روايه :رقتها تجبرك أن تحادثها كغيمة ☁️

١

في الميتم
في منتصف الليل كانت غرفة البنات مظلمه فتحت غيمه عيونها بعد مارن منبه جوالها بعدت اللحاف من عليها
ووقفت وهي تمشي على أطراف اصابعها لطيف صديقتها اللي نايمه بالسرير اللي جنبها
هزتها بخفيف حتى صحيت أشرت لها تمشي وراها طلعو من الغرفة للحديقة تكلمت طيف وهي تفرك عيونها
:غيمه وين رايحه بهالوقت ؟
ابتسمت غيمه وهي تلبس عبايتها وتقول:بروح عند خالتي ساره
طيف عقدت حواجبها وتكلمت بستغراب:أنتي تدرين إن خالتك ماعندها بيت عندها غرفه بالقصر اللي تشتغل فيه وين بتجلسين إنتي؟
تكلمت غيمه وهي تلبس عبايتها:خالتي كلمتني اجي عندها بالقصر لأنهم يبون خادمه تساعدهم فقلت اروح عندها واشتغل افضل من اقابل وجه المديره وصراخها علينا ليل نهار
طيف رفعت يدها لخصرها وتكلمت : بس انتي هنا مرتاحه تاكلين وتشربين ببلاش !!
ضحكت غيمه وهي تقول: ليتني اقدر ادفع لها بدال ماتذلنا على اللقمة اللي ناكلها ماتخلينا نرتاح الا وقت النوم من اول مانصحى وهي تشتم فينا وتضرب وتهين وتخلينا ننظف الحمامات والغرف خليني اطلع من هما واشوف الدنيا بدال مقابلة الجدران !!
نزلت طيف راسها بحزن :معك حق بكلامك لكن مامعنا بهذي الدنيا اللي هي حتى أهلنا تخلو عنا ونزلت دموعها بحرقه بعد ماتذكرت إن اهل ابوها وامها تخلو عنها ورموها بالميتم بدون مايسئلو عنها قربة غميه منها وسحبتها لحضنها ورتبت على شعرها بحنيه : صدقيني راح يجي اليوم اللي توقفين على نفسك بدون ماتحتاجين لأحد، إسمعي خالتي راح تسافر بعد أسبوع اكيد راح يحتاجون لخادمه بكلمها  اذا وصلت عندها وراح أدق عليك
تيجين تمام ؟
ابتسمت طيف وهي تهز راسها،
تكملت غيمه بستغراب :طيف تتوقعين عمك راح يوافقك
تعيشين عندي اخاف يدري وياخذك لعنده!!
تكملت طيف بغضب وهي تحط يدها على خصرها :هذا اللي ناقص
ياخذني لعند مادرى عني هذي السنوات كلها تبينه يدور لي الحين ؟لا مستحيل !!
إبتسمت غيمه وهي تغمض لها :كفو عليك تذكري إني معك دائما وأبدا
سحبة طيف غيمه لحضنها وهي تقول :أحبك
ابتسمت  غيمه وهي تقول :وانا بعد ودعوا بعض وبعدها
لبسة غيمه نقابها وودعت طيف وأخذت شنطتها وطلعت من الميتم....
..
