مرحبا حبايبي 🖐️🖐️
ما شاء الله الدعم يوم عن يوم جاي يزيد
وانتو ماقصرتوا 💪
البارحة شفتوا شخصية الحجية 🔥
بس اليوم راح تشوفون شخصيات هواي
وراح يتعقد الموضوع 💃
حضروا روحكم راح تنزعون عقولكم 😂
قراءة ممتعة 🖐️❤️
__________________________________
ابراهيم : هذا ابنج الشفية وين .. الله ينعل
الساعة الخلفتة بيهة ..
ام اثير : بلومة ..ليش يارجال تحجي علة
ابنك هيج .. هذا ابنك الوحيد بدال ماتصير
ظهرة تقويه تسنده تحجي عليه بالطالع
وبالنازل .
ابراهيم : بعصبية ..مو متعافي علة نعمة الله
اني خبل ..ابراهيم فتح الله خبل يعارك وي
الحايط.. سوتلي ابنهة ملاك منزل من
السما ..ولج مامخلي ساقطة تعتب
عليه ..يوميه مصورينة مصلخ وتعال يبراهيم
حلهة ..بس هو شنو فسد اخلاقة غير دلالج
وخشمج اليابس ..
ام اثير : بحدة ..يعني شنسوي اثير مراهق
وكل اللي بعمرة يسوون هيج ..بس انتة گوة
تريد تركبه الغلط..
ابراهيم : بأستهزاء لايابة كلهة نفس
اثير ..ولج 15 مرة بس هذا الشهر سديتلة
مواضيع جانت اطير راسة لبنج السگط ..بس
عبالج علمودة هالكلب ابن الكلب ..لا طبعا
علمود صورتي گدام الناس واني نائب بحزب
اسلامي ..يعني يگولون ابن ابراهيم مامخلي
گح… ابغداد ماتعتب عليه هينة علية واني
اثر التربة ماخذ نص وجهي ..
__________________________________
ملاذ : نزلت من السيارة ..واني بالي يودي
ويجيب ..ليش هيج ابوي وعمامي وياي اني
ماخطأت بس يعني مجرد حبيت شخص وهو
لاحرام ولاعيب ..شگد متمنية هسة كون
ماحبيت اثير ولا حجيت وياه اصلا من
البداية جان هسة اني بيت اهلي ابوية
يبوسني ويگلي شلون چان دوامج واني
اسولفلة عن دوامي ..وامي حبيبتي نگعد اني
وياهة نباوع مسلسل هندي اخ شسويت
أنت تقرأ
ملاذ آدم 🔥
Romanceملاذ فتاة في العشرينات من عمرها تقع في حب احدهم في الجامعة وشاءت الصدف ان يعلم اعمامها بالامر 💔 انقلبت حياة ملاذ ١٨٠ درجة وجبرت ان تتزوج ابن عمها وتركت حبيبها . هل سيكون ابن عمها رؤوفا بها وماذا تخبئ لهم الايام .. جميع الحقوق محفوظة 🔥 للكاتب الاصل...
