اصلا عليك هتاكل اي
اشرف: ايوه كدا يا حبي هاتلي شاورما
يوسف :وانت يا عبده
عبده : انا قهوه ياحب بس تكون مظبوطه
يوسف :عنيا ليكم بس انا مش الشغاله الي اهلكم جابتهالكم كل واحد يطلع فلوسو ويجي معاايا زي الحلوين كدااا
اشرف :اومال اي الي هجبلك حاجه تشربوها وبتسرح بينا
يوسف: خلصو علشان عندي ليكم خبر حلووو اوووي
وبس كدا البارت يكون خلص هنعرف قريب بقا اي هو الخبر الحلو الي يوسف عاوز يقولو خمنو انتو يكون اي
بلمناسبه انا بكتب كلام مفيد ونصائح لأي بنوته ياريت تدعموني وتبصو بصه كدا
اسمها فضفضة ما قبل النوم
دي مش روايه دي حاجه جديده كدا وحلوه اعموني متنسوش تصوتولي هنا وهناك كمان يلا سلام يا كتاكتي الحلوه