"غيمه "عمرها ٢٤ توفوا أهلها بحادث وهي بعمر ٦سنوات وبعدها عاشت في الميتم وكانوا يعذبونها ولكن شخصيتها قويه وعنيده تحب الشعر والرسم شعرها اسود وطويل بيضاء نحيفه "
"صقر " عمره ٣٣ رجل أعمال عايش بقصر مع أهله عصبي ومتهور تزوج مرتين وطلق لاسباب راح نعرفها بعدين عنده بنت إسمها لينا عمرها ٦سنوات"
سبحان الله ،الله اكير ،استغفرالله ،الحمدلله
-----
زلت غيمه من سيارة الاجره ووقفت بجمود وهي تناظر للقصر بنبهار من جماله والوانه المريحه للعين ناظرت لصاحب الاجره وهي تقول:متأكد أن هذا هو العنوان اللي اعطيتك؟ تكلم صاحب الاجره :ايوه وصلتك نفس العنوان اللي أعطيتيني وشغل سيارته ومشى،كان باب القصر مفتوح دخلت غيمه وهي تجر شنطتها كان في حديقه كبيره وجلسه ارضيه على يمينها وارجوحه وورد موزع عند جدران القصر سرحة بجمال القصر لثواني
وقفت خالتها قدامها وهي تلوح لها بيدها :غيمه وين رحتي؟
ابتسمت غيمه وهي تقول :هلا خالتي
حضنتها خالتها بشوق وهي تقول:كل مااشوفك اتذكر امك نفس ملامحها الله يرحمها ويجمعنا فيها بالجنه تكلمت غيمه وهي ترجع خصلات شعرها ورا إذنها :أمين
ساره :تعشيتي ؟
غيمه :ايوه حست برد ورفعت يدينها وهي تفركها بهالحظه دخل صقر البيت وكان لابس ثوب ابيض وينادي ساره بصوت عالي عقدت غيمه حواجبها وهي تناظر له وبعدها تصوب نظرها لخالتها:خالتي مين هذا ؟
ساره :هذا صقر ابن صاحب القصرتوجه لهم صقر ووقف قدامهم وتكلم بصراخ : ساره ماتسمعين؟ ساعه اناديك !!
تكلمت غيمه بغضب وهي ترفع سبابة يدها:تكلم
مع خالتي باحترام تفهم !!
ضحك صقر بسخريه وهو يناظر لغيمه بستقراب:ساره مين هذي ؟ تكلمت ساره بخوف :هذي بنت اختي إسمها غيمه اللي بتشتغل معي تكلم صقر بسخريه وهو يحاول يقهرها:اجل هذي الخادمه الجديده اللي راح تهتم بجناحي ماتوقعتها بتكون حلوه كذا
صرخت غيمه بوجه وهي تدفه: ليت الفلوس اللي معك علمتك الاحترام ياقليل التربيه!!
وسع صقر عيونه بصدمه من كلامها وقرب منها وهو يمسك معصم يدها بقوه ويتكلم بحده :وش قلتي ؟عيدي كلامك !!
تكلمت غيمه بكبرياء وهي تحاول تسحب يدها :قلت إنك قليل تربيه ابعد عني ولاراح تشوف شيء ماراح يعجبك!!
ضحك صقر وهو يقرب منها اكثر:وش بتسوين ؟
شهقت غيمه بخوف من نظراته ومن ريحة الدخان اللي بثوبه الممزوجه بريحة العطر سكتت لثواني وهي تناظر لعيونه الكحله وتتكلم بتلعثم : بسوي شي ماتتوقعه
،خافت ساره على غيمه ودخلت بينهم وهي تسحبها خلفها وتتكلم بتلعثم :اعذرني ياصقر بنت اختي ماتدري بشيء أوعدك ماعاد راح تعيدها
تكلم صقر بصرامه وهو يناظر لساره وبعدها يصوب نظره لغيمه :أنا اللي راح اخليها تعتذر بطريقتي ساره ابي غيم عشر دقايق وهي عندي بالجناح وتجيب لي قهوتي مفهوم
هزت ساره راسها بالموافقه
وتكلمت غيمه بكره :إسمي غيمه مو غيم
تكلم صقر بخشونه :طيب انا بكيفي ابي اسميك غيم !!
ميلت غيمه شفتها بغيض من كلامه وتكلمت:وجع إن شاءالله
سمع صقر كلامها بس سكت ومشى لجناحه..
