ريم
صحيت الصبح وانا رقبتي مش قادره بيها ودراعي منمل من النوم عليه مش فاكره حاجه
فتحت عنيا وياريتني ماعملت كدا لاني في لمح البصر اتحولت الي طماطمايه هقولكم ليه مش هسيبكم بفضولكم كدا لاني اول ما فتحت عنيا قابلني جوز عيون زرقا مش هقولكم اني سرحت فيها والكلام دا لاني علطول بسرح فيها لاكن المصيبه اني نايمه في حضنووووو
عاااا ايه الي انا بعملو هنا دا في حضنو وسرير واحد لاحظه لا الحمدالله لابسه الطرحه
هو انا في اي ولا في اي دلوقت طرحة اي بقول نايمه في حضن يوسف الوله متجبس ووشو ازرق بس قمر😂😂
قاطع كلامي مع نفسي مفسد اللحظات الي انا نايمه في حضنو
يوسف:عارف اني وسيم والله ياريم لاكن انتي بتحرجيني بي تتنيحك فيا دا ،عارف ان وشي مخرشم لاكن دا ميمنعش اني لسه وسيم صح
ريم وهي بتضربو بي البوكس:الناس الطبيعيه تقول صباح الخير او اي حاجه بس علشان انت مش طبيعي طبعا قايم تمدح في نفسك جايب يا وله الثقه دي منين ها انت مفكش غير عين زرقه
يوسف:وشعر اصفر لو سمحتي
ريم:تصدق انك بارد
يوسف:يعني انا مضروب بسببك وانتي نايمه علي سريري وانا مريض وغير كدا نايمه في حضني وكمااان بتشتميني يا جبروتك يا بت تصدقي انا الي غلطان اصلا كنت سيبتك مغمي عليكي شبه الفرخه الدايخه كدا وكنت اقول يا فكيك واخلع انا لاكن للا رجولتي و شهامتي متسمحش طبعا ودي اخرتها انضرب واتشتم قومي يا بت من جنبي بدل ما افقع عينك الحلوه دي
ريم بكسوف؛ محدش قالك تخرجني وتأكلني لحد ما يغمي عليا و...
يوسف:ثانيه انتي الي طفسه وكل شويه تقوليلي انا جعانه يوسف هاتلي اكل وانا مش عايز ازعلك وعاوز اجبلك حته من القمر وفي الاخر تقوليلي اغمي عليا من الاكل يا عجله
ريم وهي بتبعد عنو علشان تقوم:ابعد يا عم بقا انا عجله مااشي محدش قالك تحبني وتفسحني
يوسف:ياست خلاص مش واخدك في حته تاني قرفتيتي
في مكان اخر قبل ساعه ونص
عبده صحي من النوم ودخل المطبخ يشرب
عبده :صباح الخير يا جماعه متجمعين في المطبخ ليه
نرمين:صباح النور يا حبيبي
مي:عادي بنعمل شوية ساندوتشات للعيال الي في المستشفي
اشرف من ورا عبده:طب والعيال الي في البيت مش هياكلو انا جعا ن
نرمين وهي بتدي لكل واحد ساندوتش:اتفضل ويلا اطلعو البسو علشان هنروح لي يوسف
عبده:طيب نصحي البنات علشان ييجو معانا
رقيه:لا احنا صحينا ولبسنا يلا افطرو علشان نروح نطمن علي العيال الي متلقحين في المستشفي دول
ريم بعد ما قامت علشان تغسل وشها وتغير هدومها من الهدوم الي جابتهالها امنيه ليلة امس ريم:هو احنا هنخرج امتي من هنا انا زهقت ومش بحب قاعدة المستشفايات
