حصلت فعاليات الشركه كانو مسوينها للطلبه ،، فهد حب يصارحها بهل يوم وكانت مشاعره صادقه جداً ، تحمس فهد وأيد وقال خلاص أنا بكلمها ، لاكن للاسف ، ساره ما حضرت كانت مسويه حادث معه أمها وعتذرت وما قدرت تجي ، (يافرحه ما تمت ) ، فهد قلبه فز وخاف عليها أول مره طلب رقمها من ( مريم ) صديقه ساره صج رفضت لاكن حاول يكلمها ..
قال لها :
شلونج ساره .....
ردت :
يا اهلاً منو ؟
رد عليها :
أنا فهد الي معاج ستاف بحفلة التخرج ....
ردت :
اهاا اي عرفتك
رد:
شلونج ؟ عساج بخير قالو سويتي حادث ؟؟
ردت :
أي بخير الحمدالله ، حادث بسيط الحمدالله 🤍
رد :
الحمدالله يارب ، والله بس حبيت اتطمن عليج وأجر وعافيه ، وأي شي تبينه أنا موجود 🤍🤍
ردت :
شكراً لك يا فهد ماتقصر 🤍🤍🤍🤍
——
عقب المحدثات كلهم يفكرون وكل واحد خذا عقل الثاني لاكن للاسف محد يقدر يعترف حق الثاني ،، مرت الايام بشكل جداً طبيعي
لاول مره فهد حب يكلم ساره محدثات مره وحده يقدر يشوف ردها وما ينحرج ..
كتب حق ساره :
ساره ، صديقتي ، زميلتي ، أختي ، كل شي بالنسبه لي
من فتره كنت أحاول أدش عليج لاكن للاسف ماكنت أقدر أدش منحرج منج ، لاكن والله والله أني داش عليج بمشاعر صادقه وبقلب صج يحبج ويخاف عليج من أول ما عرفتج وانتي ماقدرتي تروحين من بالي ثانيه والله شاهد ،، رد بسيط منج بيسعدني ، وأنا داش عليج فقط اشرح لج مشاعري تجاهج ،حتا لو ما تبادليني المشاعر عادي قولي 🤍
فهد فكر أكثر من مره خاف من ردها ، خاف ينكسر ، خاف من كل شي ، لاكن كان يكرر الي بيجي من الله حياه الله !
ردت :
ياهلا فهد ، في مشاعر ساعات تجي بلحظه أحنا مو مخططين لها ، أشكرك حق صراحتك ، من أول الاجتماع وانت مو طالع من بالي ، خوفك علي حبيتك أكثر ، مارح أحصل شخص مثلك صدقني 🤍