سبحان الله ،الله اكبر ،استغفرالله ،الحمدلله
-------
غيمه ناظرت لخالتها وتكلمت بغضب وهي ترفع حاجبها:خالتي وشفيه هذا شايف نفسه علينا؟
تقدمت خالتها وهي ترفع يدها وتغطي على فمها
وتتكلم بخوف :غيمه تكفين إسمعي كلامه ولاترى راح يطردنا من القصر وبعدها بنعيش بشارع،إتركي عنك العناد
ويلا روحي سوي له قهوه وطلعيه لجناحه،تنهدت وهي تكمل كلامها حبيبتي غيمه حاولي تضبطين أعصابك احنا موقدهم
،ويلا تعالي معاي للمطبخ اعلمك طريقة القهوه اللي تعجب صقر واعطتها ظهرها ومشت متجهه للمطبخ
غيمه ضربت رجولها بالارض بقهر وبعدها اخذت نفس عميق ومشت ورا خالتها
دخلت المطبخ وسوت قهوه مع خالتها وأخذت القهوه وتوجهة لجناح صقر بعد ماوصفت لها خالتها بجناحه الخاص
رفعت يدها ودقت الباب كان الباب مفتوح دخلت وهي تنادي صقر كانت الغرفه بارده جدا والإضائه خافته نزلت القهوه على الطاوله ولفت بتطلع الا تشوف صقر طالع من الحمام ولاف المنشفه على خصره شهقت بخوف وهي تحط يدينها على عيونها
وتتكلم بتلعثم :أسفه دخلت الجناح بدون إستأذان لكن كان الباب مفتوح ومشت بسرعه من جنبه لكن بلمحة بصر
مسكها صقر من خصرها ووقفها قدامه وابتسم بخبث
وهو يقول : هلا والله بغيمه نورتي الجناح
عقدت غيمه حواجبها وهي تدفعه للخلف وتتكلم بتهديد وهي تشتت نظرها عنه :لاتلمسني ياوصخ !!إنت سكران؟ تمسك بنت ماهي محرمه لك؟
عقد صقر حواجبه وهو يعض شفته السفليه بغضب:عدلي اسلوبك معي فاهمه ويالله إنقلعي نظفي المطبخ والحمامات
ناظرت له غيمه بقرف وهي تتوجه للمطبخ وتحط السماعات بإذنها وتنظف بصمت وسرحان
"بعد نص ساعه"
خلصت شغلها ونزلت سماعتها وطلعت لصاله شافت صقر جالس بالبلكونه ويدخن بشراسه ويناظر للغيوم بسرحان تام تمتمت بصوت خفيف:أنا لو عندي هالقصر والله ماادمر نفسي بدخان وبكون مبسوطه بحياتي ولاافكر بشي يضايقني
ومشت بتطلع الا يوقفها صوته المبحوح وهو يقول: غيم تعالي تأففت غيمه وهي تتوجه لعنده وتكتف يدينها :نعم؟
ضحك صقر بخبث وهو يرمي الزقاره ويوقف قدامها
ويتكلم :على إيش شايفه نفسك؟
ميلت غيمه شفتها وهي تقول: هذا السؤال وجهه لنفسك
طلعت من الجناح وتوجهة لغرفة خالتها شافتها نايمه انسدحت على السرير ونامت بتعب
سبحان الله ،الله اكبر ،استغفرالله ،الحمدلله
----------
في الصباح صحت غيمه وهي تحس بنشاط اخذت جوالها وشهقت وهي تشوف الساعه ٩:٣٠بعدت اللحاف من عليها
وتوجهة للحمام اخذت دش سربع وبعدها توضت وصلت ولبسة بنطلون أسود وبلوزه سوداء ورفعت شعرها ذيل الحصان
