اسفه علي تأخيري يومين عارفه ان محدش كان مستنيني او متشوق بس تمام عادي مش هطلب منكم دعم علشان يعتبر معدوم لا لاا خاااالص
زعلانه منكم اصلا محدش بيدعمني غير القريبين مني واحب اشكرهم جدا علي وقفتهم جنبي وتشجيعهم المستمر دا بحبكم اويييي ويلا نشوف يوسف كان عاوز يقول اي لصحابو لأني متحمسه بصراااحه
يوسف :روقو علي نفسكم عندي خبر حلو
اشرف :اي هتشتريلي الاكل علي حسااابك والله انت اخ جدع
يوسف وعبده في نفس واحد :اكل تااااني نا تهدا بقا
اشرف :انا غلطان خلاص قول الي عندك وخلصنا
علاء :قول ياعم حمستنا
يوسف :هنروح الساحل
كل الي كانو قاعدين :بجذ والله امتي طيب
اشرف : انا هروح احضر الشنط
يوسف :اي يا جدعان في اي اهدو لسه كمان شهر ونص
عبده بعد ما حدفو في ازازة المياه الي كانت قدامو في وشو :وجاي تحمسنا من دلوقت ليه دا انت فصيل يا جدع وله قوم من هنا
اشرف :انا عندي كبت عاوز اتفسح بقااااا
يوسف اعمل اي طيب ماما قالتلي كمان شهر ونص لحد ما بنت صاحبتها تخلص امتحانات تالته ثانوي
علاء :يعني احنا الي مأخرناا بنت صاحبت امك دا اي الحلاوه دي
يوسف :هتبقا خروجه حلوه يااعم ونكون احنا كمان خلصنا امتحانات ونكون رايقين
اشرف : علشان العطله الي بسببك وبسبب بنت صاحبت طنط حبيبتي هتأكلوني علي حسابكم
يوسف :طب انا مالي وبعدين اي طنط الحلوه دي وله اتعدل بدل ما اعدلك
اشرف :وله براحتي دي امي التانيه تحب ارن عليها واعرفها انك بتشرب سجاير ولا تجبلي اكل دلوقت
عبده :طلعت استغلالي يا وله
يوسف :قولو يا عبده قولو
عبده:بس تصدق فكره حلوه يا وله يا اشرف
يوسف :ياابن الغداره انت كمان
عبده وعلاء واشرف :روح هاتلنا نفطر يلاااا
يوسف :هروح اجبلكم طفح
(طبعا انتو مش فاهمين مين صاحبت ام يوسف واي الي حصل بس الحوار دا فات من اسبوعين بس هحكيلكم اي الي حصل🔥 Flash Back
يوسف كان راجع من الكليه وسمع الي هقولو دا
والدة يوسف :ايوه يا حبيبتي هنروح بس لما بنتك تخلص الامتحانات الاول والموكوس الي عندي يخلص برضو مش بيفتح كتاب وقارفني
والدة يوسف:هنقعد هناك شهر علشان نفك الكبت الي احنا فيه دا الواحد تعببب بجذ
........:مين سمعك الموكوسه الي عندي هي كمان مش بتفتح كتاب وتعبت منها هو الوله يوسف عامل اي مشوفتهوش بقالي كتيير وحشني جامد
والدة يوسف:وحشك اه هو لو وحشك كنتي جيتي تشوفيه انتي والبكاشه بنتك من زمان مشوفتهاش
........:هي تخلص بس امتحانات ونظبط الحال وهتزهقي مننا
والدة يوسف :عمري ما ازهق منك دا انتي صحبتي من ابتدائي يا بت
........:والله انتي حبيبتي ووقفتي معايا كتير خالصص
والدة يوسف :احنا اخوات يابت في اي اهو الموكوس جه اهو هروح احضرلو الغدا وارجع اكلمك
........:خلاص ماشي يا حبيبتي سلميلي عليه سلام
والدة يوسف :يوصل يا روحي سلام
حاسه انكم لسه مش فاهمين مين الي مامت يوسف كانت بتتكلم معاها دي ولا فاهمين هيروحو فين ولا مين بنتها بس هنعرف قريب خااالص كل دااا
يلا اسيبكم في رعاية الله ومتنسوش تدخلو تدعموني علي القصه علي بكتبها بعنوان
(فضفضة ما قبل النوم)
بحبكم تصبحو علي يوم كلو حب
