ملاذ آدم 🔥

البارت الثالث

مرحبا حبايبي 🖐️🖐️

شكرا على التفاعل بأخر بارت چان اسطوري 🔥
مراح اقصر عنكم بتنزيل البارتات 😍

والبارت اليوم فد شي راح يصير 💪

وان شاء الله يعجبكم 🔥

قراءة ممتعة 🖐️❤️

__________________________________

مؤيد : صعد ادم لغرفة ملاذ ونزلت عمتي ام

سامر وعافتهم وحدهم ..صح ادم شخصيته

قوية واليشوفة يگول شايل خشمة بس هو

طيب وگلبة ابيض وي الناس ويحب

يساعدهم وطبعا ماعدا الناس اللي اذوه ..

اباوع عمي سالم گوة مسيطر علة روحة

ويفرك بديه وحسيته رايد يسوي شي بس

منتظر اللحظة المناسبة .. شويه وانفتح باب

غرفة ملاذ من گد ماصارت هدوء سمعنة

صوت فتحة الباب .. نزل آدم بهدوء واجه

جاب طبلة وگعد گدام عمي ابو سامر ويباوع

بعيونه.. الكل انتبهت علة تصرفه وبوجوهم

علامات الانزعاج..

آدم : جبت الطبلة وگعدت گدام عمي ابو

سامر ..بهدوء عمي ابو سامر انته تثق بيه

لو لا..

ابو سامر : انصدمت من تصرف آدم ..بهدوء

طبعا اثق بيك ..

آدم : واني مسحت شواربي .. ملاذ راح تروح

وياي ..

ابو سامر : بحدة شنو ..

: هذا والله شايف روحة ..

: استغفر الله والله لو مو ابوي گاعد چان

طيحت حظة ..مسوي روحة ملطم علينة

انتة كلك جرد ضابط ..

آدم : بهدوء ..اسمع عمي انته حاليا عصبي

ونفسيتك تعبانه.. واخاف تسوي شي تتندم

عليه باقي عمرك ..اخذهة اسبوع يمي ترتاح

وفترة وارجعهة ..وشويه الموضوع يهدة

ابو سامر : دمعت عيني ومسحتهة بسرعة..

بگلبة ..بكل لحظة اموت الف مرة من ورة

ملاذ..

شگد چنت اتمنة ازوجهة بيدي لواحد

يصونهة ويحميهة وارفع راسي بيهة گدام

اخوتي واگول زين ربيت وشوفو بنتي

شحلاتهة طالعة وبنتي ملاذ احسن

بنية بس الساقطة فضحتني وداست علة