وحطت مرطب لشفايفها لبست عبايتها وطلعت لحديقة القصر ابتسمت وهي تشوف بنت صغيره تتأرجح توجهة لها ووقفت مقابلها وتكلمت بحنيه:وش إسمك ياحلوه؟
تكملت لينا ببرائه وهي توقف الارجوحه:إسمي لينا عمري ست سنوات و إنتي وش إسمك
جلست غيمه على ركبها وتكلمت :إسمي غيمه
تكلمت لينا وهي تنزل من الارجوحه وتمسك يد غيمه الله إسمك حلو وش رايك نلعب لعبة الغميضه؟هزت غيمه راسها بالموافقه ورفعت يدينها وغطت وجها وبدت تعد تخبت لينا خلف الأشجار خلصت غيمه العد ووقفت وهي تدور للينا بالحديقه تلفتت يمين ويسارإبتسمت وهي تشوف شعرها من ورا الشجره وتكلمت بصوت عالي :لينا أطلعي خلاص إنتي فزتي علي
طلعت لينا وهي تضحك وتطلع لسانها:فزت عليك يلا ارجعي غطي عيونك مره ثانيه وانا راح اتخبى
هزت غيمه راسها وجلست على الارجوحه وغطت يدها وبدت تعد مره ثانيه
كان صقر يناظر لهم وهو مبتسم اول مره يشوف بنته فرحانه وتلعب بحماس وقف خلف الارجوحه وهو يغطي على عيون غيمه إستغربت غيمه ورفعت يدها فوق يده تحاول تبعدها
:خالتي ساره بعدي يدك،
بعد صقر يده وهو يضحك بصوت عالي:لهذي الدرجه يدي ناعمه؟
شهقت غيمه بخوف وهي توقف وتلتفت له:صقر؟صدقني راح أقول لأمك واخليها توقفك عند حدك ياقليل التربيه!!مويعني إني اشتغل خادمه عندكم يحق لك تلمسني؟؟ترا ماسمح لك تلمسني فاهم!!
عض صقر شفته السفليه وقرب منها وهو يمسك يدها ويضغط عليها بقوه صرخت غيمه من قوت الألم وحاولت تبعد يدها بس كان يضغط صقر عليها أكثر همس بإذنها بخشونه:إذا زوجتي مارفعت صوتها علي تيجين إنتي يالخادمه وترفعين صوتك علي!!شكلني أنا اللي راح أربيك ياغيمه مادامت اهلك ماعرفوا يربيك صرخت غيمه بصوت عالي وهي تضرب صدره :لاتتكلم عن أهلي ولاتدخلهم بينا ،اترك يدي قبل اخذ حقي بطريقة الخاصه، إنت ماتعرفني وماتعرف وش راح اقدر اسوي،لاتحسب إني راح اخضع لك عشانك أكبر مني مكانه فعشان كذا انا ساكته عشان خالتي
ضحك صقر وهو يسحبها لحضنه ويمسك خصرها ويرفعها لمستواه:يعجبني عنادك اللي راح اكسره لك ياغيم وسحبها معاه لداخل القصر
سبحان الله ،الله اكير ،استغفرالله ،الحمدلله
-------
سحبهامعاه لداخل القصر شاف أهله متجمعين على طاولة اطعام تكلم بسخريه وبصوت عالي وهو يناظر لهم
:يمه خلاص لقيت اللي بتربي بنتي وإللي راح تخدمني
التفتوا أهله لغيمه وتكلمت أمه وهي توقف :صقر مين هذي البنت لايكون بنت أخت ساره ؟
ضحك وهو يقول :ايوه هذي غيم اللي بتربي بنتي وبتشتغل بجناحي الخاص
وقف وسيم وهو يقول:صقر اترك البنت كسرت يدها !
عقد صقر حواجبه وهو يقول:لاتدخل بخصوصياتي مفهوم؟
تكملت ام صقر بغضب :صقر أحترم أخوك واترك البنت بحالها واذا ماتبي تشتغل عندك لاتجبرها
سحبت غيمه يدها منه واعطته كف قدام أهله وتفلت بوجهه وناظرت له بنظرات كلها إستحقار واعطته ظهرها ومشت من عنده بكبرياء ناظروا له اهله بصدمه وصقر كان واقف مكانه بجمود
ماتوقع إنها راح ترفع يدها عليه  حس بنار تغلي بداخله
تكلم وسيم وهو يمشي من عنده :تستاهل اللي يجيك ياصقر تعلم كيف تتعامل مع البنات وترك عنك العصبيه ترا إنت اللي راح تخسر بالاخير وطلع ورا غيمه
تكلم وسيم بصوت هادئ :غيم ممكن توقفين؟أبغى أتكلم معك تأففت غيمه وهي تلف عليه وتقول :إسمي غيمه
الظاهر العائله كلها مريضه
ضحك وسيم وهو يدخل يده بجيب بنطلونه ويشتت نظره عنها :اعتذر منك على إللي سواه اخوي فيك ياليت تسامحيه لانه يمر بضروف صعبه عشان كذا مايقدر يمسك أعصابه تكملت غيمه بعدم مبالاه:وش دخلني انا بضروفه؟خل بالاول يحترم نفسه ولايقرب مني وبعدين وين زوجته عنه
تكلم وسيم بحزن:عند أهلها خلاص راح ينفصلون ولينا راح تعيش معاه وسعت غيمه عيونها بصدمه:لينا بنته؟
تكلم وسيم:ايوه
بهالحظه شافت غيمه لينا تجري لعندها تكلمت بحنيه :لينا إنتبهي على نفسك لا تطيحين !
وقفت لينا مقابلها وتكلمت وهي تكتف يدينها:هذي ثاني مره افوز عليك ضربت غيمه راسها وهي تقول:دورت عليك كثير ومالقيتك وين تتخبين؟ ابتسمت لينا وهي تغمض لها :عندي مخبئ سري بعدين اعلمك فيه، تعالي معاي بغرفتي نرسم سوا غيمه :أسفه يالينا ماقدر اجي معك بروح اساعد خالتي تكلمت لينا بحزن :تكفين إلعبي معي طفشت وانا العب وحدي وسيم : غيمه روحي مع لينا وانا راح أخلي ميري تساعد خالتك تمام ؟هزت غيمه راسها بالموافقه ومشت مع لينا لداخل القصر وبعدها لجناح صقر عقدت حواجبها وهي توقف :لينا لايكون غرفتك بجناح صقر؟تكلمت لينا ببتسامه:ايوه غرفتي بجناح بابا ومسكت يدها ودخلتها معاها للغرفه طلعت لينا ألوانها وكراسة الرسم وجلسوا على السرير يرسمون بإنسجام مر الوقت ونامت لينا اخذت غيمه كراسة الرسم والالوان ودخلتها بدرج المخصص وبعدها اخذت اللحاف وغطلت لينا وإنسدحت جنبها ونامت، دخل صقر جناحه وهو ينادي لينا توجه لغرفتها وشافها نايمه هي وغيمه ابتسم
----------
جلس صقر على حافة الكرسي ورفع يده وهو يمسح على شعر غيمه بحنيه ويناظر لوجهها البريءويتمتم بصوت غير مسموع:أسفه ياغيم قسيت عليك اليوم لكن هذا طبعي دائما أظهر عكس اللي بداخلي عشان كذا ماعندي احد قريب مني
لازم اكون معك هادئ هذي الفتره عشان بنتي
حبتك ماراح اخليك تروحين من بين يديني راح تكونين لي
ياغيم وراح اخليك تتزوجيني رغم إني ادري إنك تكرهيني بس انا اعرف نقاط ضعفك اللي راح تخليك توافقين علي سرح فيها للحضه وبعدها اخذ اللحاف وغطاها ووقف وهو يطلع من الغرف متوجه لغرفته
صحت غيمه الساعه وحده الظهر
عدلت ملابسها ونزلت بسرعه شافت خالتها بالمطبخ تسوي غدا توجهة لها وهي تضمها من ورا وتبوس راسها:مساء الخير بتوقيتي
ضحكت خالتها وهي تلف عليها:قالت لي ام صقر على اللي صار بينك إنتي وصقر،بس تصدقين اول مره يوافق صقر يجيب لبنته مربيه مايثق بأحد غيري انا وأمه وضربتها على كتفها وغمضت لها وهي تكمل كلامها:لايكون صقر يحبك ؟!
وسعت غيمه عيونها بصدمه وهي تقول بقرف : ومن متى يكون الحب كذا وبعدين مثل صقر وأشكالو مايعرفون الحب الله ياخذه بسبته تمنيت وانا جلست بالميتم ولا جيت هنا سكتت للحظات وجلست على الكرسي وهي تسحب كوب القهوه وترتشف منه ،جلست خالتها مقابلها
وتكلمت بضيقه :بعد يومين راح يسون حفله للمار اخت صقر عشان تخرجت من الثانوي وتأففت وهي تكمل كلامها ميري اليوم بتسافر وماراح يقوم بالقصر الا أنا وإنتي كلمة أم صقر تجيب خادمه حتى ترجع ميري بس قالت ماتقدر لكن أناادور اذا لقيت خادمه تعرف تسوي الحلا والمعجنات اكلمها تجي اليوم، لكن ياحسره من وين نجيبها ماعاد في وقت ؟؟
ابتسمت غيمه وهي تضرب يدينها ببعض وتتكلم بحماس :خالتي صديقتي طيف تعرف تسوي حلا ومعجنات وش رايك اخليها تجي تشتغل معانا ابتسمت ساره وهي تقول:وش منتظره إنتي كلميها تجي اليوم وراح نرسل لها السواق ياخذها من الميتم ،وانا بروح أكلم أم صقر
وقفت غيمه وهي تقول:طيب الحين باخذ جوالي وكلمها تجي..
سبحان الله .الحمدلله ،الله اكبر ،لاحول ولا قوة الا بالله
----------
المغرب
كانت غيمه في حديقة القصر وتنتظر طيف بشوق،
ابتسمت وهي تشوف طيف تدخل القصر فتحت يدينها وهي تأشر لها تجي بادلتها طيف نفس الإبتسامه وهي تتوجه لغيمه وتضمها وتتكلم بشوق :يومين غبتي عني واشتقت لك كثير الله لايحرمني منك ياغيمه
تكلمت غيمه وهي تبعدهاعنها وتناظر لعيونها بحب
:وانا اشتقت لك أكثر لوماكان جيتي كان طلعت من هالقصر
استغربت طرب من كلامها وتكلمت :ليه بتطلعين ماأعجبك هنا؟ميلت غيمه شفتها وهي تقول:الا أعجبني كل شيء إلا أبن صاحب القصر غثيث مره وعصبي وشايف نفسه علي الله ياخذه ليته يصير مثل أخوه وسيم وتنهدت وهي تكمل كلامها
يلا ماعلينا منهم تعالي ندخل داخل أعرفك على خالتي وتقولي لي وش صار معك بهاليومين وش سوت المربيه
بعد ماعرفت إني هربت ؟
ضحكت طيف وهي تقول لها: جلست تحقق معي ساعه وتسألني وين رحتي وانا سويت نفسي مااعرف شيء وبعدها هددتني وراحت ،باقي نتي قولي لي وش صار معك هنا
مسكو يد بعض ودخلوا غرفة ساره
وجلست غيمه تقول لها كل اللي صار لها..
"في الليل "الساعه ثلاثه فجراً
صحت طيف على صوت المطر لفت على غيمه اللي نايمه جنبها وهزتها بخفيف وتكلمت بحماس:غيمه اجا مطر
قومي خلينا نطلع للحديقة
تكلمت غيمه وهي مغمضه عيونها :أطلعي إنتي معاي نوم
تأففت طيف وهي تطلع للحديقة وكان المطر غزير
وقفت تحت المطر وهي تمد يدينها وتدور حول نفسها  وتناظر لسماء ببتسامه ومرت دقايق
إلا يدخل وسيم وهو يناظر بصدمه لطيف اللي لابسه بجامه ورديه عليها رسومات وملابسها قد لصقت بجسمها من كثر ماتغرقت بالمطر وشعرها الأسود منثور على أكتافها ومغطي نص وجهها  وتناظرلسماء وهي مبتسمه وتغني بصوت عذب
إنبهر بجمالها
وسند ظهره على الجدار وهو يتأملها..
...